Кеосаян, Тигран Эдмондович

РУВИКИ — эрыкан энциклопедий гыч материал
Тигран Кеосаян
арм. Տիգրան Քեոսայան
Кеосаян Тигран Эдмондович.jpg
Шочмо годсо лӱм Тигран Эдмондович Кеосаян
Шочмо кече 4 шорыкйол 1966(1966-01-04)
Шочмо вер Моско, РСФСР, СССР
Колымо кече 26 идым 2025(2025-09-26) (59 ий)
Колымо вер
Гражданлык
Тунеммаш
Профессий
актёр, кинорежиссёр, сценарист, клипмейкер, телевӱдышӧКатегорий:Российысе телевӱдышӧ-влак]]Категорий:XXI курымысо телевӱдышӧ-влак]], продюсер, театр режиссёр
Карьере 1992 — 2025
Награде Заслуженный деятель искусств Российской Федерации
IMDb ID 0449085
Кинопоиск 245727
Логотип РУВИКИ.Медиа РУВИКИ.Медиаште медиафайл-влак

Тигран Эдмондович Кеосаян (4 шорыкйол 1966, Моско — 26 идым 2025, Моско) — совет, Россий да армян кино ден телевиденийын актёржо, кинорежиссёр, сценарист, видеоклип режиссёр, телевӱдышӧ. Совет кинорежиссёр да сценарист, «Кучаш лийдыме ӱчым шуктышо-влак» палыме совет фильмын режиссёржо Эдмонд Гарегинович Кеосаянын (1936—1994) эргыже.

Биографий

Тигран Кеосаян 1966 ий 4 январьыште Москошто, кинематографист-влак ешыште шочын[1]. Ачаже — кинорежиссёр Эдмонд Кеосаян (1936—1994), аваже — актрисе Лаура Геворкян (шоч. 1939). Калыклык шот дене — армян.

1983 ийыште кыдалаш школым тунем пытарен да «Мосфильм» киностудийыш пашаш пурен[1].

1984 ийыште Ушемгӧргысӧ кугыжаныш кинематографий институтын (ВГИК) режиссёр факультетышкыже тунемаш пурен, профессор Игорь Васильевич Таланкинын мастаргудыштыжо тунемын[1]. Икмыняр жап гыч Совет Армий радамыш срочный манме сарзе службым эрташ налыныт[1]. Тушеч толмекше уэш вузыш пӧртылын. Тудын дене ик курсышто тунемше-влак Александр Баширов, Фёдор Бондарчук, Рената Литвинова да Иван Охлобыстин лийыныт.

1987 ий гыч киношто эпизодлаште сниматлалтын.

1992 ийыште шкенжын икымше тичмаж метражан фильмжым — «Катька ден Шизым» — сниматлен.

1993 ийыште Тигран Кеосаян Давид изаж дене «Gold Vision» студийым почын, тушто институтысо йолташыже Фёдор Бондарчук дене пырля семан видеоклипым да рекламе роликым чолган ыштылын[2]. Российысе шоу-бизнесын Ирина Аллегрова, Михаил Шуфутинский, Игорь Саруханов, Наталья Ветлицкая гай пашаеҥ-влак дене пашам ыштен[1]. Илен-толын, клипмейкерстве деч кораҥаш тӱҥалын, кино режиссёрын пашашкыже утларак куснен[3].

1998 ийыште[4] С. А. Герасимов лӱмеш Российысе угыжаныш кинематографий институтын (ВГИК) режиссёр факультетшым тунем пытарен (СССР-ын калык артистше Юрий Николаевич Озеровын курс). ВГИК-ыште тунеммыж годым Тигран латкандаш минут кужытан шкенжын икымше сылнышотан «Кечан сер» фильмжым шынден. Драме армий гыч «кочалыкым» чытен кертде куржшо салтак-срочниклан пӧлеклалтын. Ты сӱретыште Фёдор Бондарчук сниматлалтын[1].

Кеосаянлан кумдан палымашым тудын режиссёрлык тыгай кинопашаже-влак конденыт: «Пиалдыме Саша» лирикан У ий комедий (1997) Александр Збруев ден Вера Глаголева дене тӱҥ рольышто[5], тыгак «Пӧръеҥ паша» приключениян телесериал (2001), тудо Чечняште ГРУ спецназын военный сарзе службыжо нерген каласкала[6][7].

