Славин, Владлен Ильич

РУВИКИ — эрыкан энциклопедий гыч материал
Владлен Ильич Славин
Славин Владлен Ильич.jpg
Шочмо кече 1 шорыкйол 1926(1926-01-01)
Шочмо вер
Колымо кече 20 вӱдшор 2019(2019-04-20) (93 ий)
Колымо вер
Гражданлык  СССР →  Россий
Паша сомыл рентгенолог-эмлызе, книгам йӧратыше
Награде да премий

Владлен Ильич Славин (1 шорыкйол 1926, Озаҥ — 20 вӱдшор 2019, Йошкар-Ола) — совет да российысе рентгенолог-эмлызе, книгам йӧратыше, мер пашаеҥ. Марий республикысе рентгенолог да радиолог-влак ушемым почшо да икымше председательже (1961—2000), Марий Эл Республикын сулло эмлызыже (2000). Российысе радиолог-влак ушемын Чапъеҥже. Н. К. Крупская лӱмеш Марий педагогике институтын туныктышыжо. Йошкар-Оласе книгам йӧратыше-влак ушемым чумырышо да вуйлатышыже (1973—1988), Марий АССР тӱвыран сулло пашаеҥже (1991).

Илыш корныжо

1926 ий 1 шорыкйолышто Озаҥыште фармацевт, пӱй эмлызе да Икымше тӱнямбал, граждан сарысе ветеранын ешыштыже шочын[1][2].

1944 ийыште Озаҥысе авиаций техникумым  (руш.) (мар. тунем лектын[1]. Озаҥысе 357 №-ан авиазаводышто пашам виктарыме пӧлкаште пашам ыштен[3].

1950 ийыште Озаҥысе медицин институтым  (руш.) (мар. тунем лектын[1].

РСФСР-ын сулло эмлызыже С. А. Решетниковын ӱжмыж почеш 1950 ий гыч — Марий АССР Шернур вел эмлымверыште рентгенолог-эмлызе[1][4].

1955 ий гыч — Озаҥысе ГИДУВ-ышто ординатор-эмлызе да Куйбышев лӱмеш фабрик пелен изирак шанче пашаеҥ — Шанче-шымлыше кинофотоинститутын  (руш.) (мар. Озаҥысе филиалже[3][1].

1959 ий гыч — Йошкар-Олаште: 1966 ий марте — Йошкар-Оласе оласе эмлымверын рентген кабинетшым вуйлатыше[5], 1977—2012 ийлаште — 1 №-ан поликлиникын рентген-кабинетшым вуйлатыше. Кӱшыл категориян эмлызе, 86 ияш марте пашам ыштен[1]. Н. К. Крупская лӱмеш Марий педагогике институтышто икмыняр ий медициным туныктен[3]. Рентгенолог-эмлызе да рентгенлаборант-влакын икмыняр тукымжым куштен, нуно тачат Марий Элын шуко медицин тӧнежыштыже пашам ыштат[6].

Мер паша дене чолган илен: медицин шинчымашым, калыкын санитар шинчымашыжым да таза илыш-йӱлам, поэзийым чапландарен, Республикысе «Знание» ушемын  (руш.) (мар. йыжъеҥже лийын, идалыклан 120—150 лекцийым лудын. 1961—2000 ийлаште — Марий республикысе рентгенолог да радиолог-влак ушемым шочыктышо да икымше председательже[1][7]. Ушемыште чолган тыршымыжлан 1995 ийыште Российысе радиолог-влак ассоциацийын Чапъеҥжылан сайлалтын да рентген толкыным почмылан 100 ий темме лӱмеш медаль да диплом дене палемдалтын[6].

Марий телевиденийыште «Тазалык» телевидений журналым вӱден[3].

1973—1988 ийлаште — Йошкар-Оласе книгам йӧратыше-влак ушемым чумырышо да вуйлатышыже. Тудын шке книгагудо фондшо 14 тӱжем наре книгам авалтен, чыла кумылан-влак пайдаланен кертыт[1].

