6 пеледыш

←
→
Пеледыш
← →Пеледыш
	2026 ий

6 пеледыш (6 июнь) — григориан кечышот почеш идалыкын 157-ше (кужемдыме ийлаште — 158-ше) кечыже. Идалык пытыме марте 208 кече кодеш.

Йошкар-Олаште ☀️ Кече 3 шагатат 2 минутлан лектеш, 20 шагатат 34 минутлан шинчеш. Кечын кужытшо 🕒 17 шагатат 31 минут.
🌖 Катыкем толшо тылзе (20.43 тылзе кече).

Пайрем да шарныктарыше кече-влак

ООН — Руш йылме кече (руш. День русского языка) (2010).
Россий — Пушкин кече (руш. Пушкинский день).
Тетрисын шочмо кечыже (руш. День рождения тетриса).
Электричестве утюгын шочмо кечыже (руш. День рождения электрического утюга).
Очкин кечыже (руш. День очков).
Драконым сӱретлыме кече (руш. День рисования драконов).
Крымысе курык-влакын кечышт (руш. День Крымских гор).

Лӱмгече

Католик лӱм-влак: Павлина, Норберт, Антон, Антонина.
Православий лӱм-влак: Иван, Каллиник, Маркиана, Мелетий, Никита, Семён, Серапион, Степан (Стефан), Фавст, Фёдор, Елена.

Событий-влак

Тугак ончо: Категорий:Пеледыш тылзын 6 кечысе событий-влак

1882 — Америка гыч Генри Сили шке ыштыме электроутюглан патентым налын.
1957 — Москваште мемнан эллан икымше «Детский мир» ужалыше рӱдерым почыныт.
1880 — А. С. Пушкинлан чапкӱм шогалтеныт.
2025 — 2026 ийыште лукташ палемдыме Atomic Heart 2 компьютер модыш нерген официально увертарыме.
2025 — 2026 ий 27 февральыште лукташ палемдыме Resident Evil Requiem компьютер модыш нерген увертарыме.

Шочыныт

Тугак ончо: Категорий:Пеледыш тылзын 6 кечынже шочшо-влак

1923 — Ольга Александровна Тихомирова, совет разведчице, медшӱжар. Кугу Ачамланде сар жапыште Белоруссийысе партизан толкынын чолга еҥже: 1-ше Белорус партизан бригадын разведчицыже да медшӱжарже. ВЛКСМ йыжыҥъеҥ.
1958 — Александр Витальевич Маслихин, шанче да туныктыш пашаеҥ, философ, профессор. Марий кугыжаныш университетыште пашам ышта. Утларак Марий калыкын шуаралтмыже да мер толкын нерген пашаже-влак дене чапланен. 100 наре шанче пашан авторжо.
1930 — Семён Дмитриевич Дмитриев, туныктыш пашаеҥ, Марий Элын калык туныктышыжо. Шкеже Морко кундем Алсола гыч. Кӱшыл шинчымашым Марий кугыжаныш педагогике институтышто налын да умбакыже тыштак пашам ыштен. Тӱҥалтыш шинчымаш методике да педагогике кафедрын профессоржо лийын. Тӱҥалтыш класслаште марий йылмым туныктымаште кугу специалистлан шотлалтеш. 50 наре шанче пашан авторжо.
1963 — Василий Валерианович Домрачев, кумдан палыме артист да режиссёр, Марий Эл Республикын Калык артистше. ГИТИС-ым тунем лекмек, Шкетан лӱмеш Марий кугыжаныш драме театрыште модаш тӱҥалын. Киноактёр семын «Иди и смотри», «Чекист» да «Особенности национальной рыбалки» кинолаште модмыж дене чапланен.

Коленыт

Тугак ончо: Категорий:Пеледыш тылзын 6 кечынже колышо-влак

Калык пале

Кастене ужава-влак чот кычкырат — эрла игече сай лийшаш.
Эҥер йогын почеш пуалше мардеж ояр да сай игечым сӧрен, а пӱяште пеледалтше вӱдчача-влак шокшо да кукшо кеҥеж лийшаш нерген ончылгоч шижтареныт.