8 кылме

← → Кылме
Шч Кш Вр Из Кг Шм Рш             1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2026 ий

8 кылме (8 ноябрь) — григориан кечышот почеш идалыкын 312-шо (кужемдыме ийлаште — 313-шо) кечыже. Идалык пытыме марте 53 кече кодеш.

Йошкар-Олаште ☀️ Кече 7 шагатат 28 минутлан лектеш, 16 шагатат 8 минутлан шинчеш. Кечын кужытшо 🕒 8 шагатат 40 минут.
🌘 Шоҥго тылзе (27.78 тылзе кече).

Пайрем да шарныктарыше кече-влак

• — КВН-ын тӱнямбал кечыже (руш. Международный день КВН).
• — Олам чоҥымын тӱнямбал кечыже (Урбанизмын тӱнямбал кечыже) (руш. Всемирный день градостроительства).
• — Радиологийын тӱнямбал кечыже (руш. Международный день радиологии).
•  Россий — Сибирьын кечыже (руш. День Сибири).
• Метрий кече (руш. Дмитриев день).
• Пианистын тӱнямбал кечыже (руш. Международный День Пианиста).
• «Wi-Fi деч посна» тӱнямбал кече (руш. Всемирный день без Wi-Fi).
• Кумыл шукталтме кече (руш. День исполнения желаний).
• Теле икымше шӱлышыжӧ коймо кече (руш. День первых признаков зимы).
• Капучинон кечыже (руш. День капучино).

Лӱмгече

• Дмитрий, Василий, Марк.

Эртынчык-влак

Тугак ончо: Категорий:Кылме тылзын 8 кечысе событий-влак

• 1793 — Парижысе Лувр тоштер семын посетитель-влаклан почыныт.
• 1895 — немыч шымлызе Вильгель Рентген «рентген толкыным» почын. Тудын открытийже деч вара рентгеным ышташ тÿҥалыныт.
• 1975 — «Сторожевой» лÿман корабльыште капитан Валерий Саблин восстанийым нöлталын: тудо кугыжаныш партий аппаратым вашталташ йодын. Тидлан тудым вара лÿен пуштыныт.

Марий тӱняште

• 1861 — Юлсер кундем Шарача селасе черкым да школым чоҥеныт.
• 1984 — изи планете-влакым шымлыше рӱдер ик планетылан «Йошкар-Ола» лӱмым пуэн.

Шочыныт

Тугак ончо: Категорий:Кылме тылзын 8 кечынже шочшо-влак

• 1918 — Михаил Гаврилович Багаев, совет ялозанлык пашаеҥ, Кугу Ачамланде сарын талешкыже. Кугу Ачамланде сар жапыште — Моско сарзе йырвелын 19-ше танк корпусын 26-шо мотолӱйкалыше бригадын миномёт батальонын 2-шо миномёт ротын командирже, кугурак лейтенант (1940—1944), кум гана Ачамланде сар орденын да кок гана Йошкар Шӱдыр орденын кавалерже. Марий ялозанлык опыт станцийын кугурак шанчыеҥже (1961—1980). Марий АССР-ын сулло агрономжо (1980). 1944 ий гыч ВКП(б)-ын йыжыҥъеҥже.
• 1923 — Вениамин Иванов, марий серызе, почеламутчо, драматург, кусарыше, СССР Серызе-влак ушемын йыжъеҥже (1964).
• 1950 — Сергей Васильевич Свинин, партий да озанлык пашаеҥ. Кӱшыл шичымашым Марий кугыжаныш университетыште налын. 1983-шо ийыште обкомын ял озанлык пӧлка инструкторлан пашам ышташ тӱҥалын, вара агрокомбинатыштат шуаралтын. А 1991—1995-ше ийлаште ялозанлык министерствын тӱҥ агрономжо сомылым шуктен шоген. 4 ий Россий Федераций кугыжаныш думын депутатше лийын.
• 1956 — Сергей Валентинович Казанцев, инженер. Йошкар-Олаште шочын. Паша корныжо Марий политехник институт дене кылдалтын: 9 ий ты вузысо чоҥымаш материал кафедрын ассистентшылан тыршен. Чоҥымо пашашке негызын рационал конструкцийым пуртымыжлан кугыжаныш премий дене палемдалтын. Технике шанче кандидат.
• 1972 — Иван Владиславович Айплатов, белорусийысе вургем дизайнер да модельер. Ivan Aiplatov брендлан негызым пыштыше.

Коленыт

Тугак ончо: Категорий:Кылме тылзын 8 кечынже колышо-влак

Калык пале

• Игече шокшо гын, йӱштӧ телым вучыман.
• Йӱштӧ да луман лиеш гын, шошо йӱштӧ лийшаш да вараш кодын толшаш, а игече леве лиеш гын – теле да шошо шокшо лийшаш.
• Дмитрийын кечыже. Тиде кечынат тошто еҥым уштеныт, а илыше-влаклан тазалыкым йодыныт. Кастене икте-весым свежа пура дене сийленыт.

Палемдымаш