1 пеледыш

← → Пеледыш
Шч Кш Вр Из Кг Шм Рш 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2026 ий

1 пеледыш (1 июнь) — григориан кечышот почеш идалыкын 152-шо (кужемдыме ийлаште — 153) кечыже. Идалык пытыме марте 213 кече кодеш.

Йошкар-Олаште ☀️ Кече 3 шагатат 8 минутлан лектеш, 20 шагатат 28 минутлан шинчеш. Кечын кужытшо 🕒 17 шагатат 20 минут.
🌕 Тичмаш тылзе (15.43 тылзе кече).

Пайрем да шарныктарыше кече-влак

•  ООН — Ача-ава-влакын тӱнямбал кечышт (руш. Всемирный день родителей).
• — Йочам аралыме тӱнямбал кече (руш. Международный день защиты детей).
• — Шӧрын тӱнямбал кечыже (руш. Всемирный день молока).
•  Россий — Йӱдвел флотын кечыже (руш. День Северного флота).

Лӱмгече

• Православий лӱм-влак: Анастасия, Андрей, Александр, Антон, Василий, Виктор, Григорий, Ипполит, Корней, Максим, Матвей, Митрофан, Михаил, Николай, Онуфрий, Павел, Дмитрий, Иван, Сергей, Игнатий.

Событий-влак

Тугак ончо: Категорий:Пеледыш тылзын 1 кечысе событий-влак

• 1933 ий — шке жапыштыже кумдан чапланыше Челябинскысе трактор заводым почмо.
• 1980 ий — «CNN» кабель телевидений пашам ышташ тӱҥалын. Тӱнямбал телевиденийын эн кугу проектше.

Шочыныт

Тугак ончо: Категорий:Пеледыш тылзын 1 кечынже шочшо-влак

• 1907 — Никандр Лекайн, марий серызе, журналист, СССР Серызе-влак ушемын йыжъеҥже (1960), Марий АССР-ын Калык серызыже (1957), 1941–1945 ийласе Кугу Ачамланде сарын участникше.
• 1946 — Юрий Михайлович Гущин, Россий Федерацийысе ялозанлыкын сулло пашаеҥже. Паша корныжо марий республикысе ял озанлык министерствыште тӱҥалын, умбакыже шуаралтын да Медведево район «Пригородный» ушемын вуйлатышыже марте шуын. Ялозанлыкым вияҥдымаште кугу пашам вӱден шогымыжлан Марий Элысе кугыжаныш премий дене палемдалтын.
• 1947 — Роза Викторовна Рябцева, тӱвыра пашаеҥ, Марий Эл Республикын сулло артисткыже. Морко кундем Семисолан чолга ӱдыржӧ ончыч «Марий Эл» ансамбльыште шуаралтын. Кугыжаныш филармонийыштат 10 ий тыршен, а 1975-1997-ше ийлаште марий телевиденийын дикторжо лийын.
• 1936 — Николай Михайлович Комаров, туныктыш пашаеҥ. Морко кундемыште шочын. Себеусад кыдалаш школышто физкультур туныктышылан 25 ий кыртмен ыштен. Туныктышо-влаклан «Модыш задаче-влак» пособийым чумырен.
• ???? — Светлана Мартьяновна Белкова, журналист. Шернур кундем Кукнур ялын шочшыжо. Ятыр жап «Марий Эл» газет редакцийыште ыштен.

Коленыт

Тугак ончо: Категорий:Пеледыш тылзын 1 кечынже колышо-влак

• 1956 — Иван Иосифович Долганов, Кугу Ачамланде сарын салтакше, Совет Ушемын Талешкыже (1945).
• 2004 — Валентин Петрович Андреев, совет партий да кугыжаныш пашаеҥ. Марий АССР Кӱшыл Каҥаш Вуйверын V созывысе йыжъеҥже, Марий АССР Министр-влак Каҥаш председательын алмаштышыже (1946—1954), КПСС Йошкар-Ола горкомын 1-ше секретарьже (1955—1962), КПСС Марий обкомын секретарьже (1954, 1962—1979). КПСС-ын XXII погынжын делегатше (1961). ВКП(б) йыжъеҥ.
• 2012 — Герман Вячеславович Желтов, совет да российысе йӧнозанлык да партий пашаеҥ. Марий АССР-ын Йошкар-Оласе «Искож» заводын тӱҥ инженерже, директоржо (1963—1981, 1994—2010). Россий Федерацийысе текстиль да куштылго йӧнозанлыкын сулло пашаеҥже (2003). Марий Эл Республикысе кугыжаныш премийын лауреатше (1999). КПСС йыжыҥъеҥ.

Калык пале

• Йӱр толмо деч ончыч пеледыш пуш чот шарлышаш.

Палемдымаш