3 пеледыш

← → Пеледыш
Шч Кш Вр Из Кг Шм Рш 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2026 ий

3 пеледыш (3 июнь) — григориан кечышот почеш идалыкын 154-ше (кужемдыме ийлаште — 155-ше) кечыже. Идалык пытыме марте 211 кече кодеш.

Йошкар-Олаште ☀️ Кече 3 шагатат 5 минутлан лектеш, 20 шагатат 30 минутлан шинчеш. Кечын кужытшо 🕒 17 шагатат 24 минут.
🌖 Катыкем толшо тылзе (17.43 тылзе кече).

Пайрем да шарныктарыше кече-влак

•  ООН — Йолорван тӱнямбал кечыже (руш. Всемирный день велосипеда).
• Владимирысе Шочынава юмоҥан пайремже (руш. Праздник Владимирской иконы Божией Матери).
• Тореш йолан-влакын тӱнямбал кечышт (руш. Всемирный день косолапости).
• Пион пеледышын кечыже (руш. День пиона).
• Парашютын шочмо кечыже (руш. День рождения парашюта).
• Лум нерген шарналтыме кече (руш. Дeнь вcпoминaния o cнeгe).

Лӱмгече

• Православий лӱм-влак: Елена, Касьян, Кирилл, Константин, Михаил, Фёдор, Ярослав.

Событий-влак

Тугак ончо: Категорий:Пеледыш тылзын 3 кечысе событий-влак

• 1785 — Франсуа Бланшар икымше парашютын конструкцийжым ончыктен.
• 1965 — американ астронавт Эдвард Уайт космосыш лектын. Алексей Леонов деч вара тудо открытый космосыш лекше кокымшо айдемылан шотлалтеш.
• 1973 — Йошкар-Ола гыч Москош «Марий Эл» поезд икымше рейсыш каен.

Шочыныт

Тугак ончо: Категорий:Пеледыш тылзын 3 кечынже шочшо-влак

• 1907 — Александра Христиановна Фридрих, совет тӱвыра, партий-совет да мер пашаеҥ.
• 1925 — Леонид Иванович Загайнов, шанче-юрист, Россий Федерацийын сулло юристше. У Торъял кундемыште шочын. 18 ияшак сарыш каен. Патыр боец «За отвагу» медаль да Чап орден дене палемдалтын. Сар деч вара кӱшыл шинчымашым налын да Совет Ушем шанче академийысе кугыжаныш да право институтышто пашам ышташ тӱҥалын: тыглай пашаче гыч вӱдышӧ сотрудник марте кушкын. 100 наре шанче пашан, 15 монографийын авторжо.
• 1935 — Борис Фёдорович Лаврентьев, шанче-изобретатель, Марий республикын сулло изобретательже. Ончыч Машина чоҥымо заводышто инженерлан пашам ыштен, вара Политехник институтышко куснен. Теҥызым шымлаш аппаратурым шонен луктын, тидын дене кугу чапым сулен. Технологий шанче кандидат. Марий Эл кугыжаныш премийын лауреатше.
• 1976 — Екатерина Скулкина, россий киноактрисе, «Ныл татар» / «Четыре татарина» ВЧК (Весела да чолга-влакын клубышт) командын еҥже да ик капитанже (2003—2006), 2006 ий гыч «Comedy Woman» ӱдырамаш мыскара телешоун еҥже. 2013 ийыште Дмитрий Харатьян дене пырля «Эн сай пӧръеҥ пелаш» программым вӱден, а 2022 ийыште «Ӱдырамаш клуб» ток-шоун ик вӱдышыжӧ лийын.

Коленыт

Тугак ончо: Категорий:Пеледыш тылзын 3 кечынже колышо-влак

Калык пале

• Йӱдымат, кечывалымат шокшо гын, кужу жап лывыртыш лийшаш.
• Йӱд каваште тылзе вудакан коеш – ночко игечылан.

Палемдымаш