5 кылме

←
→
Кылме
← →Кылме
	2026 ий

5 кылме (5 ноябрь) — григориан кечышот почеш идалыкын 309-ше (кужемдыме ийлаште — 310-шо) кечыже. Идалык пытыме марте 56 кече кодеш.

Йошкар-Олаште ☀️ Кече 7 шагатат 21 минутлан лектеш, 16 шагатат 14 минутлан шинчеш. Кечын кужытшо 🕒 8 шагатат 52 минут.
🌘 Шоҥго тылзе (24.78 тылзе кече).

Пайрем да шарныктарыше кече-влак

Россий — Сарзе разведчикын кечыже (руш. День военного разведчика).
Останкино телебашньын шочмо кечыже (руш. День рождения Останкинской телебашни).
Тошто фотографийым ончымо кече (руш. День рассматривания старых фотографий).

Лӱмгече

Игнатий, Пётр, Николай, Афанасий, Владимир, Яков.

Эртынчык-влак

Тугак ончо: Категорий:Кылме тылзын 5 кечысе событий-влак

1929 — Совет Ушемыште икымше планетарийым почыныт.
1957 — Болгарийысе Пловдив олаште «воин-утарышылан» чапкӱм шогалтыме.
1967 — Останкин телебашньым почыныт.

Марий тӱняште

1973 — Йошкар-Олаште Воин чап мемориал комплексым почмо.
1999 — Йошкар-Олаште калык сымыктыш тоштерым почмо.
1845 — Марий Тӱрек кундемысе Косолоп школым почмо.
1995 — У Роҥго кундемысе Иванов лӱмеш краевед тоштерым почмо.

Шочыныт

Тугак ончо: Категорий:Кылме тылзын 5 кечынже шочшо-влак

1922 — Яков Ионович Красильников, совет сарзыеҥ, партий да администраций пашаеҥ. Кугу Ачамланде да совет-япон сар жапыште — 3-шо Белорус фронтышто 39 армийын 94 стрелок-влак корпусшын 358 стрелок дивизийжын 1189 стрелок полкын миномёт ротын командирже, старший лейтенант. Кок гана Ачамланде сар орденын да Йошкар Шӱдыр орденын кавалерже. Маркниторгын директоржо (1982—1984). ВКП(б)-ын йыжыҥъеҥже.
1927 — Надежда Алексеевна Пасякина, тазалык аралтыш пашаеҥ, Марий Эл Республикын сулло эмлызыже. Юрино кундемыште шочын. Паша корныжо Юринысе, Кужэҥерысе, Моркысо эмлыме верла дене кылдалтын. 1960-шо ий гыч Йошкар-Оласе эмлыме верыште пашам ышташ тӱҥалын. 16 ий сар ветеран-влакын эмлыме верыште тӱҥ эмлызын алмаштышыже лийын. Суапле пашажлан Йошкар Знамя Паша орден дене палемдалтын.
1936 — Леонид Логинович Яндаков (Леонид Яндак), серызе, журналист, кусарыше, туныктышо, комсомол пашаеҥ, радиожурналист, газет редакций пашаеҥ, Марий Элын сулло журналистше. Леонид Логиновичын перожо йымач ятыр пьесе шочын: «Пеледыш пайрем», «Тулык ава», «Пусаксолаште томаша», «Пелчан кугыжа», «Йӧратымаш? Йӧратымаш! Йӧратымаш…». Тыгак тудо мыланна «Чоткар», «Мамич Бердей», «Онар» роман-влакын авторжо семын палыме. Кусарыме пашажым ончалаш гын, ик эн тӱҥ пашажлан «У сугыньым» шотлаш лиеш.

Коленыт

Тугак ончо: Категорий:Кылме тылзын 5 кечынже колышо-влак

1995 — Николай Васильевич Дубровин, совет да российысе отоларинголог-эмлызе. Марий АССР Республикысе эмлымверын отоларингологий пӧлкажым вуйлатыше (1961―1988), Марий АССР тазалыкаралтыш министерствын тӱҥ отоларинголог-эмлызыже (1962―1988). РСФСР-ын сулло эмлызыже (1970). Марий АССР-ын сулло эмлызыже (1960).

Калык пале

Йӱр лиеш — вес ийын шурно лектышан лиеш.
Вочшо лум ок шуло гын, лектышан ийлан да сай теле игечылан.
Уда игечыште кече шичме годым пыл чевер тӱс дене чиялга гын, игече умбакыжат уда лийшаш.
Яковын кечыже. Тиде кечын ожно мӱйым кочкыныт. Тыгак оҥай модышым эртареныт: пырля погынымо годым мӱкш семын ызгеныт. Тидын дене вес ийын мӱй лектыш сай лиеш манын ӱшаненыт.