Балыков, Георгий Николаевич

РУВИКИ — эрыкан энциклопедий гыч материал
Георгий Николаевич Балыков
Балыков, Георгий Николаевич.jpg
Шочмо кече 1900 ий 20 вӱдшор(1900-04-20)
Шочмо вер Марий Пыламарий, Уржум уезд, Виче губерний, Россий империй
Колымо кече 1967 ий 22 ӱярня(1967-03-22) (66 ий)
Колымо вер Моско, СССР
Пурымаш  Россий империй →  СССР
Войскан родшо инженер-авиаций
Службо жап 1919—1949
Званий
Генерал-майор инженерно-авиационной службы (инженерно-авиационная служба ВВС ВМФ)
Кредалмаш/сар Российысе Граждан сар
Кугу Ачамланде сар: Моском аралымаш
Награде да премий

Георгий Николаевич Балыкóв (20 вӱдшор 1900, Марий Пыламарий, Вӱрзым уезд, Виче губерний, Россий империй — 22 ӱярня 1967, Моско, СССР) ― совет сарзе пашаеҥ. Российысе Граждан сарын да Кугу Ачамланде сарын салтакше, инженер-авиаций службын генерал-майоржо (1945). Рӱдӧ аэрогидродинамике институтын Моско филиалжын начальникше (1941―1949). 1919 ий гыч ВКП(б)-н йыжъеҥже. Ленин орденын кавалерже (1947).

Илыш корно

1900 ий вӱдшор тылзын 20-шо кечынже кызытсе Марий Эл Марий Турек районысо Марий Пыламарий ялыште ургызын ешыштыже шочын[1][2][3][4].

Вӱрзым чын училищым тунем пытарен[1][2][5].

Российысе Граждан сарын салтакше: 1919 ийыште шке кумылын фронтыш каен, 1920 ий марте ― Сызрань оласе 145-ше эвакогоспитальын туныктышо-инструкторжо. 1921 ийыште РККА-н Сарзе-педагогике институтшым тунем пытарен[1][2]. 1921 ийыште ― Грозный оласе 49-ше пехото курсын туныктышыжо, 1921―1922 ийлаште ― Владикавказ оласе 2-шо кыл командный курсын туныктымо шотышто начальникшын партий полышкалышыже[5].

1923―1924 ийлаште ― Москосо Кӱшыл кыл школын тунемме-опыт полигонын саркомжо, 1924―1925 ийлаште ― 3-шо сарзе лётчик-влак школ клубын начальникше, 1925―1926 ийлаште ― Москосо РККА ВВС-ын посна службо Сар школын инструкторжо[5].

1932 ийыште Н. Е. Жуковский лӱмеш Сарзе-юж инженер академийым  (руш.) (мар. тунем пытарен[1][2][5].

1932―1936 ийлаште ― ВВС НИИ пӧлкан начальникше, вара ― НИИ аэрогидродинамике пӧлкан начальникше, 1936―1937 ийлаште ― РККА Сарзе-Теҥыз флотын инженер-инструкторжо, 1937―1938 ийлаште ― Севастопольысо РККФ Сарзе-Теҥыз авиаций НИИ начальникын пашажым жаплан шуктышо[5]. 1938 ийыште ― Севастополь―Архангельск шичде чоҥештен куснымаште лийын[1][2].

1939 ий гыч ― Рӱдӧ аэрогидродинамике институтышто  (руш.) (мар. вуйлатыше: 1941 ий марте ― ВВС НИИ-н 12-шо лабораторийжын (гидродинамике) начальникше, 1941―1949 ийлаште ― Рӱдӧ аэрогидродинамике институтын Моско филиалжын начальникше. Гидросамолёт-влакым тергымаште тыршен. 1949 ий вӱдшор тылзын паша гыч кораҥын[1][2][5].

Кугу Ачамланде сарын салтакше: Моском арален, моло сар вашпижмаште лийын, инженер-авиаций службын генерал-майоржо (1945 ий вӱдшор тылзын 20-шо кечынже)[1][2][5][6].

СССР сарзе-теҥыз флотын авиацийжым вияҥдыме верч шуко ий тыршымылан Ленин орден, Йошкар Тисте, II степенян Ачамланде сар, Йошкар Шӱдыр орден-влак да медаль-влак дене суапландарыме[1][2][5].

1967 ий ӱярня тылзын 22-шо кечынже Москошто колен. Новодевичий шӱгарлаште тойымо[1][2][5][7].

Суаптар

Палемдымаш

  1. ↑ 1 2 3 4 5 6 7 8 9 10 11 12 13 Мочаев, 2017, с. 43.
  2. ↑ 1 2 3 4 5 6 7 8 9 10 11 12 13 Энциклопедия Республики Марий Эл, 2009, с. 239.
  3. ↑ Мари-Билямор (Пилямари) | Родная Вятка. rodnaya-vyatka.ru. Тергыме кече: 4 пургыж 2026.
  4. ↑ Презентация "Генералы - фронтовики земли марийской" 9 класс: презентации для подготовки на Инфоурок (руш.). Инфоурок. Тергыме кече: 3 пургыж 2026.
  5. ↑ 1 2 3 4 5 6 7 8 9 10 11 12 13 14 Адмиралы и генералы Военно-Морского флота СССР в период Великой Отечественной и советско-японской войн (1941-1945) - Мое Семейное Древо (руш.). pomnirod.ru. Тергыме кече: 4 пургыж 2026.
  6. ↑ 1 2 3 4 5 6 Балыков Георгий Николаевич :: Память народа. pamyat-naroda.ru. Тергыме кече: 4 пургыж 2026.
  7. ↑ Балыков Георгий Николаевич(1900-1967) (руш.). Сайт №2 (27 вӱдшор 2017). Тергыме кече: 4 пургыж 2026.

Литератур

  • Мочаев В. А. Балыков Георгий Николаевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 40. — 2032 экз. — ISBN 5-87898-357-0.
  • Балыков Георгий Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 239. — 872 с. — 3505 экз. — ISBN 978-5-94950-049-1.
  • Мочаев В. А. Балыков Георгий Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 43. — 606 с. — 1500 экз. — ISBN 978-5-905314-35-3.
  • Защитники России ― генералы земли Марийской / Авт.-сост. А. М. Курочкин. ― Йошкар-Ола: Издательский дом «Марийское книжное издательство», 2018. ― 106 с.: ил.
"https://mhr.ruwiki.ru/w/index.php?title=Балыков,_Георгий_Николаевич&oldid=1232764" гыч налме