17 пеледыш
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
17 пеледыш (17 июнь) — григориан кечышот почеш идалыкын 168-ше (кужемдыме ийлаште — 169) кечыже. Идалык пытыме марте 197 кече кодеш.
Йошкар-Олаште ☀️ Кече 2 шагатат 55 минутлан лектеш, 20 шагатат 41 минутлан шинчеш. Кечын кужытшо 🕒 17 шагатат 45 минут.
🌑 У тылзе (1.90 тылзе кече).
Пайрем да шарныктарыше кече-влак
ООН — Пустыньыш савырнымаш да кукшо игече ваштареш кучедалме тӱнямбал кече (руш. Всемирный день борьбы с опустыниванием и засухой) (1995).- Пакча-саскам кочмо кече (руш. День поедания овощей).
- Олма штрудельын кечыже (руш. День яблочного штруделя).
- Крокодилын тӱнямбал кечыже (руш. Всемирный день крокодила).
Лӱмгече
- Католик лӱм-влак: Лаура, Адольф.
- Православий лӱм-влак: Александр, Афанасий, Валерий, Елеазар, Зосима, Кирилл, Леонтий, Мария, Марк, Марфа, Мефодий, Митрофан, Николай, Северин, Силан.
Событий-влак
Тугак ончо: Категорий:Пеледыш тылзын 17 кечысе событий-влак
- 1967 — Китайыште водород бомбым ыштен луктыныт.
- 1982 — "Ка-50" сарзе вертолёт южыш икымше гана нӧлталтын. Вес семынже тудым «Чёрная акула» маныт.
Шочыныт
Тугак ончо: Категорий:Пеледыш тылзын 17 кечынже шочшо-влак
- 1920 — Леонид Васильевич Решетников, журналист да серызе, Кугу Отечественный сарын ветеранже, Виче вел Вӱрзым (Уржум) олан почетан гражданинже, РСФСР Кугыжаныш премийын лауреатше (1920—1990). Марий Тӱрек кундем Нольдур ял гыч. «Сибирские огни» журнал редакцийыште ыштен. СССР писатель ушемын еҥже.
- 1929 — Виктор Соломонович Яворский, совет да российысе шанчыеҥ-аграрий, селекционер, генетик. Ялозанлык шанче доктор, профессор. Марий кугыжаныш университетын генетике, янлык-влакым тӱлыктымаш да уэш шочыктымаш кафедрым вуйлатыше (1989—2005).
- 1957 — Евгений Валерьянович Суслов, журналист, политолог да туныктыш пашаеҥ. Морко кылдалаш школым тунем пытарен. Умбакыжым уш-акылжым Пушкино радиоэлектронике кӱшыл училищыште пойдарен. Паша корныжо 1974-ше ийыште Моркысо «Контакт» заводышто тӱҥалын. 1983-шо ий гыч Евгений Валерьянович Урал армийын «На страже» газетын корреспондентше, тӱҥ редакторын алмаштышыже лийын. Умбакыже паша корныжо банкыште шуйнен. 1998—2001 ийлаште Марий Эл Республикысе печать да увер комитетын вуйлатышыже сомылым шуктен. Кызыт Евгений Валерьянович Марий кугыжаныш университетын туныктышыжо. Политике шанче кандидат.
Коленыт
Тугак ончо: Категорий:Пеледыш тылзын 17 кечынже колышо-влак
Калык пале
- Православийыште Митрофанын кечыже. Тиде кечын мландым кеч изиш да ӱяҥдаш кӱлеш маныныт. Южо кундемлаште шемшыдаҥым ӱдаш лектыныт. Тидлан ончыч кугымӧрым эскеренет: кугымӧр кӱаш тӱҥалын гын – шемшыдаҥ ӱдаш лекман веле.
- Йӱр лиеш гын, тыгай игече кок-кум кече шогышаш.