5 пеледыш

←
→
Пеледыш
← →Пеледыш
	2026 ий

5 пеледыш (5 июнь) — григориан кечышот почеш идалыкын 156-шо (кужемдыме ийлаште — 157-ше) кечыже. Идалык пытыме марте 209 кече кодеш.

Йошкар-Олаште ☀️ Кече 3 шагатат 3 минутлан лектеш, 20 шагатат 33 минутлан шинчеш. Кечын кужытшо 🕒 17 шагатат 29 минут.
🌖 Катыкем толшо тылзе (19.43 тылзе кече).

Пайрем да шарныктарыше кече-влак

ООН — Йыр пӱртӱсым аралыме тӱнямбал кече (руш. Всемирный день окружающей среды) (1972).
Россий — Экологын кечыже (руш. День эколога).
Куржталмашын тӱнямбал кечыже (руш. Международный день бега) — пеледыш тылзын икымше вӱргечынже.
Кетчупын кечыже (руш. День кетчупа).
Пасу пеледышын кечыже (руш. День полевых цветов).
Ванныйысе резине лудын кечыже (руш. День резиновых уточек в ванной).
Шкешолтымын кече (руш. День самогона).

Лӱмгече

Католик лӱм-влак: Валерия, Вонифатий.
Православий лӱм-влак: Адриан, Александр, Андрей, Василий, Геннадий, Даниил, Дмитрий, Евфросиния, Иван, Игнат, Касьян, Константин, Михаил, Никита, Пётр, Роман, Фёдор, Яков.

Событий-влак

Тугак ончо: Категорий:Пеледыш тылзын 5 кечысе событий-влак

1783 — Монгольфье изк-шоляк-влак икымше аэростатым южыш нöлталыныт.
1981 — У черым – СПИДым – почыныт.

Шочыныт

Тугак ончо: Категорий:Пеледыш тылзын 5 кечынже шочшо-влак

1897 — Сергей Осипович Плотников, совет кугыжаныш да озанлык пашаеҥ, туныктышо. СССР Кӱшыл Каҥашын II созыв депутатше (1946—1950). 1942 ий гыч ВКП(б)-ын йыжыҥъеҥже.
1907 — Пӧтыр Пайдуш, марий серызе, поэт, кусарыше, артист.
1907 — Пётр Васильевич Шеин, совет администраций-озанлык да партий пашаеҥ. Марий АССР Кӱшыл Каҥашын I созывысе Президиум вуйлатышын алмаштышыже (1938—1947). «Маритранслес» трестын вуйлатышыже, директоржо (1944—1956). ВКП(б)-ын йыжыҥъеҥже.
1936 — Михаил Игнатьевич Васильев, тазалык аралтыш пашаеҥ, Россий Федерацийын сулло эмлызыже. Провой кундем Янашбеляк ялыште шочын. 1973-шо ийыште тудо республикысе туберкулёз диспансерыште тыршаш тӱҥалын, а 1982-шо ий гыч тӱҥ эмлызыже лийын. СНГ-се фтизиатор-влак ассоциацийын президентше. 50 утла шанче пашан авторжо. Медицине шанче кандидат.
1937 — Илья Першин, марий серызе, поэт.
1947 — Дмитрий Дмитриевич Лавров, совет да российысе тӱвыра пашаеҥ, режиссёр, театр педагог.
1957 — Сергей Васильевич Яндубаев, скульптор, Олык Ипай лӱмеш премийын лауреатше, тыгак Марий Элысе кугыжаныш премийын лауреатше. Паша корныжо Йошкар-Оласе художественный школ дене кылдалтын. Кундемысе шуко чапкӱм лач тудын проектше почеш шогалтеныт. Тудынак «Мария Павловнан портретшым» Третьяков галерей шке фондышкыжо налын. Сергей Васильевичын пашаже-влакым Йошкар-Оласе, Козьмодемьянскысе тоштерлаште ужаш лиеш.

Коленыт

Тугак ончо: Категорий:Пеледыш тылзын 5 кечынже колышо-влак

Калык пале

Шудо эрдене молгунамсе деч чот ӱпшалтеш гын, йӱрым вучыман.
Мӱкш-шамыч пеледше пызле йыр шукын чоҥештылыт – эрла ояр лийшаш.