2000 ий майыште «Gold Vision» «Видео Интернешнл» продюсерлык рӱдер дене иктыш ушна[8], тыге «2В студий» шочеш[9]. Изак-шоляк Кеосаянмыт тиде компаний дене пырля пашам ыштышыштла 2004 ий шошо марте тӱрлӧ сериал ден фильмым сниматленыт да продюсироватленыт.

2003 ден 2004 ийлаште Кеосаян «Россий» телеканалын «Калык артист» телевизионный сем проектын жюри членже лийын.

2007 ий гыч телевӱдышылан пашам ышта. 2007 ий март гыч 2009 ий ноябрь марте[10] — «РЕН ТВ»-ште «Тигран Кеосаян дене пырля кас»[11] (варарак «…Тигран Кеосаян дене пырля») авторлык ток-шоун вӱдышыжӧ. 2007 ий декабрьыште тудо каналешак пырля вӱдышӧ семын (Эвелина Блёданс дене мужырышто) «У ий мӧҥгешла» у ийлык шоум вӱден[12]. «РЕН ТВ»-ште ончыктышаш концепций вашталтмылан кӧра «Национальный Медиа Тӱшка» (НМГ) холдингын пунчалже дене телеканалын Кеосаян дене пырля пашам ыштыме кылже кӱрылтын[13].

2009 гыч 2010 ий марте шкенжын икымше пелашыже Алёна Хмельницкая дене пырля «Россий» телеканалыште шӱдыр-влакын еш илыш шолыпышт нерген «Тый да мый» телешоум вӱден[14].

2009 ий декабрь гыч 2010 ий декабрь марте — «ДТВ» телеканалын сомылшуктышо продюсерже[15]. 2010 ий 18 январь гыч 31 май йотке — тудо каналыштак «Тигран Кеосаян дене пырля шокшо кас» авторлык ток-шоун вӱдышыжӧ[16]. Кеосаян годым телеканалыште «Калыкмутым шалатыше», «Шке лӱдыкшыдымылык департамент»[17], «Корнысо сар»[18] да «Рушла ушдымын чоҥештылмаш видео» программе-влак, тыгак «Икана милицийыште» да «Шинчалан койдымо-влак» сериал-влак лектыныт[19].

2011 ийыште «РЕН ТВ»-ш изишлан пӧртылын. 2011 ий 7 ноябрь гыч 23 декабрь марте — «Сита шыпланаш!» ток-шоум вӱдышӧ[20]. Тиде программым петырыме деч вара Кеосаян ныл ий жапыште экраныште телевӱдышӧ семын койын огыл[21] да, шкенжын тошто актившым — «Голд Вижн» студийым — уэш почмек, кинобизнесышке ушнен[22].

2014 ий 3-4 октябрьыште «Каренина. Чонан савыктыш» театраҥдыме онлайн-лудмаште участвоватлен[23].

2016 ий 3 сентябрь гыч — «НТВ» телеканалыште «Тӱнямбал пилораме» койдарчыкан келандарыше кас шоум вӱдышӧ; программын йодман тематикыжым тӱнямбал политикысе событий-влакым мыскара дене почын пуымаш манме[24][25][26].

Тигран Кеосаян миокардын кок инфарктшым чытен — 2008[27] да 2010 ийлаште.

2025 ий 8 январьыште клиникан колымашым чытен да комышко возын[28].

2025 ий 26 сентябрьыште колен[29].

Еш да шке илыш

Ачаже — Эдмонд Кеосаян (1936 ий 9 октябрь — 1994 ий 21 апрель), кинорежиссёр, сценарист. Аваже — Лаура Геворкян (Кеосаян) (шоч. 1939 ий 28 январьыште), театрын да кинон актрисыже.

Изаже — Давид Кеосаян (1961 ий 10 апрель — 2022 ий 19 октябрь), киноактёр, кинорежиссёр, сценарист да продюсер.

Изажын ӱдыржӧ — Лаура Кеосаян (шоч. 1982 ий 8 февральыште), театрын да кинон актрисыже.

Наталья Ветлицкая дене вашлиеден, тунамак Фёдор Бондарчук дене пырля тудлан «Шинчашке ончал» мурылан клипым сниматлен[30].

Икымше ватыже (1993 гыч 2014 ий марте) — Алёна Хмельницкая (шоч. 1971 ий 12 январьыште), театрын да кинон актрисыже, телевӱдышӧ. 1993 ийыште ушненыт[14]. Коло ик ий шуйнышо мужыраҥмаште кок ӱдыр шочын: Александра (шоч. 1994) ден Ксения (шоч. 2010 ий 7 июльышто)[31]. Вате-марий официальнын 2014 ийыште ойырленыт[32][33].

