27 кылме

←
→
Кылме
← →Кылме
	2026 ий

27 кылме (27 ноябрь) — григориан кечышот почеш идалыкын 331-ше кече (кужемдыме ийлаште — 332-шо) . Идалык пытыме марте 34 кече кодеш.

Йошкар-Олаште ☀️ Кече 8 шагатат 3 минутлан лектеш, 15 шагатат 33 минутлан шинчеш. Кечын кужытшо 🕒 7 шагатат 29 минут.
🌖 Катыкем толшо тылзе (17.24 тылзе кече).

Пайрем да шарныктарыше кече-влак

Россий — Теҥыз пехотын кечыже (руш. День морской пехоты).
Удмуртий — Одо йылме кече (руш. День удмуртского языка).
Аклышын кечыже (руш. День оценщика).
Кас олан семжым колыштмо кече (руш. День слушания музыки вечернего города).

Лӱмгече

Александр, Алексей, Анна, Аристарх, Василий, Виктор, Гаврила, Григорий, Дмитрий, Михаил, Николай, Пётр, Сергей, Фёдор, Филипп, Иосиф.

Эртынчык-влак

Тугак ончо: Категорий:Кылме тылзын 27 кечысе событий-влак

Шочыныт

Тугак ончо: Категорий:Кылме тылзын 27 кечынже шочшо-влак

1927 — Валентин Дмитриевич Дмитриев, марий серызе, поэт, журналист, кусарыше, СССР серызе-влак ушемын йыжыҥъеҥже (1975).
1938 — Галина Сергеевна Рыбакова, тазалык аралтыш пашаеҥ, Марий республикын сулло эмлызыже. Угарманысе мединститутым тунем лекмек, Йошкар-Оласе 3-шо №-ан поликлиникыште терапевтлан тыршаш тӱҥалын. 5 ий Совет Ушем кӱшыл погынын депутатше лийын. Суапле пашажлан ятыр чап танык дене палемдалтын.
1939 — Михаил Михайлович Котов, Мордва кундемын эргыже, ялозанлык пашаеҥ, Марий республикын сулло шанчыеҥже. Марий кугыжаныш техник университетыште чодыра озанлык факультетын деканже лийын. Ял озанлык шанче кандидат. Академик.
1957 — Светлана Васильевна Гаврилова, тӱвыра пашаеҥ. Шкеже тудо Провой кундем Пӱнчылӱвал ял гыч. Паша корныжо районысо тӱвыра пӧлка дене кылдалтын, тушто тудо мурызо семынат шуаралтеш. Тыгак Светлана Васильевна уста тӱрлызӧ семын палыме. Мер пашаштат кугу пагалымашым сулен.
1962 — Лидия Васильевна Семёнова, Марий Элын сулло журналистше. «Марий коммуна», «Кугарня» газет редакцийыште тыршен. Ятыр ий «Ямде лий» газетын тӱҥ редакторжо лийын. Умбакыже паша корныжым «Марий Эл» газет дене кылден. Лидия Васильевнан лӱмжӧ сылнымут тӱняште сайын палыме. Ятыр чап танык дене палемдалтын.
1963 — Михаил Юрьевич Мосунов, кумдан палыме артист, Марий Эл Республикын Калык артистше. Музык дек 21 ияш улмыж годым шӱмаҥын. 1998-ше ийыште Марий кугыжаныш филармонийын солистше лийын. «Песня России» конкурсышто лауреат лӱм дене палемдалтын да 2002-шо ийыште Москваште эртаралтше «Виктория» салтак-влак муро конкурсышто гран-прим сеҥен налын.
1996 — Жанна Юрьевна Фёдорова, «Марий Эл Радион» вӱдышыжӧ. Олык Ипай лӱмеш кугыжаныш премийын, Вячеслав Абукаев-Эмгак лӱмеш сылнымут премийын лауреатше. Российысе журналист ушемын еҥже.

Коленыт

Тугак ончо: Категорий:Кылме тылзын 27 кечынже колышо-влак

1943 — Ахметсафа Гайсинович Гайсин, Кугу Ачамланде сарын салтакше, 3-шо Украин фронтысо 12 армийын 60-шо гвардий стрелок дивизийын 185-ше гвардий стрелкок полкын взвод командирже, гвардийын изирак лейтенантше. Совет Ушемын Геройжо.
1978 — Александр Александров, марий серызе, поэт, шанчызе, филологий шанче кандидат (1972).
1982 — Пётр Васильевич Шеин, совет администраций-озанлык да партий пашаеҥ. Марий АССР Кӱшыл Каҥашын I созывысе Президиум вуйлатышын алмаштышыже (1938—1947). «Маритранслес» трестын вуйлатышыже, директоржо (1944—1956). ВКП(б)-ын йыжыҥъеҥже.

Калык пале

Пушеҥгыште пӧрш уло гын, йӱкшемда.
Йол йымалне лум кочыртата — йӱкшемдымылан.
Пушеҥгылаште пӧрш – йӱштылан, тӱтыра – лывыртышлан, а йӱдым покшым возеш гын, кечывалым лум лийшаш огыл.