6 идым

←
→
Идым
← →Идым
	2026 ий

6 идым (6 сентябрь) — григориан кечышот почеш идалыкын 249-ше (кужемдыме ийлаште — 250-ше) кечыже. Идалык пытыме марте 116 кече кодеш.

Йошкар-Олаште ☀️ Кече 5 шагатат 2 минутлан лектеш, 18 шагатат 34 минутлан шинчеш. Кечын кужытшо 🕒 13 шагатат 32 минут.
🌗 Пытартыш чырык (23.84 тылзе кече).

Пайрем да шарныктарыше кече-влак

Шып Евтихий (руш. Евтихий Тихий).
Його аван кечыже (руш. День ленивых мам).
Книгам лудмо кече (руш. День чтения книги).
Кофе мороженыйын кечыже (руш. День кофейного мороженого).
Петровысо Шочынава юмоҥан пайремже (руш. Праздник Петровской чудотворной иконы Божией Матери).
Шуйкалымаш дене кучедалме кече (руш. День борьбы с прокрастинацией).
Йошкарвуй-влакын кечышт (руш. День рыжих).
Пондашын тӱнямбал кечыже (руш. Всемирный день бороды) — идым тылзын 1-ше шуматкечын палемдалтеш.

Лӱмгече

Арсений, Георгий, Евтихий, Пётр.

Эртынчык-влак

Тугак ончо: Категорий:Идым тылзын 6 кечысе событий-влак

1872-шо ийыште Берлиныште кум императорын вашлиймашыже эртен: Александр Кокымшо, Вильгельм Икымше да Франц Иосиф Икымше кугыжа-влак Германий, Австро-Венгрий да Россий эл-влак кокласе кылым пеҥгыдемдыме шотышто ятыр йодышым каҥашеныт.
1936-шо ийыште «Совет Ушемын калык артистше» званийым илышыш пуртымо.
Ленинград олан лӱмжым уэш Санкт-Петербургыш вашталтыме.

Шочыныт

Тугак ончо: Категорий:Идым тылзын 6 кечынже шочшо-влак

1918 ий — Антонов Ивук (Иван Андреевич Антонов), марий серызе, поэт, кусарыше. Шернур район Тоски ял гыч. Икымше произведенийжым 1935 ийыште савыктен.
1924 ий — Михаил Александрович Попов, совет туныктышо. Параньга интернат-школын завучшо, Марий АССР-ысе Параньга РОНО вуйлатыше (1961—1980). РСФСР школын сулло туныктышыжо (1966). Пӱтынь ушемысе туныктышо-влакын III погыныштын делегатше (1978). Кугу Ачамланде сарын участникше.
1931 ий — Зоя Александровна Фёдорова, Марий республикын сулло туныктышыжо. Шернур кундем Мушкыдӱҥ ялыште шочын. Тудо Мустай, Шернур, Лажъял кыдалаш школлаште руш йылмым туныктышылан тыршен. 1966—1970-ше ийлаште Совет Ушем кӱшыл погынын депутатше лийын. Суапле пашажлан орден ден палемдалтын.
1934 ий — Вячеслав Николаевич Маркин, кугурак инженер, Марий машиначоҥышо заводышто конструктор бюро начальникын алмаштышыже, начальникше (1958—1999). СССР Кугыжаныш премийын лауреатше (1977). 1965 ий гыч КПСС йыжъеҥ.
1945 ий — Наталья Леонидовна Дементьева, совет да российысе кугыжаныш пашаеҥ. Федераций Каҥашыште бюджет да финанс рынке шотышто комитетын йыжыҥъеҥже (2004—2019). Россий Федераций тӱвыран сулло пашаеҥже (1996). «Единая Россия» партийын йыжъеҥже.
1948 ий — Анатолий Сергеевич Лоскутов, туныктыш да шанче пашаеҥ, технике шанче кандидат. Паша корныжо Юлтех университет дене кылдалтын: ончыч ассистент, вара кафедрын вуйлатышыже лийын. 1991-ше ий гыч машина чоҥышо-механик факультетын деканжылан тыршаш тӱҥалын. Ятыр шанче пашан авторжо.

Коленыт

Тугак ончо: Категорий:Идым тылзын 6 кечынже колышо-влак

Калык пале

Кечым шем пыл-шамыч петырат — вашке йӱкшемдышаш.
Евтихийын кечыже. Тиде кече кугу мардеж да йӱр деч посна эртышаш. Пӱртӱсат тиде кечын каналта, маныныт ожно. Но йӱр лиеш гын, шушаш шыже кукшо лиеш, манын шоненыт.