25 пеледыш

←
→
Пеледыш
← →Пеледыш
	2026 ий

25 пеледыш (25 июнь) — григориан кечышот почеш идалыкын 176-шо (кужемдыме ийлаште — 177-ше) кечыже. Идалык пытыме марте 189 кече кодеш.

Йошкар-Олаште ☀️ Кече 2 шагатат 55 минутлан лектеш, 20 шагатат 41 минутлан шинчеш. Кечын кужытшо 🕒 17 шагатат 46 минут.
🌓 Икымше чырык (9.90 тылзе кече).

Пайрем да шарныктарыше кече-влак

Россий — Статистике пашаеҥ-влакын кечышт (руш. День работников статистики).
Славян-влакын ушнен да келшен илыме кече (руш. День дружбы и единения славян).
Шке калык дене кугешныме кече (руш. Всероссийский день национальной гордости).
Чиян телевиденийын кечыже (руш. День цветного телевидения).
Морякын кечыже (руш. День моряка).
Палыдыме еҥ-влаклан шыргыжалме кече (руш. День улыбок незнакомым людям).
Лимонадын кечыже (руш. День лимонада).

Лӱмгече

Католик лӱм-влак: Доротея, Люция, Вильгельм.
Православий лӱм-влак: Андрей, Анна, Арсений, Вассиан, Ефросинья, Иван, Иона, Ираклемон, Онуфрий, Пётр, Степан (Стефан), Феофил.

Событий-влак

Тугак ончо: Категорий:Пеледыш тылзын 25 кечысе событий-влак

1876 ийыште Америк гыч Альфред Енсен шке пушыж дене историйыште икымше гана Атлантик океаным шкетын ийын вончен.
1950 ий – Корейыште сар тӱҥалын.
1969 ийыште кумдан чапланыше «Машина времени» рок-группа чумырген.

Шочыныт

Тугак ончо: Категорий:Пеледыш тылзын 25 кечынже шочшо-влак

1916 ий — Никанор Демьянович Макаров, совет да ялозанлык пашаеҥ, агроном. Марий АССР Советский вел ялозанлык виктерын тӱҥ агрономжо (1962—1975). РСФСР-ын сулло агрономжо (1965). Кугу Ачамланде сарын салтакше. 1951 ий гыч ВКП(б) йыжъеҥ.
1933 ий — Иванов, Энсай Макарович, тоштер пашаеҥ, краевед, журналист, туныктышо, СССР журналист-влак ушемын йыжыҥъеҥже. Марий Элысе Советский посёлкышто краеведений тоштерым негызлыше-влак кокла гыч иктыже да тудын икымше директоржо (1995—2003). 2006 ий гыч тиде тоштер Энсай Ивановын лӱмжым налын. Советский районын шочшыжо-влак нерген книгам возен.
1963 ий — Леонид Игоревич Маркелов, Марий Эл Республикын ончычсо вуйлатышыже (2017 ий марте). 1995—1999 ийлаште тудо Россий Кугыжаныш Думын депутатше лийын. 2001 ийыште тудо Марий Эл Республик Президентлан сайлалтын. Суапле пашажлан Келшымаш орден дене палемдалтын. Философий шанче кандидат.
1955 ий — Ермаков, Леонид Серафимович гармоньчо, Марий Эл Республикысе тӱвыран сулло пашаеҥже. Советский район Кельмаксола ялеш шочын. 1975 ийыште Кельмаксола тӱвыра пӧртын вуйлатышыжлан шогалын. Суапле пашажлан ятыр чап танык дене палемдалтын.
1950 ий — Елизавета Васильевна Фёдорова, Марий Эл Республикысе туныктышын сулло пашаеҥже. Шочынжо Юлсер кундем Кӱшыл Азъялеш, паша корныжо Приволжский кыдалаш школ дене кылдалтын: тышке тудо 1983 ийыште пашам ышташ толын. Мер илышыштат, кугыжаныш пашаштат Елизавета Васильевна кугу кӱкшытыш шуын.

Коленыт

Тугак ончо: Категорий:Пеледыш тылзын 25 кечынже колышо-влак

Калык пале

Пӧтрын кечыже. Ты кечын пытартыш саскам-рассадым шынденыт. Тыгак ты кечын кол сайын чӱҥга манын ойленыт, кол шӱрым шолтеныт.
Комбо ден лудо-влак вӱд ӱмбалне ийын коштмышт годым чӱчкыдынак шулдырышт дене вӱдым лупшат гын, йӱрлан ямдылалтман.