2 кылме

←
→
Кылме
← →Кылме
	2026 ий

2 кылме (2 ноябрь) — григориан кечышот почеш идалыкын 306-шо (кужемдыме ийлаште — 307-ше) кечыже. Идалык пытыме марте 59 кече кодеш.

Йошкар-Олаште ☀️ Кече 7 шагатат 15 минутлан лектеш, 16 шагатат 21 минутлан шинчеш. Кечын кужытшо 🕒 9 шагатат 6 минут.
🌗 Пытартыш чырык (21.78 тылзе кече).

Пайрем да шарныктарыше кече-влак

Санкт-Петербургым шотлымо тӱнямбал кече (руш. День международного признания Санкт-Петербурга).
Кайыклан шӱльӧ печеньым пукшымо кече (руш. День кормления птиц овсяным печеньем).
Вудака шинчан пайремже (руш. Праздник мутных глаз).
Кугу пулашкамунын кечыже (руш. День гигантского омлета).

Лӱмгече

Артем, Илларион, Герман, Герасим, Маргарита.

Эртынчык-влак

Тугак ончо: Категорий:Кылме тылзын 2 кечысе событий-влак

1721 — Россий империйын статусшым налын.
1894 — Россий Империйын пытартыш кугыжаже Николай Кокымшо вуйлатыме пашам шке умбакше налын.
1938 — Историйыште икыше гана Совет Ушем Герой чап лумым удырамаш-влаклан пуымо.

Шочыныт

Тугак ончо: Категорий:Кылме тылзын 2 кечынже шочшо-влак

1912 — Михаил Калашников (Кожер Микал), марий серызе, поэт, журналист, кусарыше, МарНИИ-н директоржо (1946 — 1951), СССР серызе-влак ушемын йыжъеҥже (1953), Кугу Ачамланде сарын участникше.
1918 — Михаил Петрович Краснов, совет флейтист, РСФСР-ын сулло артистше (1972).
1919 — Мария Васильевна Лежнина, Россий Федерацийын сулло туныктышыжо. Оршанке кундемысе Воробьи ял гыч. 1949-ше ий гыч ойырен налме пашаже дене Советский кундемысе Вятский школышто биологийым да химийым туныкташ тӱҥалын. Мария Васильевна школ пелен икымше янда теплицым ыштыше организатор-влак кокла гыч иктыже. Суапле пашажлан Йошкар Знамя паша орден дене палемдалтын.
1934 — Орлиана Борисовна Горбань, Россий Федерацийын сулло эмлызыже. Пошкырт кундем гыч. Профессийлан келышыше шинчымашым Пошкырт кундемысе медицине институтышто налын. Паша корныжо 1963-шо ийыште Марий кундемышке конден: Оршанке рӱдӧ эмлымверыште тыршаш тӱҥалын. А 1983-шо ий гыч сарыште лийше ветеран-влакын госпитальыште тӱҥ врачын алмаштышыже лийын.
1938 — Михаил Николаевич Сухов, партий да чодыра озанлык пашаеҥ. Юрино посёлкышто шочын. Шинчымашым Юл кундемысе чодыра озанлык специалистым ямдылыше институтышто налын. Юрино кундемыште шуктышо комитетын вуйлатышыже лийын. 1981-1987 ийлаште топливе йӧндартыш паша дене йодышым рашемдыше министр сомылым шуктен. 1988-ше ий гыч «МарийскЛесТопПромын» тӱҥ директоржо. Тыршен пашам ыштымыжлан ятыр чап танык дене палемдалтын. Марий Эл чодыра озанлыкын сулло пашаеҥже.
1940 — Людмила Михайловна Фадеева, совет да россий дирижёр-хормейстер, туныктышо. А. И. Искандаров лӱмеш Марий кугыжаныш капеллын хормейстерже (1997 ий гыч), Марий кугыжаныш университетын доцентше (2001 ий гыч). Россий Федерацийысе тӱвыран сулло пашаеҥже (2007).
1941 — Станислав Валерианович Иванов, чодыра озанлык йӧндартыш пашаеҥ, Марий Элын сулло изобретательже. Юл кундемысе чодыра озанлык институтым тунем лекмек, Моско оласе институтыш аспирантурышко тунемаш пурен. Шинчымашым пойдарымек, Йошкар-Олашке толын да Марий кугыжаныш политехник университетыште пашам ышташ тӱҥалын. Станислав Валерианович — 22 изобретенийын авторжо.
1955 — Суфия Ханяфиевна Ушакова, фармацевт, тазалык аралтышын сулло пашаеҥже. Пенза велыште шочын-кушкын, Марий Элыште чапланен. Марий кундемышке толмек, Оршанкыште рецептатор-контролер, аптеке вуйлатыше лийын. Тыгодымак шинчымашым заочнын Перьм оласе институтышто да Марий кугыжаныш университетыште келгемден. Суфия Ханяфиевна «Ӱдырамаш-амалкалче» конкурсын сеҥышыже.
1978 — Роман Владимирович Золотухин, «Опора России» ОООМСП-ын Марий кундемысе пӧлкан председательже. «Быть Добру!» поро кумылым ончыктышо фондын вуйлатышыже.

Коленыт

Тугак ончо: Категорий:Кылме тылзын 2 кечынже колышо-влак

1917 — Износков Илиодор Александрович, российысе калыкым туныктымо шотышто пашаеҥ, краевед, статысе чынле ойпуышо.
1961 — Николай Васильевич Никольский, россий, совет этнограф да историк, историй шанче доктор (1947), Озаҥ университетын, Эрвел педагогике институтын, Марий педагогике институтын профессоржо.

Калык пале

Чаҥа-шамыч чот кычкырат — сай игече лийшаш.
Касвел мардеж кужу жаплан йӱр ден лумым конда.
Артемийын кечыже. Ты кечын шочшо-влакын аралыше суксышт — чодырасе ава пире манын ӱшаненыт. Тудын янлык да вольык дене койдымо кыл уло, маныныт. Ты кечын пире урмыжеш гын — шушаш теле йӱштӧ лиеш!