Родионов, Борис Николаевич
| Борис Николаевич Родионов | |
|---|---|
 | |
| Шочын |
14 шорыкйол 1921 |
| Колен |
24 сорла 2015 (94 ий) |
| Тойымо вер | |
| Шанче степень | технике шанче доктор[d] |
| Шанче паша | |
| Шанче сфере | аэрофотогеодезий |
Борис Николаевич Родионов (14 шорыкйол 1921, Чыкма, Марий Автоном Совет Социализм Республик, РСФСР[d] — 24 сорла 2015, Моско, Россий) — совет да российысе шанчызе, технике шанче доктор, Мландыпаша (землеустройство) инженерым ямдылыше Москосо институтын аэрофотогеодезий кафедрыжын профессоржо.
Илыш корныжо
1921 ий 14 январьыште Озаҥ губернийысе Чыкма олаште шочын. Аваже Александра Николаевна — туныктышо, ачаже Николай Александрович — партий-озанлык пашаеҥ, РККА-н политкомиссарже, ВКП(б)-ын XVII погынжын делегатше[1].
М. В. Ломоносов лӱмеш 30 №-ан школышто тунемын.
1938 ийыште Москосо мландыпашаеҥым ямдылыше институтыш тунемаш пурен. 1941 ий августышто Карелий фронтыш налыныт, вара угыч тунемаш тӱҥалын да 1943 ийыште МИИЗ-ын аэрофотогеодезий пӧлкажым тунем пытарен[2].
1945 ийыште чоҥештыме-штурман курсын экзаменжым экстерн дене кучен да 1945 ий гыч 1950 ий марте «Аэрогеология» да «Полярная авиация» ушемлаште I классан аэровойзышылан тыршен.
1947 ийыште аспирантурыш тунемаш пурен, шанче вуйлатышыже — профессор Виктор Филиппович Дейнеко.
1952 ийыште кандидатлык, 1965 ийыште — докторлык диссертаций-влакым арален. Профессор (1967)[2].
1951—1956 — кугурак инженер да «Гидропроект» пӧлка вуйлатышын алмаштышыже[2].
1957—1967 — МИИГАиК-ын аэрофотовойзышо кафедрым вуйлатыше.
1968—1973 — СССР Шанче Академийын ИКИ лабораторийжым вуйлатыше.
1974—1976 — «Природа» кугыжаныш рӱдерын пӧлкажым вуйлатыше[2].
1976 ий гыч — МИИЗ-ын аэрофотогеодезий кафедрын профессоржо.
1982 ий гыч — Российысе мланде да экокышкар мониторинг институтын пӧлкажым вуйлатыше[3].
Тудын вуйлатымыж почеш «Луна-9» да «Луна-13» станций-влакын, «Луноход-1» ден «Луноход-2» аппарат-влакын эртыме корныштым да тылзе ӱмбаке шичшаш верыштын топографий планыштым ямдылыме. Б. Н. Родионов ден тудын пашаеҥже-шамычын ыштыме фотоаппарат-влак дене «Зонд-6» да «Зонд-8» планете-влак кокласе станцийла гыч Тылзын вес могыржым войзымо[1].
Б. Родионов 19 шанче кандидатым ямдылен, нунын кокла гыч кокытынжо шанче доктор лийыныт. 150 утла шанче пашан да изобретенийын авторжо[4].
Неле да кужу жап черланыме деч вара 2015 ий 24 августышто 94 ияш илыш дене чеверласен. Москосо Головино шӱгарлаште тойымо[1][3][2].
Суаптар-влак
- Мландыпаша кугыжаныш университетын Константиновский Чап тамгаже.
Монографий-влак
- Родионов Б. Н. Динамическая фотограмметрия. — М.: Недра, — 1983. — 312 с.
- Родионов Б. Н. Динамическая фотограмметрия. Переиздание для Инернет с авторскими исправлениями, Москва, «NETMASTERS.RU», 2011.
Палемдымаш
- ↑ 1 2 3 Родионов Борис Николаевич. geoprofi.ru. Тергыме кече: 23 пургыж 2026.
- ↑ 1 2 3 4 5 Родионов Борис Николаевич, <https://marihistory.ru/2011-01-01-20-07-03/33249-rodionov-boris-nikolaevich>. Тергыме: 23 пургыж 2026.
- ↑ 1 2 Скончался видный учёный-старообрядец Борис Николаевич Родионов (руш.). ruvera.ru. Тергыме кече: 23 пургыж 2026.
- ↑ Козьмодемьянск - Генеалогический форум ВГД (руш.). forum.vgd.ru. Тергыме кече: 23 пургыж 2026.
Литератур
- Родионов Борис Николаевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 302. — 2032 экз. — ISBN 5-87898-357-0.