18 кылме

←
→
Кылме
← →Кылме
	2026 ий

18 кылме (18 ноябрь) — григориан кечышот почеш идалыкын 322-шо (кужемдыме ийлаште — 323-шо) кечыже. Идалык пытыме марте 43 кече кодеш.

Йошкар-Олаште ☀️ Кече 7 шагатат 48 минутлан лектеш, 15 шагатат 48 минутлан шинчеш. Кечын кужытшо 🕒 8 шагатат 0 минут.
🌓 Икымше чырык (8.24 тылзе кече).

Пайрем да шарныктарыше кече-влак

Йӱштӧ Кугызан шочмо кечыже (руш. День рождения Деда Мороза).
Микки Маусын шочмо кечыже (руш. День рождения Микки Мауса).
Принцессын кечыже (руш. День принцесс).
Секретым шонен лукмо кече (руш. День придумывания секретов).

Лӱмгече

Галактион, Григорий, Иона, Анелия, Роман.

Эртынчык-влак

Тугак ончо: Категорий:Кылме тылзын 18 кечысе событий-влак

1775 — Российым 50 губернийлан шеледеныт.
1842 — Санкт-Петербург олаште икымше кÿварым чоҥымо нерген кÿштыкым луктыныт.
1917 — Моско да российын митрополитшылан Тихон шогалын.
1971 — «Intel» компаний икымше микропроцессорым луктын.

Марий тӱняште

1991 ий — Марий самырык театрыште икымше спектакльым модын ончыктеныт. Сергей Николаевын «Айвика» драмыже почеш спектакль лийын.

Шочыныт

Тугак ончо: Категорий:Кылме тылзын 18 кечынже шочшо-влак

1975 — Сергей Михайлович Малинин, семлызе, Олык Ипай лӱмеш кугыжаныш премийын лауреатше. Палантай лӱмеш сем училищыште тунемын. Вара уш – акылжым Озаҥ оласе консерваторийыште пойдарен. Тыгак Парижыште кӱшыл школышто тунемын. 1999-ше ий гыч Озаҥ оласе кугыжаныш консерваторийын аспирантше. Чолга марий рвезе шке мастарлыкшым Йошкар–Олаште, Озаҥыште, Парижыште гына огыл, Италийыште, Москошто, Ижевскыште, Чебоксарыште да моло олалаште ончыктен. Пианист-влак конкурсын лауреатше.
1937 — Евгений Фёдорович Петрусевич, машина чоҥышо специалист, Россий Федерацийын сулло машина чоҥышыжо. Моско олаште шочын. Сар тӱҥалме годым Йошкар-олашке эвакуироватлалтыныт. Шинчымашым Евгений Фёдорович рӱдолаштынак поген да ятыр ий машина чоҥышо заводышто инженерлан, лабораторий вуйлатышылан ыштен. Тале рационализаторым 1985-ше ийыште «Знак Почёта» орден дене палемденыт.
1922 — Михаил Алексеевич Дружинин, Кугу Ачаэл Сарын талешкыже. Курыкмарий кундемыште шочын. Касвел фронтышто сапёр-влак взводын командирже лийын. Лӱддымылыкым, патырлыкым ончыктымыжлын кок «Йошкар Шӱдыр» орден дене палемдалтын. Армий гыч пӧртылмекше шочмо олаштыже инженерлан ыштен.
1985 — Василий Якимов, мурызо, гармоньчо.

Коленыт

Тугак ончо: Категорий:Кылме тылзын 18 кечынже колышо-влак

2013 — Полина Васильевна Кулишова — совет да россий эмлызе. СССР-ын калык эмлызыже (1980).

Калык пале

Тылзе вудакан коеш — кужу лавыртышлан.
Пыл ӱлыкӧ вола — игече пужла.
Ионын кечыже. Самырык ÿдыръеҥ-влаклан Юмо деч сай пöръеҥым вашлияш йодыныт. Тыгай йÿлам шуктеныт: эрден эрак тÿвак лектын, пöрт йыр тыгыде оксам кышкеныт.