29 кылме

←
→
Кылме
← →Кылме
	2026 ий

29 кылме (29 ноябрь) — григориан кечышот почеш, ийын 333-шо кече (кужемдыме ийлаште — 334-ше). Идалык пытыме марте 32 кече кодеш.

Йошкар-Олаште ☀️ Кече 8 шагатат 6 минутлан лектеш, 15 шагатат 30 минутлан шинчеш. Кечын кужытшо 🕒 7 шагатат 23 минут.
🌖 Катыкем толшо тылзе (19.24 тылзе кече).

Пайрем да шарныктарыше кече-влак

ООН — Палестин калык дене пырля улмо тӱнямбал кече (руш. Международный день солидарности с палестинским народом).
Матвеев день (руш. Матвеев день).
Пӱсӧ шижмашым йӧратышын кечыже (руш. День любителя острых ощущений).
Угу маншын пайремже (руш. Праздник угукальщиков).
Ё букван кечыже (руш. День буквы Ё).
Татарстанысе бухгалтерын кечыже (руш. День бухгалтера в Татарстане) — кылме тылзын пытартыш кугарнян палемдалтеш.

Лӱмгече

Васли, Виктор, Метри, Матвей, Вӧдыр, Сергей, Йыван, Макар, Мичу.

Эртынчык-влак

Тугак ончо: Категорий:Кылме тылзын 29 кечысе событий-влак

1919 ий Кылме тылзын 29-ше кечынже Майоров-Шкетан лӱмеш кугыжаныш драмтеатрлан негызым пыштыме.

Шочыныт

Тугак ончо: Категорий:Кылме тылзын 29 кечынже шочшо-влак

1920 — Михаил Александрович Зарецких, лётчик, Совет Ушем Герой, Кугу Ачамланде сарын Талешкыже. Сарыште тудо разведчик-штурмовик сомылым шуктен: шуко разведанныйым конден. Шкежат 600 наре тушман салтакым, 50 автомашинам, 5 танкым, 92 вагоным пытарен. Тудлан 1945-ше ийыште Совет Ушем Герой чап лӱмым пуымо. 1957-ше ий гыч Йошкар-Олаште илен. Хасанов урем, 9-ше номеран пӧртын пырдыжыштыже тудлан мемориал онам сакыме. Виче кундем Кильмез районысо Таутпочинга ял гыч.
1951 — Валериан Зиновьевич Кубеков, ялозанык пашаеҥ. Курыкмарий район Ӱл Солаволкӹ ялыште шочын. Паша корныжо шочмо кундемысе Мосолов лӱмеш ялозанлык ушем дене кылдалтын.
1967 — Ирина Шамаевна Александрова, марий шанчызе, туныктышо, педагогике шанче кандидат (2003), доцент.
1973 — Вадим Андреевич Мухаметов, Россий Талешке. Пошкырт кундем Пӱрӧ олаште шочын. 1991—1993-шо ийлаште Таджикистанысе Коклаазий погранокругысо заставыште службым эртен. Лӱддымылыкым, патырлыкым ончыктымыжлан Герой чаплӱмым сулен налын.
1975 — Валерий Вячеславович Иванов, Российын Геройжо. Волжск кундемын патыр эргыже 1994-ше ийыште Чечняште колен: йӱлышӧ машинашке шинчын, тудым йолташыже-влак деч торашкырак нангайынеже улмаш, но машина пудештын. Тыге Валерий шке йолташыже-влакым арален коден. Тудын лӱмжым Волжск оласе 2-шо №-ан школ нумалеш, Олыкъялысе шӱгарлаште тойымо.

Коленыт

Тугак ончо: Категорий:Кылме тылзын 29 кечынже колышо-влак

Калык пале

Ояр игече шога гын, вашке йӱштӧ толеш.
Игече мыняр чот лывырта — теле тунар йӱштӧ лийшаш.