4 кылме

←
→
Кылме
← →Кылме
	2026 ий

4 кылме (4 ноябрь) — григориан кечышот почеш идалыкын 308-ше (кужемдыме ийлаште — 309-ше) кечыже. Идалык пытыме марте 57 кече кодеш.

Йошкар-Олаште ☀️ Кече 7 шагатат 19 минутлан лектеш, 16 шагатат 17 минутлан шинчеш. Кечын кужытшо 🕒 8 шагатат 57 минут.
🌗 Пытартыш чырык (23.78 тылзе кече).

Пайрем да шарныктарыше кече-влак

Россий — Калыкын икоян улмо кечыже (руш. День народного единства).
Марий Эл — Марий Эл Республикын кечыже (руш. День Республики Марий Эл).
Удмуртий — Одо Республикын кугыжаныш кечыже (руш. День Государственности Удмуртской Республики).
Шыже казанский (руш. Казанская осенняя).
Кассе аппаратын шочмо кечыже (руш. День рождения кассового аппарата).
Шке нерген азапланыме кече (руш. День заботы о себе).
Озаҥысе Шочынава юмоҥан пайремже (руш. Праздник Казанской иконы Божией Матери).
Конфет кече (руш. День конфет).
Чын шонымаш дене пайдаланыме кече (руш. День использования здравого смысла).
Чыве озаватын кечыже (руш. День куриной леди).

Лӱмгече

Александр, Герман, Максим. Емельян, Григорий, Василий, Анна, Елизавета.

Эртынчык-влак

Тугак ончо: Категорий:Кылме тылзын 4 кечысе событий-влак

1879 — Икымше кассовый аппаратым ыштен лукмо.
1922 — Египетыште Тутанхамон фараонын гробницыжым муымо.
2004 — Иркутскышто адмирал Александр Колчаклан чапкӱм шогалтыме.

Марий тӱняште

1920 — Марий автоном областьым (МАО) ыштыме нерген увертарыме.
1941 — Йошкар-Олаште полупроводник заводым почмо.

Шочыныт

Тугак ончо: Категорий:Кылме тылзын 4 кечынже шочшо-влак

1905 — Михаил Иванов-Батрак, марий серызе, поэт, туныктышо, СССР серызе-влак ушемын йыжыҥъеҥже (1934).
1932 — Миклай Рыбаков, марий серызе, журналист, драматург, артист, СССР серызе-влак ушемын йыжыҥъеҥже, Марий Эл Республикын Калык серызыже (1996), Марий АССР-ысе сымыктышын сулло пашаеҥже (1970), Марий АССР-ысе С. Г. Чавайн лӱмеш Кугыжаныш премийын лауреатше (1978), Олык Ипай лӱмеш Марий комсомол премийын лауреатше (1974).
1933 — Евгений Аркадьевич Загайнов, совет да российысе кугыжаныш да тазалык аралтыш пашаеҥ.
1938 — Владимир Павлович Васильев, шанче-экономист, Марий Элын сулло шанчыеҥже. Морко кундем Нуръял Корамасыште шочын-кушкын. Паша корныжо Марий кугыжаныш университет дене кылдалтын: 1974-ше ий гыч экономик факультетын доцентше, 6 ий деканже лийын. Экономике теорий кафедрым вуйлатен. Экономик шанче кандидат, профессор.
1939 — Тамара Семёновна Григорьева, спортсменка, ечызе. Юлсер кундем Отымбал ялыште шочын. 5 ияшыж годымак ече ӱмбак шогалын. Озаҥысе пединститутышто тунеммыж годым Совет Ушем спорт мастер лӱмым сулен. Нелын эмганыме деч вара икмыняр ийлан спортым ӧрдыжеш коден, а 1980-ше ийлаште уэш ече ӱмбак шогалын. 2001-ше ийыште ветеран-влак кокласе тӱнямбал таҥасымаште «шӧртньым» сеҥен налын. Ятыр таҥасымашын сеҥышыже. Россий спорт мастер.
1952 — Вениамин Микишкин, марий серызе, кусарыше, журналист, драматург.
1954 — Сергей Васильевич Яшин, совет да российысе туныктышо, спорт пашаеҥ, мурызо-автор. Марий Элыште Йошкар-Оласе Йоча да самырык-влаклан «Азимут» рӱдерым негызлыше да тудын вуйлатышыже (1993—2021). Марий Эл Республикын сулло туныктыш пашаеҥже (2008), Российысе калык просвещенийын отличникше (1996). Российысе физкультур да спортын отличникше (1998), Российын спорт мастерже.

Коленыт

Тугак ончо: Категорий:Кылме тылзын 4 кечынже колышо-влак

2005 — Олег Владимирович Чубарев, руш серызе, лесовод, Кугу Ачамланде сарын участникше.
2014 — Геннадий Пирогов (Макартук Геня), марий серызе, поэт, журналист, Россий серызе-влак ушемын йыжыҥъеҥже (1998).

Калык пале

Йӱр толеш гын, вашке теле толмым вучыман.
Казанский юмонан кечыже. Ожно ты кечын сӱаным ышташ тыршеныт, вет юмын пайрем кечын ушнышо мужыр пеҥгыде лиеш манын ӱшаненыт. Кастене пайрем ӱстелым погеныт: ушмен да кешыр дене пурам шолтеныт.