Николаева, Раиса Ивановна
| Раиса Ивановна Николаева | |
|---|---|
| Мардан Рая | |
 | |
| Шочмо кече | 1946 ий 20 вӱдшор (80 ий) |
| Шочмо вер | РСФСР, Марий АССР, Юлсер кундем, Чодыраял ял |
| Гражданлык |
 СССР Россий |
| Паша сомыл | серызе, почеламутчо |
| Награде да премий | |
Мардан Рая (Раиса Ивановна Николаева) (шоч. 20 вӱдшор 1946, Чодыраял (Юлсер кундем, Корамас ял шотан илем), Марий Автоном Совет Социализм Республик) — марий серызе, почеламутчо, Россий Серызе-влак ушемын йыжъеҥже (2007), Марий Эл Республикысе тÿвыран сулло пашаеҥже (2006).
Илыш корныжо
Мардан Рая 1946 ийын вӱдшор тылзын 20-шо кечынже Юлсер кундемысе Чодыраялыште шочын. Сотнур школышто, Марий целлюлоз кагаз техникумышто тунемын. Воронеж кундем Новохоперск олаште пашам ыштен. Москосо чодыра технике институтшто тунемаш тӱҥалын, вара Марий политехник институтыш куснен. Озаҥыште, Йошкар-Олаште "Марбиофарм" заводышто пашам ыштен.
Раиса Николаева сылнымутыш кугу ийготан толын. Тудым усталык сомыл деке серызе Юрий Артамонов кумылаҥден. Ончыч прозым возен. Икымше ойлымашыже - «Юзо вате» - 1990 ийыште «Марий коммуна» газетын кум номерыштыже савыкталтын. «Ончыко» журналышкат возен. 1993 ийыште Маргарита Ушакова дене пырля «Авамын куэже» ойлымаш сборникым луктыныт.
Вара Мардан Рая поэзийыш куснен. Тудын почеламутшылан композитор Иван Егоров чонеш логалше ятыр мурым возен.
«Чолга шÿдыр - 2002» фестивальын дипломантше.
Тӱҥ произведенийже-влак
- Юзо вате : ойлымаш // Марий коммуна. 1990. 17—19 янв.
- Кугече комбо : ойлымаш // Марий коммуна. 1991. 4 окт.
- Туртыктыман шем шовыр: ойлымаш // Ончыко. 1992. № 6. С. 47—56.
- Ойлымаш-влак // Ушакова М., Мардан Р. Авамын куэже. Йошкар-Ола, 1993. С. 85—172.
- Тыге лийшаш улмаш : муро, почеламут [Все ожидалось так : песни, стихи]. Йошкар-Ола, 1999. 88 с.
- Кӧ манеш, мыйын пагыт эртен? : муро, почеламут-вл. [Кто говорит, мое время прошло? : песни, стихи]. Йошкар-Ола, 2004. 176 с.
- «Вурсен ом керт мый тачысе саманым...» : почеламут-вл. // Ончыко. 2004. № 6. С. 157—159.
- Нигунам ужын омыл ачам... : почеламут // Ончыко. 2005. № 5. С. 11-12.
- Почеламут-влак// Ончыко. 2006. № 4. С. 85—88.
Илышыже да творчествыже нерген литератур
- Кӱчыкын автор нерген // Ушакова М. Авамын куэже. Йошкар- Ола, 1993. С. 85.
- Артамонов Ю. Мелнам коктын кӱэштын, когар пуш ыш лек // Марий Эл. 1993. 22 май.
- Долгушева А. Ала шӧртньӧ пагытем тӱҥалын? // Кугарня. 1994.23 дек.
- Семенова Л. Мардан — шочынпале гай ӱмырашлык // Кугарня. 1996.19 апр.
- Шамиев Б. Марий мландын тыглай ӱдыржӧ // Марий Эл. 1996.20 апр.
- Терентьева Э. «Пӱртӱс-Авалан тауштем...» // Кугарня. 2005. 17 июнь.
- Глушкова 3. «Мыйын таче илымем шуэш...» // Марий Эл. 2006.20 апр.
- Кто есть кто в Марий Эл. Йошкар-Ола, 2002. С. 387.
Чап
- Россий Серызе-влак ушемын йыжъеҥже (2007).
- Марий Эл Республикысе тÿвыран сулло пашаеҥже (2006).
- Идалыкысе муро «Чолга шÿдыр — 2002» фестивальын дипломатше.