13 кылме

←
→
Кылме
← →Кылме
	2026 ий

13 кылме (13 ноябрь) — григориан кечышот почеш идалыкын 317-ше (кужемдыме ийлаште — 318-ше) кечыже. Идалык пытыме марте 48 кече кодеш.

Йошкар-Олаште ☀️ Кече 7 шагатат 38 минутлан лектеш, 15 шагатат 58 минутлан шинчеш. Кечын кужытшо 🕒 8 шагатат 19 минут.
🌒 Кушшо тылзе (3.24 тылзе кече).

Пайрем да шарныктарыше кече-влак

— Порылыкын тӱнямбал кечыже (руш. Всемирный день доброты).
Сокыр-влакын тӱнямбал кечыже (руш. Международный день слепых).
Сосискын шочмо кечыже (руш. День рождения сосиски).
— Сайлыкын тӱнямбал кечыже (руш. Всемирный день качества) — кылме тылзын 2-шо изарнян палемдалтеш.
Юзабилитин тӱнямбал кечыже (руш. Всемирный день юзабилити) — кылме тылзын 2-шо изарнян палемдалтеш.
Чывын тӱнямбал кечыже (руш. Всемирный день курицы) кылме тылзын 2-шо изарнян палемдалтеш.

Лӱмгече

Йыван, Никодим, Всеволод, Герман, Кузьма, Роман, Степан, Артемий, Николай, Станислав.

Эртынчык-влак

Тугак ончо: Категорий:Кылме тылзын 13 кечысе событий-влак

1758 — Сеченов лÿмеш икымше медицин институтым почмо.
1872 — Лев Николаевич Толстойын чумырымо «Азбука» книгаже ош тÿням ужын.
1921 — Евгений Вахтангов лÿмеш кугыжаныш театрым почмо.

Шочыныт

Тугак ончо: Категорий:Кылме тылзын 13 кечынже шочшо-влак

1913 — Клавдия Петровна Эдемская, совет, политик да мер пашаеҥ. Марий АССР-ын сулло врачше.
1931 — Римма Арсентьевна Руссина, Марий республикын калык артисткыже. Оршанке кундем Тошто крешын ялыште кресаньык ешеш шочын. 1945-ше ийыште шымияш школым тунемын пытарымеке, фельдер-акушер школышко тунемаш пурен. Окса чӱдылыклан кӧра, тунеммашым кодаш логалын. 1949-ше ий гыч 1954-ше ийыште Ленинградыште Островский лӱмеш театр институтысо марий студийыште тунемын. Шинчымашым погымеке, Шкетан лӱмеш кугыжаныш театрышке пашам ышташ толын. Икымше рольжо «Тумер ялын мурыжо» комедийыште Люба лийын. А «Корнывожышто» спектальыште Павлинам модмыж годым, режиссёр-влак тудым талантан актриса семын акленыт. «Мӱкш отарыште» Клавийын рольжым моткоч устан модын. 35 ий тыршыме жапыште 100 утла рольым чоҥен: кӧргӧ виян ӱдырамашымат, начар койышанымат, лӱдшымат, мыскарачымат.
1950 — Сергей Станиславович Костров, кугыжаныш пашаеҥ. Йошкар-Олаште шочын. Ончычсо паша корныжо тӱрлӧ ушем дене кылдалтын. 1995—1998-ше ийлаште Марий Эл виктер вуйлатышын службыштыжо пашам ыштен. А 2001-ше ий гыч Марий Эл виктер вуйлатышын икымше алмаштышыжын службыштыжо тыршаш тӱҥалын.
1964 — Павел Вадимович Дёмин, россий кугыжаныш пашаеҥ. 2025 ий 5 март гыч — «Волжск ола» ола округ администрацийым вуйлатыше.
1971 — Сергей Геннадьевич Игнатьев, спортсмен. Волжск олаште шочын-кушкын. 14 ияш годымжак тудо дзюдо деке кумылаҥын. Юниор-влак кокласе таҥасымаште Совет Ушем чемпион лӱмым сулен. Россий чемпионатын той призёржо. Сумо дене Российын икымше чемпионжо. Спорт мастер.

Коленыт

Тугак ончо: Категорий:Кылме тылзын 13 кечынже колышо-влак

Калык пале

Пӧрткайыкын йӱкшӧ ок шокто гын, йӱкшемда.
Пӧрткайык-влак чогыматат – шокшылан, йӱкыштат ок шокто гын, вашке йӱштӧ толшаш.
Спиридон да Никодим-влакын пайремышт. Тиде кечын чывым руалыныт: тÿрлö кочкышым ямдыленыт. Сонарзе-влак гын ешыштым мераҥ шыл дене сийленыт.