30 идым
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
30 идым (30 сентябрь) — григориан кечышот почеш идалыкын 273-шо (кужемдыме ийлаште — 274-ше) кечыже. Идалык пытыме марте 92 кече кодеш.
Йошкар-Олаште ☀️ Кече 5 шагатат 58 минутлан лектеш, 17 шагатат 37 минутлан шинчеш. Кечын кужытшо 🕒 11 шагатат 39 минут.
🌖 Катыкем толшо тылзе (18.31 тылзе кече).
Пайрем да шарныктарыше кече-влак
ООН — Кусарышын тӱнямбал кечыже (руш. Международный день переводчика).
Россий — Донецкысе Калык Республикын, Луганскысе Калык Республикын, Запорожье да Херсон кундем-влакын Россий Федераций дене ушнымо кечышт (руш. День воссоединения Донецкой Народной Республики, Луганской Народной Республики, Запорожской области и Херсонской области с Российской Федерацией).- Российысе интернетын кечыже (руш. День интернета в России).
- Вера, Надежда, Любовьын кечышт (руш. День Веры, Надежды и Любови).
- Карелийым фашист-влак деч утарыме кече (руш. День освобождения Карелии от фашистских захватчиков).
- Шокшо глинтвейнын кечыже (руш. День горячего глинтвейна).
- Ортодонтын кечыже (руш. День ортодонта).
- Мырлыме да карныштме кече (руш. День мурлыканья и потягивания).
Лӱмгече
- Софья, Вера, Любовь, Надежда.
Эртынчык-влак
Тугак ончо: Категорий:Идым тылзын 30 кечысе событий-влак
- 1996 — Йошкар-Олаште ола историй тоштер почылтын.
- 1791 — Вена олаште Моцартын возымо пытартыш симфонийже йоҥгалтын.
- 1941 — Москвам арален кодымо верч тале кредалмаш тӱҥалын.
- 1967 — космосышто историйыште икымше гана кок корабльын стыковкышт лийын.
Шочыныт
Тугак ончо: Категорий:Идым тылзын 30 кечынже шочшо-влак
- 1930 — Борис Степанович Чубынин, спортсмен, Марий Элын сулло тренерже. Татарстан Республикыште шочын. Марий республикысе спорт да физкультур комитетын инструкторжылан тыршыме жапыште ятыр спорт ушемыште классик кучедалмаш да бокс дене туныктен. А вара Волжск оласе «Спартак» спорт школышко куснен, 20 ий вуйлатышыжат лийын.
- 1939 — Павел Яковлевич Полушин, пашазе, Россий Федераций транспортын сулло пашаеҥже. У Торъял кундем Кремлёнки ялыште шочын-кушкын. Паша корныжо Йошкар-Оласе автотранспорт ушем дене кылдалтын: 28 ий машина вӱдышылан тыршен. Суапле пашажлан ик гана веле огыл кугыжаныш чап танык дене палемдалтын.
- 1940 — Валерий Филиппович Кузнецов, Марий Элын сулло сӱретчыже. Пошкудо Чуваший кундемысе Отар ялыште шочын. Ончыч Россий Федерацийысе тӱссымыктыш фондын марий пӧлкаштыже тыршен. «С победой, сынки!» сӱретше тудлан Совет Ушем кумдыкысо чапым конден. Ятыр портретын, пейзажын авторжо. Тудын сӱретше-влак Российсе да йот элласе ятыр олаште лийыныт. Йошкар-Олан тоштерыштыжат Валерий Кузнецовын пашаже-влакым кызытат ужаш лиеш.
- 1955 — Сергей Васильевич Бочкарёв, медицине пашаеҥ. Марий Тӱрекыште шочын-кушкын. 7 ий шочмо посёлкысо тӱҥ эмлыме верыште пашам ыштыме деч вара Йошкар-Оласе заводыш толын да медсанчасть поликлиникын вуйлатышыже лийын. 1998-ше ийыште Сар ветеран-влакым эмлыме верыште психиатр сомылым шукташ тӱҥалын, а 1 ий гыч наркологий диспансерын тӱҥ эмлызыже лийын. Тыгак Сергей Васильевич кундемнан сулло эмлызыже семын палыме.
- 1956 — Людмила Евгеньевна Степанова, кугыжаныш пашаеҥ. Провой кундем Чакмарий кундемыште шочын. Уста пашазе 2001-ше ийыште кинде инспекций кучемын вуйлатышыжлан шогалын.
Коленыт
Тугак ончо: Категорий:Идым тылзын 30 кечынже колышо-влак
Калык пале
- Пырыс мушкылтеш гын, йӱр огеш лий.
- Вера, Надежда, Любовь да Софиям шарныме кече. Ожно тиде кечын чыла ӱдырамаш-влакым саламленыт, поснак ешан да шочшан-влакым. Ӱдырамаш-влаклан ты кечын шорташат лиеш улмаш, тыге нуно чоныштым лыпландареныт.