Кокымшо ватыже (2022 ий гыч) — Маргарита Симоньян (шоч. 1980 ий 6 апрельыште), журналист, «RT» ден «Россий таче» МИА-н тӱҥ редакторжо. Чынже дене 2012 ий гыч пырля илат. Вате-марийын — кум икшывышт[33]: Марьяна ӱдырышт (шоч. 2013 ий 12 августышто)[34], Баграт эргышт (шоч. 2014 ий 27 сентябрьыште)[32], Маро ӱдырышт (шоч. 2019 ий 19 октябрьыште)[35].

Санкций-влак

2022 ий 28 февральыште Тигран Кеосаян Европысо ушемын (ЕС) санкций спискышкыже пурталтын[36][37]. 2022 ий 4 март гыч Швейцарийын санкций спискыштыже улеш[38]. 2022 ий 15 мартыште Великобританийын санкций спискышкыже пурталтын[39][40]. 2022 ий 25 мартыште Австралийын Йотэл паша да торгайымаш министерствыже Тигран Кеосаян шотышто автоном санкцийым ыштен[41]. 2022 ий 27 апрельыште Казахстанын Йотэл паша министерствыже Тигран Кеосаяным Казахстан Республикыш пурташ шотлан толдымо еҥ-влак спискыш возаш шонымыж нерген увертарен. Икмыняр кече ончыч шкенжын YouTube-каналыштыже Кеосаян Казахстанысе кучемын республикыште 2022 ий 9 майыште Сеҥымаш парадым эртараш огыл нерген пунчалже шотышто каласен: Российын США да НАТО дене ваш шогымаштышт «иза-шольо эл-влаклан шке шонымашан лияш да могай-гынат могырышко шогалаш кӱлеш, а Москолан — тӱткын ончыман: кӧ тудын дене, а кӧ уке»[42]. 2022 ий 24 июньышто Казахстанын Йотэл паша министерствыже Тигран Кеосаяным «пураш шотлан толдымо еҥ-влак спискыш» возен[43][44]. 7 июльышто Канадын Тӱнямбал паша министерствыже тудым санкциян спискыш пуртен[45]. 2022 ий 19 октябрьыште Украинын санкциян спискышкыже пурталтын.

Награде ден лӱм-влак

  • Россий Федераций сымыктышын сулло пашаеҥже (2024 ий 12 апрель)[46].

Усталык паша

Актёр паша

  • 1971 — Россий империйын короныжо, але Адакат кучаш лийдыме-влак — эпизод
  • 1989 — Сталинград — совет салтак
  • 1991 — Джокер — Ашир
  • 2000 — Шиян ландыш — клубыш толшо еҥ
  • 2002 — Тӱҥ роль-влак — Никита Бакрадзе
  • 2005 — Еҥгавате — Сергей
  • 2006 — Шокшо — пеледышым ужалыше
  • 2007 — Трюкач-влак — камео
  • 2010 — Пиалан улыт пырля («Утарыза мемнан Дашанам» серий) — «Йӧратымашан йӧратымаш» сериалын режиссёржо)
  • 2013 — Теҥыз. Курык. Керамзит — камео
  • 2017 — Актрисе — режиссёр
  • 2018 — Крымысе кӱвар. Йӧратен ыштыме! — телепередаче вӱдышӧ

Семлык видеоклиплаште участвоватлымаш

  • 1995 — Тигран Кеосаян София Ротарун «Йӱд лыве» мурыжлан клипыште сниматлалтын.

Режиссёр паша

Фильм

  1. 1992 — Катька ден Шиз.
  2. 1996 — Воштылтышан паша, еш паша.
  3. 1997 — Йорло Саша[5].
  4. 1999 — Президент да тудын уныкаже.
  5. 1999 — Колымаш директорий.
  6. 2000 — Шиян ландыш[47].
  7. 2001 — Пӧръеҥ паша.
  8. 2002 — Пӧръеҥ паша 2.
  9. 2004 — Шиялге ландыш 2.
  10. 2006 — Поргем ӱмбалне мераҥ.
  11. 2008 — Шинчалангойшо.
  12. 2011 — Ялта-45.
  13. 2012 — Кум йолташ.
  14. 2013 — Теҥыз. Курык. Керамзит[48][49].
  15. 2017 — Актрисе.
  16. 2018 — Крымысе кӱвар Йӧратен ыштыме!
  17. 2022 — Колыдымо-влак[50].

