15 пеледыш

← → Пеледыш
Шч Кш Вр Из Кг Шм Рш 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2026 ий

15 пеледыш (15 июнь) — григориан кечышот почеш идалыкын 166-шо (кужемдыме ийлаште — 167-ше) кечыже. Идалык пытыме марте 199 кече кодеш.

Йошкар-Олаште ☀️ Кече 2 шагатат 56 минутлан лектеш, 20 шагатат 40 минутлан шинчеш. Кечын кужытшо 🕒 17 шагатат 44 минут.
🌘 Шоҥго тылзе (29.43 тылзе кече).

Пайрем да шарныктарыше кече-влак

•  ООН — Мардежын тӱнямбал кечыже (руш. Всемирный день ветра) (2007).
•  Россий — Медицине пашаеҥын кечыже (руш. День медицинского работника) — пеледыш тылзын 3-шо рушарнян палемдалтеш.
• Пӧръеҥ ситыдымашын кечыже (руш. Праздник мужских недостатков).
• У шӱдыръешым шонен лукмо кече (руш. День придумывания новых созвездий).
• Ачан тӱнямбал кечыже (руш. Международный день отца) — пеледыш тылзын 3-шо рушарнян палемдалтеш.
• Мартинин кечыже (руш. День мартини).
• Чыла шнуй-влакын кечышт (руш. Собор всех святых) — Тройчын деч вара шушаш рушарнян палемдалтеш.

Лӱмгече

• Католик лӱм-влак: Софья, Иоанн, Исидор.
• Православий лӱм-влак: Дмитрий, Иван, Константин, Мария, Никифор, Иулиания, Даниил.

Событий-влак

Тугак ончо: Категорий:Пеледыш тылзын 15 кечысе событий-влак

• 1667 ий — Жан-Батист Дени историйыште икымше гана ик айдемын вӱржым вес айдемын вӱргорнышкыжо колтен.
• 1885 ий — Российыште ӱдырамашлан да йоча-влаклан йӱдым пашам ышташ чарыше закон лектын.

Шочыныт

Тугак ончо: Категорий:Пеледыш тылзын 15 кечынже шочшо-влак

• 1912 ий — Ахмет Асаев, марий серызе, шанчызе, журналист, кусарыше, драматург, СССР Серызе-влак ушемын йыжъеҥже, Марий АССР-ысе тӱвыран сулло пашаеҥже.
• 1928 ий — Владимир Брониславович Муравьёв, кусарыше да серызе, Марий Эл Республикысе тӱвыран сулло пашаеҥже. Моско олаште шочын. Шкеже руш гынат, марий йылмым тунемын да ятыр марий писательын произведенийыштым руш йылмыш кусарен: кокла шот дене ончалаш гын, 50 наре книга погына. Но ик эн суапле пашажлан архив фондышто С.Г. Чавайнын «Элнет» романжын кокымшо книган рукописьшым муымыжым шотлена. Тиде рукопись йомын улмаш.
• 1940 ий — Самят Сабирович Рахмаев, ялозанлык да администраций вуйлатыше, Россий Федерацийысе ялозанлыкын сулло пашаеҥже. 1968-ше ийыште У Роҥго кундемын тӱҥ ветврачшылан тыршаш тӱҥалын, вара Курыкмарий кундемышкат логалын. 7 ий «Марийское» озанлык ушемым вуйлатен. Марий Элын ялозанлык министрже лийын. Ветеринарий шанче кандидат.
• 1942 ий — Анатолий Ефимович Липов, фотомастер. Килемар кундемыште шочын. Студент улмыж годымак фотографирований паша дек шӱмаҥын. Лач тиде пашаж ден кугу чапым сулен: фотографий–влакше келге шонымашан да айдеме чон шижмашым кумдан почын пуышо улыт. Совет Союз кӱкшытыштӧ эртаралтше ончерлаште ятыр гана лауреат лӱмым налын. Тиде пашажлан ятыр чап танык дене палемдалтын.
• 1948 ий — Людмила Ивановна Хотынская, кочкыш индустрий специалист, Россий Федерацийысе торгайымашын сулло пашаеҥже. Саранскысе кооператив техникумым тунем лекмек, Советский посёлкысо райпошто пашам ыштен, вуйлатыше мартеат шуын.
• 1949 ий — Александр Яковлевич Соснов, семлызе, Россий Федерацийысе тӱвыран сулло пашаенже. Курыкмарий кундем Шапкилей ялыште шочын. Паша корныжо тӱҥ шотышто шочмо кундемысе Виловатово школ дене кылдалтын. Уста туныктышо куштышо да мурышо ансамбльымат чумырен. Александр Яковлевич семлызе семынат чапланен: 2 муро сборникын авторжо.
• 1977 ий — Дмитрий Владимирович Иванов, российысе шанчызе-математик, локаций да телекоммуникаций системе-влак аланыште специалист, 2016 ий гыч РАН-ын йыжыҥъеҥ-корреспондентше. Юл кундемысе кугыжаныш технологий университетын проректоржо.

Коленыт

Тугак ончо: Категорий:Пеледыш тылзын 15 кечынже колышо-влак

Калык пале

• Никифорын кечыже. Ты кече гыч пареҥгым ураш тӱҥалыт..
• Кастене кече пылыш шинчеш гын, игече вашталтеш.

Палемдымаш