4 пеледыш

4 пеледыш (4 июнь) — григориан кечышот почеш идалыкын 155-ше (кужемдыме ийлаште — 156-шо) кечыже. Идалык пытыме марте 210 кече кодеш.

Пайрем да шарныктарыше кече-влак

•  ООН — Титакдыме йочаже-влакын — агрессорын жертвыштын — тӱнямбал кечышт (руш. Международный день невинных детей — жертв агрессии). Тиде кече 1982-шо ийыште Бейрут олам бомбардироватлыме туткарым шарныме лӱмеш палемдалтеш.
• Василиск (калык пайрем) (руш. Василиск (народный праздник)).
• Ингушетий Республикын кечыже (руш. День Республики Ингушетия).
• Сырын кечыже (руш. День сыра).
• Пырыс дене ӧндалалтме кече (руш. День объятий с кошками).
• Шоҥго ӱдыр-влакын кечышт (руш. День старых дев).
• Крокодил журналын шочмо кечыже (руш. День рождения журнала Крокодил).
• Пырыс юмым куандарыме кече (руш. День порадования кошачьих богов).

Лӱмгече

• Православий лӱм-влак: Василиск, Владимир, Данила, Иван, Макар, Михаил, Павел, София, Любовь.

Событий-влак

Тугак ончо: Категорий:Пеледыш тылзын 4 кечысе событий-влак

• 1897 ий — «Аврора» крейсерым чоҥаш тӱҥалыныт.
• 1922 ий — «Крокодил» журналын икымше номерже лектын.
• 1962 ий — «Фитиль» лӱман сатирик киножурналын икымше выпускшо лектын.

Шочыныт

Тугак ончо: Категорий:Пеледыш тылзын 4 кечынже шочшо-влак

• 1924 ий — Геннадий Тимофеевич Калинин, чодыра озанлык специалист, Россий Федерацийын сулло чодыразыже. Киров велысе Яраҥ кундем Бакуничи ялыште шочын. Кугу Ачаэл Сар корным эртен, чодыра озанлык техникумшто шинчымашым поген. 1961-ше ий гыч Медведево кундемысе ушемыште чодыразылан пашам ышташ тӱналын, а 1966-1970-ше ийлаште Килемар чодыра озанлыкын вуйлатышыжлан тыршен.
• 1946 ий — Геннадий Михайлович Шитухин, кумдан палыме спортсмен да тренер, Марий Эл Республикысе капкультурын сулло пашаеҥже да сулло тренерже. Уло тӱнялан чапланыше Шитухинмыт спорт династий гыч. Тале спортсмен ик гана веле огыл Марий Эл Республикын чемпионжо лӱмым налын. 1976-шо ий гыч Марий кугыжаныш университетыште пашам ышта. 12 спорт мастерым ямдылен.
• 1962 ий — Юрий Соловьёв (Юрий Косатан), марий серызе, журналист, кусарыше, Россий Серызе-влак ушемын йыжъеҥже (2006), Марий Эл Республикысе тӱвыран сулло пашаеҥже (2009), Шабдар Осып лӱмеш премийын лауреатше (1998), Марий Эл Республикысе С.Г. Чавайн лӱмеш Кугыжаныш премийын лауреатше (2009).
• 1973 ий — Галина Анатольевна Яковлева, марий йылмызе, шанчызе, туныктышо.

Коленыт

Тугак ончо: Категорий:Пеледыш тылзын 4 кечынже колышо-влак

Калык пале

• Кече кечывалым пыл лоҥга гыч волгалтеш — вашке йӱр лийшаш.

Палемдымаш