7 идым

←
→
Идым
← →Идым
	2026 ий

7 идым (7 сентябрь) — григориан кечышот почеш идалыкын 250-ше (кужемдыме ийлаште — 251-ше) кечыже. Идалык пытыме марте 115 кече кодеш.

Йошкар-Олаште ☀️ Кече 5 шагатат 4 минутлан лектеш, 18 шагатат 32 минутлан шинчеш. Кечын кужытшо 🕒 13 шагатат 27 минут.
🌘 Шоҥго тылзе (24.84 тылзе кече).

Пайрем да шарныктарыше кече-влак

Кеҥежымсе путешествий нерген каласкалыме кече (руш. День рассказывания историй о летних путешествиях).
Лышташ йогымо Тит (руш. Тит Листопадник).
Сырам йӧратышын кечыже (руш. День любителя пива).
Россий — Нефть, газ да топливе йӧнозанлыкыште тыршыше пашаеҥ-влакын кечышт (руш. День работников нефтяной, газовой и топливной промышленности) — идым тылзын 1-ше рушарнян палемдалтеш.
Кыдал Уралысе калыкын кечыже (руш. День народов Среднего Урала) — идым тылзын 1-ше рушарнян палемдалтеш.

Лӱмгече

Владимир, Иван.

Эртынчык-влак

Тугак ончо: Категорий:Идым тылзын 7 кечысе событий-влак

1812 ий — Бородино кредалмаш лийын. Руш войска-влак Наполеонын армийжылан кугу эҥгекым конденыт.
1923 ий — калык-влак кокласе ушемын уголовный полицийжым почмо. Шукынжо тиде организацийым ИНТЕРПОЛ лӱм дене палат.
1928 ий — Совет Ушемын Йошкар Знамя Паша орденым кучыкташ тӱҥалме нерген кӱштыкым лукмо.
1945 ий — сеҥалтше Берлиныште Совет Ушемын, США-н, Францийын да Великобританийын парадышт эртен.
1922 ий — Марий Эл Республикын плановый органжым почыныт.

Шочыныт

Тугак ончо: Категорий:Идым тылзын 7 кечынже шочшо-влак

1936 — Семён Николаев, марий серызе, поэт, кусарыше, СССР серызе-влак ушемын йыжыҥъеҥже (1967), Олык Ипай лӱмеш Марий комсомол премийын лауреатше (1970), МССР-ысе С.Г. Чавайн лӱмеш Кугыжаныш премийын лауреатше (1991), Марий Эл Республикын Калык поэтше (1996). Марла да рушла лукмо 20 наре книган авторжо. Шекспирын да Мольерын произведенийже-влакым марлашке кусарен.
1942 — Николай Васильевич Абрамов, шанче-биолог, Марий Элысе шанчын сулло пашаеҥже. Волжск кундем Кӱшыл Азъялыште шочын. Марий кугыжаныш университетым тунем лектын да туштак пашам ышташ тӱҥалын. 1972-шо ийыште, университетым почмек, тушко куснен. 9 ий шанче паша шотышто проректорлан тыршен. Марий кундемысе кушкыл-влакым шымлымаште кугу специалистлан шотлалтеш. 100 наре шанче пашан авторжо, нунын кокла гыч «Марий Эл Республикын Йошкар Книгажым» палемдаш лиеш. Биологий шанче доктор.
1950 — Виталий Николаевич Иванов, кугыжаныш пашаеҥ, Марий Элын сулло экономистше. Волжск кундемыште шочын. 1992-шо ий гыч тудо кугыжаныш комитетыште вуйлатышылан тыршен, умбакыже паша корныжым республикысе тариф службо дене кылден.
1952 — Георгий Гайниахметович Калитов, Пошкырт Республикын калык сӱретчыже.
1959 — Юрий Байгуза, марий серызе, поэт, кусарыше, драматург, Россий серызе-влак ушемын йыжыҥъеҥже (1998). «Ямде лий», «Кугарня» газет редакцийлаште пашам ыштен. 1992 ий гыч М. Шкетан лÿмеш марий кугыжаныш драме театрыште режиссёрын полышкалышыжлан тыршен. Тудо «Порсын лÿҥгалтыш», «Поргем ÿмбалне ÿжара», «Кресÿдыр», Василий Александрович Пектеев дене пырля «Шöртньö лудо», «Окса тул» пьесе-влакым возен. Ятыр пьесым марлаш кусарен.
1991 — Алёна Пронина, спортсменка. Йошкар-Олаште шочын. 17 ияш годымжак гимнастике дене спорт мастер лӱмым сулен.

Коленыт

Тугак ончо: Категорий:Идым тылзын 7 кечынже колышо-влак

1991 — Давлет Исламов, марий серызе, поэт, журналист, СССР серызе-влак ушемын йыжыҥъеҥже (1977).

Калык пале

Пушеҥге чодыртатыме йӱк шокта гын, кукшо игечылан.
Титын кечыже. Тит — апостол лийын. Тошто калык тудым чот пагален. Тиде кечын лышташ чот велеш, а чодыраште поҥго ешаралтеш, маныныт. Сандене кажне ешын ӱстелыштыже поҥго кочкыш лийын: шӱр, когыльо…