Андреев, Валентин Петрович
| Валентин Петрович Андреев | |
|---|---|
 | |
| Шочмо кече | 1916 ий 22 пургыж |
| Шочмо вер | Симбирск, Симбирск губерний, Россий империй |
| Колымо кече | 2004 ий 1 пеледыш (88 ий) |
| Колымо вер | Йошкар-Ола, Марий Эл, Россий |
| Гражданлык |
 Россий империй →  СССР → Россий |
| Паша сомыл | кугыжаныш пашаеҥ, партий пашаеҥ, депутат, йӧнозанлык пашаеҥ |
| Награде да премий |
|
Валентин Петрович Андреев (22 пургыж 1916, Симбирск, Симбирск губерний[d], Россий империй — 1 пеледыш 2004, Йошкар-Ола, Марий Эл Республик, Россий) — совет партий да кугыжаныш пашаеҥ. Марий АССР Кӱшыл Каҥаш Вуйверын V созывысе йыжъеҥже, Марий АССР Министр-влак Каҥаш председательын алмаштышыже (1946—1954), КПСС Йошкар-Ола горкомын 1-ше секретарьже (1955—1962), КПСС Марий обкомын секретарьже (1954, 1962—1979). КПСС-ын XXII погынжын делегатше (1961). ВКП(б) йыжъеҥ.
Илыш корныжо
1916 ий 22 февральыште Симбирскыште (кызыт Ульяновск) шочын. 1940 ийыште М. Горький лӱмеш Марий политехник институтым тунем пытарен[1][2].
1942—1944 ийлаште Йӱрнӧ чодырам шупшыкытышо озанлыкын тӱҥ инженерже лийын. Вара политике пашаш куснен: 1946—1954 ийлаште — Марий АССР Министр-влак Каҥаш Председательын алмаштышыже, 1954 ийыште — КПСС Марий обкомын секретарьже, 1955—1962 ийлаште — КПСС Йошкар-Ола олакомын 1-ше секретарьже, 1962 ийыште — Марий совет калык озанлыкын председательже, 1962—1979 ийлаште — угыч Марий КПСС обкомын секретарьже[1][2].
1947—1980 ийлаште Марий АССР Кӱшыл Каҥашын II—IX созывласе депутатшылан сайлалтын[1][2][3][4].
1961 ийыште КПСС XXII погынын делегатше[1][2].
1999 ийыште Йошкар-Олаште тудын «Марий АССР йӧнозанлык вияҥмашын эртымгорно лышташыже-влак (1945—1980)» / «Страницы истории развития промышленности Марийской АССР (1945—1980)» книгаже савыкталтын[1][2][5][6].
Марий республикын политике да илынйӧн-экономике вияҥмашыжлан пыштыме шуко ияш да пайдале пашажлан Октябрь Революций орден, кум Пашан Йошкар Тистыже орден, «Чап Тамга» орден, РСФСР-ысе Кӱшыл Каҥаш Вуйверын (кок гана) да Марий АССР-ысе Кӱшыл Каҥаш Вуйверын Чаптаныкше-влак дене палемдалтын[2].
2004 ий 1 июньыште Йошкар-Олаште илыш дене чеверласен[1][2].
Суаптар-влак
- Октябрь Революций орден (1976)[1]
- Пашан Йошкар Тистыже орден (1951, 1966, 1971)[1]
- «Чап Тамга» орден (1946)[1]
- «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль
- РСФСР Кӱшыл Каҥаш Президиумын Чап таныкше (1960, 1966)[1]
- Марий АССР Кӱшыл Каҥаш Президиумын Чаптаныкше (1946, 1957, 1976)[1]
Палемдымаш
- ↑ 1 2 3 4 5 6 7 8 9 10 11 Мочаев, 2017, с. 24—25.
- ↑ 1 2 3 4 5 6 7 К 75-летию законодательной власти Марий Эл Листая страницы истории. yoshkarola.bezformata.com. Тергыме кече: 4 пургыж 2026.
- ↑ Официальный сайт Госсобрания Республики Марий Эл. old.gsmari.ru. Тергыме кече: 4 пургыж 2026.
- ↑ Доклад «законодательная власть марийской асср – республики марий эл история в 70 лет» - Доклад - стр. 6. textarchive.ru. Тергыме кече: 4 пургыж 2026. Архивлыме 17 теле 2021 ий.
- ↑ Валентин Петрович Андреев. Страницы истории развития промышленности Марийской АССР (1945-1980 гг.). — Йошкар-Ола: Мар. гос. техн. ун-т, 1999. — 129 с. — ISBN 978-5-8158-0051-9. Архивысе копий 24 ӱярня 2022 гыч
- ↑ Страницы истории развития промышленности Марийской АССР (1945-1980 гг.) - Андреев Валентин Петрович. — 1999.
Литератур
- Андреев Валентин Петрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 24—25. — 2032 экз. — ISBN 5-87898-357-0.
- Мочаев В. А. Андреев Валентин Петрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 25. — 606 с. — 1500 экз. — ISBN 978-5-905314-35-3.
Кылвер-влак
- Пургыж тылзын 22 кечынже шочшо-влак
- 1916 ийыште шочшо-влак
- Пеледыш тылзын 1 кечынже колышо-влак
- 2004 ийыште колышо-влак
- Октябрь Революций орден дене суапландаралтше-влак
- Паша Йошкар Тисте орден дене суапландаралтше-влак
- «Почёт пале» орден дене суапландаралтше-влак
- «Владимир Ильич Ленинын шочмыжлан 100 ий темме лӱмеш» медаль дене суапландаралтше-влак
- РСФСР Кӱшыл Каҥаш Президиумын Чапграмотшо дене суапландаралтше-влак
- Алфавит почеш персоналий-влак
- Ульяновскышто шочшо-влак
- Йошкар-Олаште колышо-влак
- Юл кундемысе кугыжаныш технологий университетым тунем пытарыше-влак
- КПСС XXII погынын депутат-влакше
- КПСС марий обкомын секретарьже-влак
- Марий АССР Кӱшыл Каҥаш Президиумын йыжъеҥже-влак
- КПСС Йошкар-Оласе горкомын икымше секретарьышт
- Марий АССР-ысе министр-влак
- ВКП(б) йыжъеҥ-влак
- Марий Элысе йӧнозанлык пашаеҥ-влак