2 пеледыш

←
→
Пеледыш
← →Пеледыш
	2026 ий

2 пеледыш (2 июнь) — григориан кечышот почеш идалыкын 153-шо (кужемдыме ийлаште — 154-ше) кечыже. Идалык пытыме марте 212 кече кодеш.

Йошкар-Олаште ☀️ Кече 3 шагатат 7 минутлан лектеш, 20 шагатат 29 минутлан шинчеш. Кечын кужытшо 🕒 17 шагатат 22 минут.
🌕 Тичмаш тылзе (16.43 тылзе кече).

Пайрем да шарныктарыше кече-влак

Мелиораторын кечыже (руш. День мелиоратора) — пеледыш тылзын 1-ше рушарнян палемдалтеш.
Спутник мониторинг ден навигацийын кечышт (руш. День спутникового мониторинга и навигации).
Тимофей Грядочник (калык пайрем) (руш. Тимофей Грядочник (народный праздник)).
Пуреҥгайыше шкафын пайремже (руш. Праздник падающих шкафов)).
Кагаз гыч ыштыме кишке ден самолётым колтылмо кече (руш. День запуска бумажных змеев и самолётиков).

Лӱмгече

Православий лӱм-влак: Александр, Алексей, Иван, Никита, Тимофей.

Событий-влак

Тугак ончо: Категорий:Пеледыш тылзын 2 кечысе событий-влак

1897 ийыште Россий элыште рушарнян пашам ышташ чарыше тӧртык лектын.
1946 ийыште Италий монархий гыч республик системыш куснен.
1953 ийыште гын Елизавета Кокымшо Британий кугыжан коронацийже эртен.

Шочыныт

Тугак ончо: Категорий:Пеледыш тылзын 2 кечынже шочшо-влак

1929 — Анатолий Борисович Луппов, семлызе да тӱвыра пашаеҥ, Марий да Татарстан республиклан, тыгак Россий Федераций сымыктышын сулло пашаеҥже. Тудо мыланна икымше марий балетын авторжо семын палыме. 4 ий Йошкар-Оласе сем училищыште композиций классым туныктен: тунемшыже-влак коклаште кундемнан лӱмлӧ семмастарже-влак Иван Молотов, Сергей Маков, Юрий Евдокимов, Вениамин Захаров да молат лийыныт. 12 ий Анатолий Борисович Марий республикысе композитор-влак ушемым вуйлатен шоген. 6 балетын (кудышт коклаште икымше «Лесная легенда» марий балет), 10 симфонийын, 11 тӱрлӧ концертын авторжо.
1938 — Геннадий Иванович Волков, Россий Федерацийын сулло мелиораторжо. Паша корныжо Оршанкысе «Мелиоводстрой» трест дене кылдалтын, тыште тудо 30 ий пашам ыштен. Ятыр чап танык, Йошкар Знамя паша орден дене палемдалтын.
1965 — Григорий Викторович Майков, артист. У Торъял кундемыште шочын. 1991-2007 ийлаште тудо Марий самырык театрыште модын, тӱрлӧ рольым устан чоҥен.

Коленыт

Тугак ончо: Категорий:Пеледыш тылзын 2 кечынже колышо-влак

1990 — Михаил Родионович Филимонов, совет книгагудо пашаеҥ. СССР ийлаште Касвел Сибирьыште книгам да лудмашым чапландарыше. Томск кугыжаныш университетысе шанче книгагудын директоржо (1955—1974). РСФСР тӱвыран сулло пашаеҥже (1969). Кугу Ачамланде сарыште лийын. 1932 ий гыч ВКП(б)-н йыжъеҥже.

Калык пале

Йӱр йӱреш гын, тылзе мучко кукшо игече лийшаш.