Семлык видеоклип-влак

  • «Шинчашке ончал» — Наталья Ветлицкая (Фёдор Бондарчук дене пырля).
  • «Ош муро» — Диана (Ирина Нельсон).
  • «Скрипке—рывыж» (1997) (эн тӱҥалтыште мурын лӱмжӧ — «Ораван кочыртымыжо»; сем — Игорь Саруханов, мутын авторжо — Александр Новиков)[51].
  • «Пошкудо вате» — Михаил Шуфутинский.
  • «Йӧратымашын картон шулдыржо» — «Жап машина» группо.
  • «Тый палет, авай» — Диана Гурцкая.
  • «Мый тыйым кредал налам» — Ирина Аллегрова.

Моло паша-влак

  • 2000 — «У», спектакль.
  • 2003 — «12 пӱкен», мюзикл.

Сценарий паша

  1. 1996 — Воштылтышан паша, еш паша.
  2. 2000 — Шиялге ландыш.

Продюсер паша

  1. 2012 — Кум йолташ.
  2. 2012 — Шуко йочан еш.
  3. 2013 — Тӱшкагудо.

Телепроектыште участвоватлымаш

  • 1998 ийыште Алёна Хмельницкая дене пырля «НТВ» телеканалыште «Йочан умшаж дене» телемодышышто участвоватлен.
  • 2002 ийыште (эфир 2003 ий 9 январьыште лийын) «Икымше каналыште» у ийлык фильмласе шӱдыр-влакын участвоватлыман «Лушкыдо чеп» телемодмашын лӱмын выпускыштыжо сеҥен. Модын налме 307 тӱжем теҥге Киноактёр-влак гильдийын пайдажлан каен.
  • 2006 ийыште «СТС» телеканалыште «Юмылан тау, тый толынат!» шоун 9-ше ден 15-ше выпускыштыжо лийын.
  • 2007 ий октябрьыште ватыже Алёна Хмельницкая да Александра ӱдыржӧ дене пырля «Икымше каналыште» «Пырдыж дене пырдыжыш» спорт шоун 4-ше выпускыштыжо модшо семын лийын.
  • 2009 ийыште «Икымше каналыште» «Прожекторперисхилтон» шоуш уна семын ӱжыныт.
  • 2010 ийыште «Видеокредалмашын» жюриштыже лийын.
  • 2010 ий ноябрьыште пелашыже Алёна Хмельницкая дене пырля «Россий» телеканалыште «Лу миллион» шоуш модшо семын ӱжыныт.
  • 2014 ийыште «Иллюзий империй. Изак-шоляк Сафроновмыт» шоум сниматленыт, жюрин эртак улшо членышт Тигран Кеосаян ден Дмитрий Шепелев лийыныт, премьер «СТС» телеканалыште 2015 ий 21 февральыште эртен.
  • 2016 ийыште «Россий-1» телеканалыште «Чылтак икте улыт!» шоун нылымше тургымыштыжо жюри член лиеш[52].
  • 2016 ий 31 декабрьыште «НТВ» телеканалыште «Шкенан модмаш» программын у ий выпускшым ончыктеныт, тушто Кеосаян каналын вӱдышыжӧ семын лийын да, Сергей Малозёмов («Техникын ӧрыктарышыже» да «Илыше да колышо кочкыш» программым вӱдышӧ) ден Джон Уоррен («Кудалына, кочкына!» программым вӱдышӧ) деч модын налын, сеҥышыш лектын[53].

«НТВ» телеканалын телепроектше-влак

  • 2015 — «Шӧран кофе»[54].
  • 2015 — «Пропаганде» Елена Милинич дене пырля.
  • 2016 — н. в. — «Тӱнямбал пилораме».
  • 2019 — н.в. — «Шкенан чын» Роман Бабаян дене пырля.

Критике

2000-шӧ ийла мучаште — 2010 ийла тӱҥалтыште телевизионный критике Тигран Кеосаян нерген ик шот дене чыташ лийшын ойлен[55][56], тудым «шулдакан койышланымаш деч йӧршешак утлышо да лончылен налаш кумылан улмаштыже чоным почшо улшо» телевӱдышӧ манын сынлен.

Тележурналист Владимир Кара-Мурза-кугурак шке статьяштыже тыгак Кеосаяным критиковатлышыжла манын: «Тӱнямбал пилораме» программыште вӱдышӧ «эше ик гана пундашым шӱтен», молан манаш гын «эфирыште тудын ойлымо гай мутым каласаш телевӱдышылан веле огыл, а кеч-могай шотан айдемыланат пелешташ ок йӧрӧ».

