18 пеледыш

←
→
Пеледыш
← →Пеледыш
	2026 ий

18 пеледыш (18 июнь) — григориан кечышот почеш идалыкын 169-ше (кужемдыме ийлаште — 170-ше) кечыже. Идалык пытыме марте 196 кече кодеш.

Йошкар-Олаште ☀️ Кече 2 шагатат 55 минутлан лектеш, 20 шагатат 41 минутлан шинчеш. Кечын кужытшо 🕒 17 шагатат 46 минут.
🌒 Кушшо тылзе (2.90 тылзе кече).

Пайрем да шарныктарыше кече-влак

Йоча коляскын шочмо кечыже (руш. День рождения детской коляски).
Гармонийын тӱнямбал кечыже (руш. Всемирный день гармонии).
Дорофейын кечыже (руш. Дорофеев день).
Пикникын тӱнямбал кечыже (руш. Международный день пикника).
Суши кочкышын тӱнямбал кечыже (руш. Международный день суши).
Паникын тӱнямбал кечыже (руш. Международный день паники).
Тора огыл ончыкылыкын кечыже (руш. День недалекого будущего).
Ныл лышташан клевырым кычалме кече (руш. День поиска четырехлистного клевера).

Лӱмгече

Католик лӱм-влак: Альжбета, Марк.
Православий лӱм-влак: Аполлон, Арий, Василиса, Виктор, Галина, Дорофей, Игорь, Иона, Кондратий, Константин, Леонид, Маркиан, Ника, Никандр, Павел, Фёдор.

Событий-влак

Тугак ончо: Категорий:Пеледыш тылзын 18 кечысе событий-влак

1915 ий — Английысе да Пруссийысе войска-влак Ватерлоо пелен Наполеонын армийжым кырен шалатеныт.
1889 ий — Америк гыч Уильям Ричардсон йоча коляскылан патентым налын.

Шочыныт

Тугак ончо: Категорий:Пеледыш тылзын 18 кечынже шочшо-влак

1938 — Галина Александровна Демакова, туныктыш пашаеҥ, Россий Федерацийысе школын сулло туныктышыжо. У Торъял посёлкышто шочын. Уста туныктышо 1966-шо ий гыч Йошкар-Оласе 2 №-ан школышто пашам ышташ тӱҥалын: вара 10 №-ан школыш куснен да тыште тудын ойжо да вуйлатымыже почеш тоштерым почмо. 14 ий Марий Эл Республикысе кӱшыл погынын депутатше лийын.
1945 — Галина Федоровна Орлова, эмлызе. Паша корныжо Провой кундемысе Кужмара амбулаторий дене кылдалын. Уста специалист семын кугу пагалымашым сулен.
1945 — Лев Валентинович Савинов, хирург. Марий Эл Республикын сулло врачше.
1961 — Любовь Анатольевна Завойских, штукатур-маляр. Поранча кундем Котяминер ялыште шочын. Тиде чолга марий ӱдырамаш соцтаҥасымаште шке бригадыжын чапшым паша гоч ончыктен. Тидлан Ленин комсомол премий дене палемдалтын.
1962 — Александр Александрович Шибанаев, туныктыш пашаеҥ да мурызо. Шкеже Куженер район Нурсола гыч. Пашаже «труд» предметым туныктымо дене кылдалтын. Но тыгодымак Александр Александрович мурызо семынат чапланен шуктен да пагалымашым сулен.

Коленыт

Тугак ончо: Категорий:Пеледыш тылзын 18 кечынже колышо-влак

1972 ий — Михаил Георгиевич Платунов, российысе да совет живописец, график да туныктышо, РСФСР сымыктышын сулло пашаеҥже (1954), Ленинградысе Сӱретче-влак ушемын йыжъеҥже.

Калык пале

Дорофейын кечыже. Тиде кече дене шуко оҥай йӱла кылдалтын. Кияр удан шочын гын, кияр йыраҥыш шӱкшӧ йыдалым луктын кудалтеныт. Ты кечын эрдене эрак шӱкшудым кӱрат гын, тетла тудо огеш шоч, маныныт.
Тумна йӱдшӧ-кечыже кычкыра — эрла йӱр лийшаш.