13 идым
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
13 идым (13 сентябрь) — григориан кечышот почеш идалыкын 256-шо (кужемдыме ийлаште — 257-ше) кечыже. Идалык пытыме марте 109 кече кодеш.
Йошкар-Олаште ☀️ Кече 5 шагатат 18 минутлан лектеш, 18 шагатат 18 минутлан шинчеш. Кечын кужытшо 🕒 12 шагатат 59 минут.
🌑 У тылзе (1.31 тылзе кече).
Пайрем да шарныктарыше кече-влак
Россий — Парикмахерын кечыже (руш. День парикмахера).- Шарлотко да шыже когыльын кечыже (руш. День шарлоток и осенних пирогов).
- Российысе йогын кечыже (руш. День йоги в России).
- Шоколадын тӱнямбал кечыже (руш. Международный день шоколада).
- Шинчаланым кочмо-пурлмо кече (руш. День закуски солениями).
Лӱмгече
- Пётр, Геннадий, Куприян.
Эртынчык-влак
Тугак ончо: Категорий:Идым тылзын 13 кечысе событий-влак
- 1745 ий — Россий элысе икымше географий атлас ош тӱням ужын.
- 1929 ий — шымлызе Александр Флеминг у эмым – пенициллиным ончыктен.
- 1960 ий — УАШыште у наука – бионика – дене кылдалтше симпозиум эртен.
Шочыныт
Тугак ончо: Категорий:Идым тылзын 13 кечынже шочшо-влак
- 1946 — Людмила Григорьевна Красилова, Марий Элысе туныктышын сулло пашаеҥже да калык туныктышыжо. Татарстан Республик Черемшан селаште шочын. Марий кугыжаныш педагогике институтым тунем лекмек, Йошкар-Оласе 3-шо №-ан школышто руш йылме да литератур предметым вӱдаш тӱҥалын, а вара 20 №-ан школыш куснен. Тыгак Людмила Григорьевна технологий колледжыште тыршен.
- 1962 — Светлана Аркадьевна Гладышева, Марий Элын калык артисткыже. Морко кундем Масканур ялыште шочын. ГИТИС-ым тунем лекмек, Марий кугыжаныш драмтеатрыште тыршен. 10 ий утла Марий самырык театрыште модын, тыгодымак тӱвыра да сымыктыш колледжыште туныктен. С. Николаевын «Саликаштыже» Саликам, Чавайнын «Мӱкшотарыштыже» Клавийым палемдаш лиеш. Тыгак Светлана Аркадьевна «Чоныштем илет» икымше марий телесериалыште модын. Марий Элысе кугыжаныш премийын лауреатше. Тачысе кечын Светлана Аркадьевна Шкетан лÿмеш марий кугыжаныш драме театрыште пашам ышта, ятыр рольым устан чоҥа.
- 1962 — Сергей Борисович Миронов, ялозанлык да кугыжаныш пашаеҥ. Шочмо верже – Килемар кундемысе Удюрма ял. 1993-шо ий гыч тудо «Килемар Агроснаб» ушемын вуйлатышыжлан тыршаш тÿҥалын. Районысо мер илышыштат кугу пагалымашым сулен: кундемысе погынын депутатше лийын.
Коленыт
Тугак ончо: Категорий:Идым тылзын 13 кечынже колышо-влак
- 2005 — Пётр Геннадьевич Гордеев, совет футболист, нападающий, тренер. СССР-ын спорт мастерже (1967).
- 2012 — Геннадий Валерианович Алексеев, марий серызе, поэт, журналист, Россий Журналист-влак ушемын йыжыҥъеҥже (1985), Россий серызе-влак ушемын йыжыҥъеҥже (1997).
Калык пале
- Шӧршудо пеледеш — леве да кужу шыжылан.
- Кугу куткышуэм ужаш — йӱштӧ телылан.
- Куприянын кечыже. Ожнысо калык тыге манын: тиде кечын турня-влак купышто погынат да куш чоҥештымым каҥашат. Тыгак тиде кечын турняпќчыжым погеныт, тидлан купыш эн ончыч 13 сентябрьыште шочшо еҥым колтеныт, тудо корным сайын пала — манын шоненыт.