2018 ийыште Кеосаян программыште шкенжын участвоватлымыжым тыге умылтарен:

Колыштса, тиде яндар хобби да йӧн, рвезе-влаклан, каналлан, Лёша Земсков ден Тима Вайнштейнлан таум каласем, тиде мыйын шонымем семын ойлаш йӧн, шукыж годым, да шукыж годым огыл, принципыште чыла нергенат ойлаш улшо йӧн. Да тиде хобби. Тиде мыйын профессием манын чынжымак шоналташ юмо серлагыже. Тудо икымше лийын, мыйын телевиденийыш толмем нерген ойлем, кунам мый «Ренеште» лектынам. Тиде вет тӱвыт тӱрлӧ формат, те вет умыледа. Тушто мер-политике сын лийын, «Ренеште», а тыште яндар Comedy Channel, Джон Стюарт тушто да молат. Тиде хобби. Мыйын профессием — режиссёр.

2022 ийыште Кеосаян Казахстан велыш шкенжын келшыдымашыжым луктын каласен. Мутлан, Кеосаян «ойырен налаш» да могай-гынат могырышто лияш кӱштен йодын, «да ойырен налдыме, раш койшо келшыдыме — тиде икте, — але раш койдымо сигналым пуышо-влакым, ну мом ышташ, мемнан тушманна семын ончаш кӱлеш. Кеч-мо гынат, экономикысе да информацийысе доктринлаште». Кеосаян тыгак важмалдыкын каласен: «Украиным тӱткын ончалза, пеҥгыдын шоналтыза». Вашеш Казахстанын МИД-ше каласен[57]:

Можыч, тудын каласымыже Россий калыкын могай-гынат ужашыжын да политике истеблишментын ончалтышыж нерген ойла, но нигузеат мемнан эл-влак коклаште вашкылым кучымашын шӱлышыжлан да кӧргыжлан да кугыжаныш-влакын вуйлатышышт кӱшытыштӧ улшо кутырен келшымашлан келшен ок тол, поро пошкудо семын вашкыл кучымо шӱлышым аярта да стратегийлык партнёр кылым кучымашын тушманже-влаклан полша. Шонем, тудо Казахстаныш пураш шотлан толдымо еҥ-влак спискышкыште лиеш.

