Дмитриев, Геннадий Павлович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Дмитриев.
Геннадий Павлович Дмитриев
Дмитриев, Геннадий Павлович.jpg
Шочмо кече 20 вӱдшор 1934(1934-04-20)
Шочмо вер
Колымо кече 10 ага 2007(2007-05-10) (73 ий)
Колымо вер
Эл  СССР →  Россий
Шанче алан политэкономий
Паша вер Марий политехнике институт
Шанче степень экономике шанче кандидат
Шанче званий доцент
Награде ден премий-влак Honored Cultural Worker of the RSFSR.jpg
«Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын» «Пашан ветеранже» медаль

Геннáдий Пáвлович Дми́триев (20 вӱдшор 1934, Курыкӱмбал, Морко кундем, Марий автоном область, Горький край, РСФСР[d], СССР — 10 ага 2007, Йошкар-Ола, Марий Эл Республик, Россий) ― марий совет да российысе шанче пашаеҥ, шанчыеҥ-экономист, кӱшыл школын туныктышыжо, партий пашаеҥ. М. Горький лӱмеш Марий политехнике институтын политэкономий кафедрын вуйлатышыже (1981―1985), экономике шанче кандидат (1970). РСФСР тӱвыран сулло пашаеҥже (1988). 1957 ий гыч КПСС йыжыҥъеҥ.

Илыш корныжо

1934 ий 20 апрельыште кызытсе Марий Элын Морко районысо Кӱрыкӱмбал ялыште шочын[1][2][3].

1953 ийыште Марий АССР-ысе Морко педагогике училищым, 1963 ийыште ― Свердловск Кӱшыл партий школым  (руш.) (мар. тунем пытарен[1][2].

1957 ий гыч партий пашаште[4], 1965―1967 ийлаште ― Марий АССР-ысе КПСС Кужэҥер райкомын кокымшо секретарьже[1][2].

1970 ийыште КПСС ЦК пелен Мер шанче академийын аспирантурыжым тунем пытарен. «Мландын экономике акше да тудын колхоз экономикым вияҥдымаште верже» теме дене кандидатлык диссертацийым сайын арален, экономике шанче кандидат (1970)[5].

1970 ий гыч М. Горький лӱмеш Марий политехник институтышто: кугурак туныктышо, 1975 ий гыч ― доцент, 1975―1980 ийлаште ― парткомын секретарьже, 1981―1985 ийлаште ― политэкономий кафедрын вуйлатышыже[1][2]. Тиде жапыште кафедрылан кӱкшӧ шинчымашан пашаеҥ-влакым ямдылен. Кафедрысе пашаеҥ-влак «Знание» ушемыште чолган тыршеныт, Марий республикын социал-экономике вияҥмаш планжым чоҥашлан, социал тергымашым, йодыштмашым эртареныт, «Экономические науки» журналын кундемысе лудмаш-конференцийыш чумыргеныт[6].

Кужу жап «Знание» ушемын штатдыме лекторжо лийын. КПСС Йошкар-Ола комитетын йыжыҥъеҥже[4].

1988 ийыште тудлан «РСФСР тӱвыран сулло пашаеҥже» чаплӱмым пуымо. Медаль-влак да Марий АССР Кӱшыл Каҥаш Президиумын Чаптаныкше дене суапландаралтын[1][2].

2007 ий 10 майыште Йошкар-Олаште колен[1][2].

Пагалымаш

Палемдымаш

  1. ↑ 1 2 3 4 5 6 7 8 Мочаев, 2007, с. 108.
  2. ↑ 1 2 3 4 5 6 7 8 Энциклопедия Республики Марий Эл, 2009, с. 339.
  3. ↑ Информационный ресурс Республики Марий Эл "12rus.ru" :: Моркинский район. www.12rus.ru. Тергыме кече: 27 шорыкйол 2026. Архивлыме 29 сӱрем 2023 ий.
  4. ↑ 1 2 3 4 5 6 Дмитриев Геннадий Павлович (руш.). Марийская история в лицах. Тергыме кече: 27 шорыкйол 2026. Архивлыме 29 сӱрем 2023 ий.
  5. ↑ Дмитриев, Геннадий Павлович - Экономическая оценка земли и ее роль в совершенствовании управления колхозной экономикой [Текст] : Автореферат дис. на соискание ученой степени кандидата экономических наук. (590) - Search RSL (руш.). search.rsl.ru. Тергыме кече: 27 шорыкйол 2026. Архивлыме 29 сӱрем 2023 ий.
  6. ↑ Образовательная структура. volgatech.net. Тергыме кече: 27 шорыкйол 2026. Архивлыме 29 сӱрем 2023 ий.

Литератур

  • Мочаев В. А. Дмитриев Геннадий Павлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 108. — 2032 экз. — ISBN 5-87898-357-0.
  • Дмитриев Геннадий Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 339. — 872 с. — 3505 экз. — ISBN 978-5-94950-049-1.
  • Мочаев В. А. Дмитриев Геннадий Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 124. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Дмитриев,_Геннадий_Павлович&oldid=1233766" гыч налме