Тимофеева, Софья Никитична

Софья Никитична Тимофеева
Софья Никитична Тимофеева
Шочмо кече	2 теле 1902
Шочмо вер	Ӱлыл Солаволкы, Красноволжск ял шотан илем[d], Курыкмарий район;
Колымо кече	26 идым 1968 (65 ий)
Колымо вер	Ӱлыл Пынгелъял, Россий;
Гражданлык	Россий империй → СССР
Паша сомыл	педагог, мер пашаеҥ
Награде да премий	;

Сóфья Ники́тична Тимофéева (ӱдыр фамилийже — Трофи́мова, 2 теле 1902, Ӱлыл Солаволкы, Красноволжск ял шотан илем^[d] — 26 идым 1968, Ӱлыл Пынгелъял) — марий совет туныктышо, мер пашаеҥ. Марий автоном область / Марий АССР-ысе Курыкмарий районысо Пынгелъял школын туныктышыжо, директоржо (1924―1949). РСФСР школын сулло туныктышыжо (1949). Марий Элысе ӱдырамаш-влак кокла гыч Ленин орденын икымше кавалерже (1939). РСФСР Кӱшыл Каҥашын депутатше (1938 ий гыч). 1926 ий гыч ВКП(б)-ын йыжыҥъеҥже.

Илыш корныжо

1902 ий 2 декабрьыште кызытсе Марий Элын Курыкмарий районысо Ӱлыл Солаволкы ялысе йорло кресаньык ешеш шочын^[1]^[2].

1916 ийыште Озаҥ губернийын Свияжск уездысе Юматово туныктышо школым, 1922 ийыште — Марий автоном областьысе Чыкма школым тунем пытарен^[1]^[2].

1924 ийыште туныктымо пашам тӱҥалын: Марий автоном областьын Чыкма кантонысо Пынгелъял школын туныктышыжо, вара — директоржо лийын^[3]. Тиде жапыштак верысе «Борозда» колхоз организатор-влак кокла гыч иктыже лийын^[1]^[2].

1926 ийыште ВКП(б)-ыш пурен. Мер пашам шуктен: 1938—1955 ийлаште Марий АССР Кӱшыл Каҥашын 3 созывысе депутатшылан сайлалтын^[1]^[2]. Икмыняр серымаште палемдалтеш: 1938 ийыште тыгак РСФСР Кӱшыл Каҥашын депутатшылан сайлалтын^[3].

Калык шинчымашым нӧлтымаште суапшылан 1949 ийыште тудлан «РСФСР школын сулло туныктышыжо» чаплӱмым пуымо. 1939 ийыште Марий АССР ӱдырамаш-влак кокла гыч Ленин орден дене палемдалтше икымше ӱдырамаш лийын. Тыгак 1949 ийыште тудлан «Почёт Пале» орденым кучыктымо^[1]^[2].

1968 ий 26 сентябрьыште Марий АССР-ысе Курыкмарий вел Ӱлыл Пынгелъял ялыште колен. Шочмо верыштыже тоеныт^[1]^[2].

Чаплӱм ден суаптар-влак

Ленин орден (1939)^[1]^[2];
«Почёт Пале» орден (1949)^[1]^[2];
РСФСР школын сулло туныктышыжо (руш.) (мар. (1949)^[1]^[2].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ Мочаев, 2017, с. 438.
↑ ¹ ² ³ ⁴ ⁵ ⁶ ⁷ ⁸ ⁹ Энциклопедия Республики Марий Эл, 2009, с. 754.
↑ ¹ ² Информационный ресурс Республики Марий Эл "12rus.ru" :: Горномарийский район (неопр.). www.12rus.ru. Тергыме кече: 25 шорыкйол 2026. Архивлыме 14 теле 2021 ий.

Литератур

Алметева И. В. История начального школьного образования в Марийском крае во второй половине ХIХ ― начале ХХ веков: монография. ― Йошкар-Ола: Марийский государственный университет, 2006. ― 313 с.
Колесников А. Ю. Тимофеева Софья Никитична // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 359. — 2032 экз. — ISBN 5-87898-357-0.
Тимофеева Софья Никитична // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 754. — 872 с. — 3505 экз. — ISBN 978-5-94950-049-1.
Колесников А. Ю. Тимофеева (Трофимова) Софья Никитична // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 438. — 606 с. — 1500 экз. — ISBN 978-5-905314-35-3.

[_d89abe506f00dea1-1] ¹ ² ³ ⁴ ⁵ ⁶ ⁷ ⁸ ⁹ Мочаев, 2017, с. 438.

[_a0e731b7b8ade990-2] ¹ ² ³ ⁴ ⁵ ⁶ ⁷ ⁸ ⁹ Энциклопедия Республики Марий Эл, 2009, с. 754.

[:0-3] ¹ ² Информационный ресурс Республики Марий Эл "12rus.ru" :: Горномарийский район (неопр.). www.12rus.ru. Тергыме кече: 25 шорыкйол 2026. Архивлыме 14 теле 2021 ий.

[1]

[2]

[3]