Палемдымаш

  1. ↑ 1 2 3 4 5 6 Тигран Кеосаян. Биография и фильмография. Сетевое издание «Государственный интернет-канал «Россия» // russia.tv. Тергыме кече: 10 идым 2020. Архивлыме 17 сорла 2020 ий.
  2. ↑ Андрей Вульф. ТИГРАН КЕОСАЯН: РАВНЫЙ СРЕДИ ЛУЧШИХ ИЛИ ЛУЧШИЙ СРЕДИ РАВНЫХ? Газета «Музыкальная правда» (29 теле 1995). Тергыме кече: 30 ага 2018. Архивлыме 6 сӱрем 2020 ий.
  3. ↑ Юрий Геворкян. Топ-10: клипмейкеры, ставшие режиссёрами. — В этом году «Социальная сеть» Дэвида Финчера числится в основных фаворитах «Оскара». Газета «Аргументы и факты» // aif.ru (27 шорыкйол 2011). Тергыме кече: 26 сӱрем 2017. Архивлыме 8 сӱрем 2019 ий.
  4. ↑ Кеосаян Тигран Эдмондович. Биография, фильмография, фотографии актёра и режиссёра. Архивысе копий 23 идым 2020 гыч // ruskino.ru
  5. ↑ 1 2 Антон Чаркин. ТВ-6 покажет «Бедную Сашу». «Коммерсантъ» (24 теле 1997). Тергыме кече: 7 пеледыш 2015. Архивлыме 23 шыжа 2020 ий.
  6. ↑ Тигран Кеосаян сдерживает вулканический темперамент. Газета «Аргументы и факты» // aif.ru (17 сӱрем 2001). Тергыме кече: 26 сӱрем 2017. Архивлыме 7 идым 2018 ий.
  7. ↑ Тигран Кеосаян в сладком плену госзаказа. Газета «Аргументы и факты» // aif.ru (21 шорыкйол 2002). Тергыме кече: 26 сӱрем 2017. Архивлыме 7 идым 2018 ий.
  8. ↑ Фабрика грез "Видео Интернэшнл". «Коммерсантъ» (31 ага 2000). Тергыме кече: 30 ага 2018. Архивлыме 23 теле 2017 ий.
  9. ↑ В «Студии 2В» все отечественное. Газета «Труд» (1 пеледыш 2000).
  10. ↑ Тигран Кеосаян сменил «РЕН ТВ» на «ДТВ». «Акадо» // tv.akado.ru (11 кылме 2009). Тергыме кече: 7 пеледыш 2015. Архивлыме 11 кылме 2017 ий.
  11. ↑ Михаил Шабашов. Тигран Кеосаян: «Иду на Вы!». — «Являясь микроскопической частичкой населения страны, я выражаю чувства и эмоции, возникающие у народа в связи с какими-то событиями…» Газета «Взгляд» // vzglyad.ru (27 ага 2007). Тергыме кече: 7 пеледыш 2015. Архивлыме 20 идым 2016 ий.
  12. ↑ Телевизор на закуску. С кем встречать Новый год, когда от Башмета до Моисеева - расстояние в несколько кнопок? Газета «Аргументы и факты» // aif.ru (26 теле 2007). Тергыме кече: 26 сӱрем 2017. Архивлыме 17 сӱрем 2019 ий.
  13. ↑ Арина Бородина, Сергей Соболев. «РЕН-ТВ» и «СТС» обменялись кадрами. — С 1 декабря новым исполнительным продюсером телеканала «ДТВ» (входит в холдинг «СТС Медиа») станет известный режиссёр и телеведущий Тигран Кеосаян. «Коммерсантъ» (11 кылме 2009). Тергыме кече: 11 кылме 2017. Архивлыме 24 идым 2020 ий.
  14. ↑ 1 2 Елена Самойлова. Тигран Кеосаян и Алёна Хмельницкая: «Семейная жизнь — не война, чтобы друг друга завоёвывать». Газета «Труд» (1 шыжа 2009). Тергыме кече: 7 пеледыш 2015. Архивлыме 24 пургыж 2020 ий.
  15. ↑ «CTC Media» назначила Кеосаяна генпродюсером «ДТВ». Газета «Взгляд» // vz.ru (3 теле 2009). Тергыме кече: 3 теле 2009. Архивлыме 5 кылме 2011 ий.
  16. ↑ Арина Бородина. Телевидение в день теракта в Москве. «Коммерсантъ (31 ӱярня 2010). Тергыме кече: 7 пеледыш 2015. Архивлыме 31 шыжа 2014 ий.
  17. ↑ Есть и честные милиционеры. Комсомольская правда (17 ага 2010). Тергыме кече: 29 идым 2018. Архивлыме 29 идым 2018 ий.
  18. ↑ ДТВ запустит «Дорожные войны». Акадо (16 пеледыш 2010). Тергыме кече: 29 идым 2018. Архивлыме 26 пургыж 2018 ий.
  19. ↑ «Мы можем всё. Но не всё сразу»: Тигран Кеосаян — о преобразованиях на канале ДТВ. Российская газета (16 ӱярня 2010). Тергыме кече: 29 идым 2018. Архивлыме 16 пеледыш 2019 ий.
  20. ↑ Надежда Шульга. Тигран Кеосаян призывает: «Хватит молчать!» — С 7 ноября по будням на «РЕН ТВ» стартует новое ток-шоу. Газета «Комсомольская правда» в Молдове // kp.md (28 шыжа 2011). Тергыме кече: 11 кылме 2017. Архивлыме 14 теле 2019 ий.
