Контрацепцийын тӱнямбал кечыже
| Контрацепцийын тӱнямбал кечыже | |
|---|---|
 XX курым мучашысе карикатур. Ӱдырамаш азам кондышо аист деч лупшкедыл аралалтеш. | |
| Официал | World Contraception Day (WCD) |
| Ышталтын | 2007 ийыште |
| Палемдат | 26 идым |
Контрацепцийын тӱнямбал кечыже (англ. World Contraception Day (WCD)) — 2006 ий гыч кажне ийын 26 сентябрьыште пӱтынь планетыште палемдалтеш[1][2][3][4].
Тиде мероприятий тыгай ӱжыкмут дене эрта «Contraception: It’s Your Life, it’s your responsibility», тидым марлаш кусараш гын, тыге йоҥга: «Контрацепций: тендан илышда, тыланда мут кучаш».
Контрацепцийын тӱнямбал кечыжым палемдаш тӱҥалаш ойым пуышылан ешым погымо шотышто лу наре тӱнямбал организаций шотлалтеш:
- Тӱнямбалне вияҥме шотышто США-н агентствыже
- Контрацепций шотышто Азиат-Тихий Океанысе каҥаш (англ. Asian Pacific Council on Contraception (APCOC))
- Контрацепций да азам ыштыме тазалыкым аралыше европысо обществе (англ. European Society of Contraception and Reproductive Health (ESC))
- «Тазалык да Ӱдырамаш» латиноамерикан рӱдер (Centro Latinamericano Salud y Mujer; CELSAM)
- Тӱнясе калыкын немыч фондшо (англ. German Foundation for World Population (DSW))
- Йоча ден чукарай гинекологий шотышто тӱнямбал федераций (англ. International Federation of Pediatric and Adolescent Gynecology (FIGIJ))
- Ешым палемдыме шотышто тӱнямбал федераций (англ. International Planned Parenthood Federation (IPPF))
- КМари Стоупс Интернэшнл (англ. Marie Stopes International (MSI))
- Pan American Health and Education Foundation (PAHEF)
- Калык тӱшка шотышто каҥаш (англ. Population Council)[5].
Контрацепцийын кечыжым эртарыше-влак шке тӱн принципышт дене тыге ойлат: кажне мӱшкыраҥмаш илышлан кумылан лийшаш. Нуно шке миссийыштым тыште ужыт: контрацепцийым кучылтмын йӧнжӧ-влак нерген шинчымашым тичмашын калыклан пуаш, тыгодым поснак самырык-влаклан сексуал да азам ыштыме тазалыкым аралыме йодышлан вашмутым шкевуя ойырен налаш, палдараш, план деч посна мӱшкыраҥмаш деч утлаш, шоныдымын мӱшкыраҥме деч утараш, тек ӱдыр-влак (эн ончычак ийготыш шудымо ӱдыр-влак) абортым огыт ыште.
Тиде кече, организатор-влакын шонымышт почеш, кучем ден мер калыкым шотан самырык тукымым кушташ, контрацепций йӧн дене пайдаланаш туныктышаш.
Палемдымаш
- ↑ World Contraception Day 2021//who.int
- ↑ World Contraception Day, 26 September 2021//ohchr.org
- ↑ World Contraception Day//un.org
- ↑ It’s World Contraception Day — And Time to Improve Birth Control: Contraline and TwentyEight Health Share More//forbes.com
- ↑ World Contraception Day Архивысе копий 25 идым 2010 гыч (англ.)