2 идым

←
→
Идым
← →Идым
	2026 ий

2 идым (2 сентябрь) — григориан кечышот почеш идалыкын 245-ше (кужемдыме ийлаште — 246-шо) кечыже. Идалык пытыме марте 120 кече кодеш.

Йошкар-Олаште ☀️ Кече 4 шагатат 52 минутлан лектеш, 18 шагатат 43 минутлан шинчеш. Кечын кужытшо 🕒 13 шагатат 50 минут.
🌖 Катыкем толшо тылзе (19.84 тылзе кече).

Пайрем да шарныктарыше кече-влак

Россий — Патрульно-постовой службын кечыже (руш. День патрульно-постовой службы)
Шулдырысо эрыкан мардежын кечыже (руш. День свободного ветра в крыльях).
Кокосын тӱнямбал кечыже (руш. Всемирный день кокоса).

Лӱмгече

Православий лӱм-влак: Севир, Агафон, Антилин, Анфон, Афинодор, Ахиллес, Виктор, Восва, Гай, Генефлий, Дифил, Дометиан, Евдемон, Евстафий, Епафродит, Зоил, Зотик, Керкан, Кронин, Максим, Мемнон, Мест, Молий, Неофит, Никон, Ор, Орион, Палмат, Пансфен, Пантолеон, Панфирий, Рин, Савин, Саторнин, Силуан, Стратон, Тимофей, Тиранн, Феосевий, Хрисанф, Владимир, Дос, Иерофей, Илиодор, Иоанн (Иван), Лукий, Самуил, Стефан, Феодор (Фёдор), Руфина.

Эртынчык-влак

Тугак ончо: Категорий:Идым тылзын 2 кечысе событий-влак

Марий тӱняште

1974 — Кужэҥер кундем Тошто Юледур селаште тӱвыра пӧртым — клубым — почыныт.

Тӱня мучко

911 — Руш князь Олег Византий ден Русь коклаште икымше вашкелшыкым пеҥгыдемден.
1918 — ВЦИК-ын ыштыме Революций-сарзе советын ушем вуйлатышылан Лев Троцкийым шогалтыме.
1945 — Кокымшо тӱнямбал сар мучашлалтын. Лач тиде кечын Японийын капитуляцийже нерген актыш кидым пыштыме.

Шочыныт

Тугак ончо: Категорий:Идым тылзын 2 кечынже шочшо-влак

1921 — Анатолий Александрович Алёшкин, совет сарзывуй, артиллерий генерал-майор. Ленин орденын да кум гана I степенян Ачамланде сар орденын кавалерже.
1934 — Роза Вениаминовна Артищева, туныктыш пашаеҥ да уста музыкант, Россий Федерацийысе тӱвыран сулло пашаеҥже. Шернур посёлкышто шочын. Паша корныжо Йошкар-Оласе музык училище дене кылдалтын: тыште Роза Вениаминовна музык теорий дисциплиным туныктен. Тӱвырам шымлымаште кугу специалист ятыр семмастарын илыш-корныжо да творчествыже нерген пашам савыктен.
1948 — Анатолий Геннадьевич Попов, кугыжаныш да озанлык пашаеҥ. Шернур посёлкышто шочын. Ончычсо паша корныжо завод чоҥымаш дене кылдалтын. 8 ий Анатолий Геннадьевич Йошкар-Оласе йолчием фабрикым вуйлатен, тыгодымак Россий кугыжаныш погынын депутатше лийын. 1997—2000-ше ийлаште тудо Марий Элыште Россий Президентын ӱшанъеҥже лийын. Экономике шанче кандидат.
1959 — Лидия Аркадьевна Михайлова, тӱвыра пашаеҥ. Провой кундем Аркамбал ялыште шочын. Паша корныжо Красный Ярысе книга пӧртыштӧ тӱҥалын, 1997-ше ий гыч Лидия Аркадьевна районысо тӱвыра пӧлкаште пашам ышташ тӱҥалын, а 2 ий гыч вуйлатышыжат лийын. Мер пашаштат пагалымашым сулен.
1962 — Владимир Анатольевич Маркин, кугыжаныш пашаеҥ, Марий Элысе кугыжаныш службын сулло пашаеҥже. Украиныште шочын-кушкын. Кӱшыл шинчымашым налме деч вара «Биомашприбор» ушемыште пашам ышташ тӱҥалын. 1997-ше ий гыч Марий Эл Президент администрацийысе секретариатыштыже тыршен. Умбакыже паша корныжо тӱвыра, печать да калык-влакын пашашт шотышто министерствыште шуйнен.
1971 — Марина Степнова, россий писательнице, поэтессе, редактор, румынла гыч кусарыше, сценарист.

Коленыт

Тугак ончо: Категорий:Идым тылзын 2 кечынже колышо-влак

1977 — Мария Аюпова, марий серызе, поэт, журналист.
1993 — Юрий Рязанцев, марий серызе, поэт, режиссер, артист, МАССР-ын калык артистше (1991), Марий АССР-ын сулло артистше (1979), Марий Эл Республикысе И.С. Палантай лӱмеш Кугыжаныш премийын лауреатше (колымыжо деч вара) (1993).
1993 — Илья Стрельников, марий серызе, поэт, СССР серызе-влак ушемын йыжыҥъеҥже (1939).

Калык пале

Пыл-шамыч кӱшнӧ ийын каят гын, ояр игечылан, ӱлнӧ улыт – лавыртышлан.
Самуилын кечыже. Тиде кече ожно пӧръеҥ-влакын пайремыштлан шотлалтын. Ешыште ӱдыр икшыве лийын гынат, тудлан у пӧръеҥ тувырым ургыктеныт. Вара ӱдыр тудым ачажлан чиктышаш улмаш.