  21. ↑ Александр Мельман. «Ты не поцеловал девушку!» — Теленеделя с Александром Мельманом. Газета «Московский комсомолец» // mk.ru (8 идым 2016). Тергыме кече: 11 идым 2016. Архивлыме 17 теле 2021 ий.
  22. ↑ Тигран Кеосаян: «Если бы я боялся сравнений с «Тегераном-43», назвал бы свой фильм по-другому». Режиссёр и ведущий рассказал о своей новой картине «Ялта-45» и объяснил, почему больше не появляется на телеэкране. Комсомольская правда (2 ага 2012). Тергыме кече: 30 ага 2018. Архивлыме 5 сорла 2018 ий.
  23. ↑ «Каренина. Живое издание»: 700 человек в прямом онлайн-эфире прочитали роман Толстого (руш.). Официальный сайт Государственного музея Л. Н. Толстого (ГМТ) // tolstoymuseum.ru (4 шыжа 2014). Тергыме кече: 26 идым 2015. Архивировано из оригинала 27 идым 2015 ий.
  24. ↑ О проекте. Продолжая успешно смешивать политику и юмор, «НТВ» запускает новый сатирический проект «Международная пилорама». — Ведущий вечернего развлекательного шоу — известный кинорежиссёр, актёр и сценарист Тигран Кеосаян. Архивысе копий 9 вӱдшор 2020 гыч Телекомпания «НТВ» // ntv.ru (3 сентября 2016 года)
  25. ↑ Анна Афанасьева. «Мы никуда не денемся от следователей, полицейских, бандитов». — Гендиректор «НТВ» Алексей Земский об обновлении канала Архивысе копий 17 теле 2021 гыч // «Коммерсантъ», 14 сентября 2016
  26. ↑ «За вас с нами и за хер с ними!» Российское шоу «Международная пилорама» взбесило иностранцев. Почему его невозможно смотреть? Lenta.ru (6 теле 2020). Тергыме кече: 11 шорыкйол 2021. Архивлыме 17 шорыкйол 2021 ий.
  27. ↑ Тигран Кеосаян попал в больницу с инфарктом. — Режиссёру и телеведущему срочно сделали операцию. Газета «Комсомольская правда» // nnov.kp.ru (16 шорыкйол 2008). Тергыме кече: 26 сӱрем 2017. Архивлыме 19 сорла 2017 ий.
  28. ↑ Симоньян сообщила о клинической смерти своего мужа Тиграна Кеосаяна, 09.01.2025, <https://www.rbc.ru/society/09/01/2025/677ee8159a79474a80cb7587>. Тергыме: 9 шорыкйол 2025. 
  29. ↑ Умер Тигран Кеосаян, 2025-09-26, <https://ria.ru/20250926/keosayan-2044565539.html>. Тергыме: 26 идым 2025. 
  30. ↑ «У меня были отношения с Наташей»: Кеосаян объяснил, почему они с Бондарчуком сняли клип Ветлицкой | STARHIT. Тергыме кече: 21 шыжа 2022. Архивлыме 21 шыжа 2022 ий.
  31. ↑ У Тиграна Кеосаяна и Алёны Хмельницкой родилась вторая дочь. «РИА Новости» // ria.ru (7 сӱрем 2010). Тергыме кече: 11 идым 2016. Архивлыме 13 идым 2018 ий.
  32. ↑ 1 2 Елена Лаптева. Тигран Кеосаян и Маргарита Симоньян назвали сына Багратом. — Режиссёр и редактор снова стали родителями. Газета «Комсомольская правда» (27 идым 2014). Тергыме кече: 4 шыжа 2014. Архивлыме 1 теле 2021 ий.
  33. ↑ 1 2 Милена Жарова. Алёна Хмельницкая, Тигран Кеосаян и его новая жена Маргарита Симоньян устроили переполох в Ницце. Архивысе копий 15 вӱдшор 2021 гыч Российская электронная газета «Дни.ру» // dni.ru (14 сентября 2016 года)
  34. ↑ Сусанна Альперина. «Марьяна Today». — Маргарита Симоньян родила дочь. Архивысе копий 1 теле 2021 гыч «Российская газета» // rg.ru (12 августа 2013 года)
  35. ↑ У Кеосаяна и Симоньян родилась дочь Маро. Архивысе копий 27 ӱярня 2020 гыч // vesti.ru (19 октября 2019 года)
  36. ↑ ЕС ввёл санкции против Прилепина и Кеосаяна. Архивысе копий 8 пеледыш 2022 гыч РИА «Новости» // ria.ru (28 февраля 2022 года). Дата обращения: 8 июня 2022.
  37. ↑ Евросоюз включил в санкционные списки Скабееву, Кеосаяна и Прилепина (руш.). // lenta.ru (28 пургыж 2022). Тергыме кече: 28 пургыж 2022. Архивлыме 28 пургыж 2022 ий.
  38. ↑ State Secretariat for Economic Affairs SECO. Sanctions / Embargos (англ.). www.seco.admin.ch. Тергыме кече: 25 теле 2022. Архивлыме 18 теле 2022 ий.
