23 пеледыш

23 пеледыш (23 июнь) — григориан кечышот почеш идалыкын 174-ше (кужемдыме ийлаште — 175-ше) кечыже. Идалык пытыме марте 191 кече кодеш.

Пайрем да шарныктарыше кече-влак

• Олимпиадын тӱнямбал кечыже (руш. Международный Олимпийский день).
•  ООН — Ушнышо Калык-влак Организацийын кугыжаныш службо кечыже (руш. День государственной службы Организации Объединённых Наций).
• — Тулык ватын тӱнямбал кечыже (руш. Международный день вдов).
•  Россий — Балалайкын кечыже (руш. День балалайки).
•  Казахстан — Полиций кече (руш. День полиции).
•  Молдавий — Эрык кече (руш. День провозглашения суверенитета).
• Лышташ пайрем (руш. Троица).
• Печатлыме машинкын шочмо кечыже (руш. День рождения пишущей машинки).
• Тимофей Знамений (руш. Знамения Тимофея).
• Информаторын тӱнямбал кечыже (руш. Всемирный день информаторов).
• Нелеш налдыме кече (руш. День без обид).

Лӱмгече

• Католик лӱм-влак: Ванда, Зенон, Иосиф.
• Православий лӱм-влак: Александр, Антонина, Василий, Иван, Тимофей, Феофан.

Событий-влак

Тугак ончо: Категорий:Пеледыш тылзын 23 кечысе событий-влак

• 1860 ий — УАШыште секретный службым почыныт.
• 1868 ий — изобретатель Кристофер Шоулз печатлыме машиналан патентым налын.

Шочыныт

Тугак ончо: Категорий:Пеледыш тылзын 23 кечынже шочшо-влак

• 1965 ий — Валерий Меладзе, мурызо, Россий Федерацийын сулло артистше.

Марий тӱняште

• 1920 ий — Иван Александрович Виногоров, Кужэҥер кундем Эҥерӱмбал ялыште кумдан палыме айдеме, Россий Федераций тӱвыран сулло пашаеҥже. Кугу ачамланде сар корным эртымек, книга савыктымаште тыршен. Уста вуйлатыше 17 ий кугыжаныш филармонийыште пашам ыштен. Ятыр шарнымаш книган, пьесын авторжо, кудышт коклаште «Кугу сарын тулжо вошт» книгажым поснак палемдаш лиеш.
• 1935 ий — Станислав Фёдорович Киркин, шанче машина чоҥышо, Россий Федерацийысе кӱшыл школын сулло пашаеҥже. Чуваший кундемын эргыже шке пашаж дене чапым марий кундемыштына сулен. Уло ӱмыржӧ Марий кугыжаныш технологий университет дене кылдалтын: тыште тудо профессор марте шуын. Экологий могырым ончен, транспорт машин-влакым ыштымаште да кучылтмаште кугу специалистлан шотлалтеш. 70 утла шанче пашан авторжо. Техник шанче доктор.
• Николай Павлович Мантусов, семлызе, Марий Эл Республикысе тӱвыран сулло пашаеҥже. Ульяновск вел гыч. Марий кундемыш 1979 ийыште толын: Йошкар-Оласе культпросветучилищыште туныктышылан пашам ыштен, тыштак калык инструмент оркестрым чумырен. Ятыр концерт программым эртарен, студент-влакым тӱвыра илышлан кумылаҥден, тидлан Олык Ипай лӱмеш премий дене палемдалтын.
• Марий Эл Республикын сулло чоҥышыжо. Республикысе тӱрлӧ чоҥышо ушемлаште тыршыме деч вара министерствыште да виктерыште пашам ыштен. 1996-2004 ийлаште кугыжаныш погынын депутатше лийын.

Коленыт

Тугак ончо: Категорий:Пеледыш тылзын 23 кечынже колышо-влак

Калык пале

• Тимофейын кечыже. Ты кечын уда лийшашым мужедыныт: идымыште коля пошен гын – шужен ийлан, чодыра гыч корак-влак тӱшкан чоҥештен толыт гын – шуко еҥ кола, пире-влак урмыжыт гын – вольык пыта.
• Арама лышташыште пижедылше вӱд чӱчалтыш лектеш — лавыртышым вучыман.