Кужу жап сай пашажлан да мер илышыште чолгалыкым ончыктымыжлан 1991 ийыште тудлан «Марий ССР тӱвыран сулло пашаеҥже» чаплӱмым, а 2000 ийыште — «Марий Эл Республикын сулло эмлызыже» чаплӱмым пуымо[1]. «Тазалык аралымашын отличникше» оҥпале дене палемдалтын[6].

Ешан лийын, ватыже — кардиолог-эмлызе, эргыже — вашкеполыш эмлымверын кугурак эмлызыже, ӱдыржӧ — программист[8].

2019 ий 30 вӱдшорышто Йошкар-Олаште илыш дене чеверласен[6].

Чаплӱм да суаптар

Шарнымаш

  • Тӱвыран сулло пашаеҥже В. И. Славинын книгаш пыштыме лаштык погарверже кызыт С. Чавайн лӱмеш Калыкле книгагудышто аралалтеш да ончыкталтеш[9].
  • МарКУ-н «Марий Эл Республикын тӱвыра чолга еҥже-влак» савыктышыже (2007) В. И. Славиным шарныме лӱмеш пӧлеклалтын[9][10].

Палемдымаш

  1. ↑ 1 2 3 4 5 6 7 8 9 10 11 12 13 14 Мочаев, 2017, с. 401.
  2. ↑ Марий Эл: Знаменательные даты. События. Юбилеи. Январь 2016г. (руш.). Республиканский центр марийской культуры (19 шорыкйол 2016). Тергыме кече: 2 теле 2025.
  3. ↑ 1 2 3 4 Кто есть кто в Марий Эл, 2002, с. 479.
  4. ↑ Эстафета милосердия, <https://web.archive.org/web/20241214063151/https://www.calameo.com/books/005828980e84260a3abd1>. Тергыме: 2 теле 2025. 
  5. ↑ Йошкар-Олинская городская больница_отделение лучевой диагностики (руш.). web.archive.org. Тергыме кече: 5 теле 2025.
  6. ↑ 1 2 3 4 Владлен Ильич Славин, <https://www.marpravda.ru/spetsproekty-mp/vechnaya-pamyat/vladlen-ilich-slavin/>. Тергыме: 2 теле 2025. 
  7. ↑ Многогранное счастье доктора (руш.). Газета нашего города (13 сӱрем 2014). Тергыме кече: 2 теле 2025.
  8. ↑ Кто есть кто в Марий Эл, 2002, с. 47.
  9. ↑ 1 2 Новые издания по краеведению, поступившие в библиотеку в марте 2017 года | ГБУК РМЭ "Национальная библиотека им. С.Г. Чавайна республики Марий Эл" (руш.). web.archive.org. Тергыме кече: 2 теле 2025.
  10. ↑ Серия «Подвижники культуры РМЭ» (руш.). marsu.ru. Тергыме кече: 2 теле 2025.

Литератур

  • Славин Владлен Ильич // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 479. — 2000 экз. — ISBN 5-87898-197-1.
  • Мочаев В. А. Славин Владлен Ильич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 330. — 2032 экз. — ISBN 5-87898-357-0.
  • Славин Владлен Ильич: биобиблиографический указатель: материалы к биобиблиографии / составитель Т. В. Архипова; научный редактор В. В. Изыкин; Марийский государственный университет, научная библиотека. — Йошкар-Ола: МарГУ, 2007. — 44 с. — (Подвижники культуры Республики Марий Эл. Вып. 2).
  • Эстафета милосердия: к 145-летию Сернурской центральной районной больницы / С. И. Богданов [и др.] — Йошкар-Ола: Поволжский государственный технологический университет, 2012. — 288 с.: ил.
  • Петрова Т. А. Становление и развитие библиотечного дела в Марийском крае (аналитический обзор). В 2 ч. Ч. 2. 1965—2007 годы: монография / Марийс. гос. ун-т; Т. А. Петрова. — Йошкар-Ола, 2013.
  • Изыкин В. В., Мочаев В. А. Славин Владлен Ильич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 401. — 606 с. — 1500 экз. — ISBN 978-5-905314-35-3.
  • Владлен Ильич Славин // Марийская правда. — 2019. — 30 апреля.
"https://mhr.ruwiki.ru/w/index.php?title=Славин,_Владлен_Ильич&oldid=1232137" гыч налме