  39. ↑ Великобритания ввела санкции против российских журналистов (руш.). Lenta.RU. Тергыме кече: 25 теле 2022. Архивлыме 25 теле 2022 ий.
  40. ↑ Лица кремлевской пропаганды: Маргарита Симоньян. U.S. Department of State (31 сорла 2022).
  41. ↑ Австралия ввела санкции против 22 российских журналистов и сотрудников СМИ. — В частности, ограничения ввели в отношении Маргариты Симоньян, Тиграна Кеосаяна, Ольги Скабеевой. Информационное агентство России «ТАСС» // tass.ru (25 ӱярня 2022). Тергыме кече: 31 ӱярня 2022. Архивлыме 4 вӱдшор 2022 ий.
  42. ↑ МИД Казахстана пригрозил Кеосаяну запретом на въезд (руш.). РИА «Новости» // ria.ru (27 вӱдшор 2022). Тергыме кече: 28 вӱдшор 2022. Архивлыме 27 вӱдшор 2022 ий.
  43. ↑ Пропагандист Тигран Кеосаян включен в Казахстане в один список с террористами, 2022-07-03, <https://tobolinfo.kz/propagandist-tigran-keosajan-vkljuchen-v-kazahstane-v-odin-spisok-s-terroristami/>. 
  44. ↑ Тигран Кеосаян в Казахстане оказался в одном списке с террористами, 2022-07-03, <https://esquire.kz/tigran-keosajan-v-kazahstane-okazalsja-v-odnom-spiske-s-terroristami/>. 
  45. ↑ Канада ввела санкции против патриарха Кирилла и главы Роскомнадзора (8 сӱрем 2022). Тергыме кече: 8 сӱрем 2022. Архивлыме 8 сӱрем 2022 ий.
  46. ↑ Указ Президента Российской Федерации от 12.04.2024 № 257 "О награждении государственными наградами Российской Федерации". Официальное опубликование правовых актов (12 вӱдшор 2024). Тергыме кече: 12 вӱдшор 2024.
  47. ↑ Тигран Кеосаян: «Шой-бизне — это люди-клоуны». // «Огонёк» : журнал. — 2004. — 10 шыжа. Архивлыме 21 сорла 2018 ий.
  48. ↑ Премьера на Первом: сериал о буднях олимпийской стройки в Сочи "Море. Горы. Керамзит". Первый канал (16 пеледыш 2014). Тергыме кече: 7 пеледыш 2015. Архивлыме 22 пургыж 2015 ий.
  49. ↑ Почем керамзит для народа от Тиграна Кеосаяна? Вокруг ТВ (20 пеледыш 2014). Тергыме кече: 7 пеледыш 2015. Архивлыме 3 сӱрем 2018 ий.
  50. ↑ Сергей Пускепалис: Волковский театр представит в новом сезоне 9 премьер (руш.). Российская газета. Тергыме кече: 29 идым 2021. Архивлыме 29 идым 2021 ий.
  51. ↑ Ведущий: Иван Цыбин. Видео. Программа «Утро на 5». Рубрика «Закрома Родины». Игорь Саруханов — «Скрипка-лиса». Режиссёр видеоклипа — Тигран Кеосаян. Выпуск 18 апреля 2013 года. «Пятый канал» (Санкт-Петербург) // 5-tv.ru
  52. ↑ «Один в один!»: Стоцкая растрогала Стоянова ягодичными имплантами Рианны. Телепрограмма (11 пургыж 2016). Тергыме кече: 21 сорла 2018. Архивлыме 15 сорла 2017 ий.
  53. ↑ Программа «Своя игра», специальный новогодний выпуск — 31.12.2016: Сергей Малозёмов — Тигран Кеосаян — Джон Уоррен. Архивысе копий 1 ага 2020 гыч // svoya-igra.org
  54. ↑ «Нет, Россия, не сегодня»: О заимствовании идей, унижении в юморе и переизобретении журналистики. Клуб «33Литра» (5 кылме 2018). Тергыме кече: 17 теле 2021. Архивировано из оригинала 14 сӱрем 2019 ий.
  55. ↑ Почему у современных телеведущих не горят глаза? Аргументы и факты (21 шыжа 2009). Тергыме кече: 21 сорла 2018. Архивлыме 21 сорла 2018 ий.
  56. ↑ Отар Кушанашвили: В смутные времена Тигран Кеосаян нужен на ТВ. Аргументы и факты (21 вӱдшор 2013). Тергыме кече: 21 сорла 2018. Архивлыме 6 сорла 2020 ий.
  57. ↑ tengrinews.kz. Оскорбительное и необъективное выступление - МИД Казахстана о Тигране Кеосаяне (руш.). Главные новости Казахстана - Tengrinews.kz (27 вӱдшор 2022). Тергыме кече: 28 вӱдшор 2022. Архивлыме 28 вӱдшор 2022 ий.

Кылвер-влак

"https://mhr.ruwiki.ru/w/index.php?title=Кеосаян,_Тигран_Эдмондович&oldid=1231489" гыч налме