17 шыжа
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
17 шыжа (17 октябрь) — григориан кечышот почеш идалыкын 290-ше (кужемдыме ийлаште — 291-ше) кечыже. Идалык пытыме марте 75 кече кодеш.
Йошкар-Олаште ☀️ Кече 6 шагатат 38 минутлан лектеш, 16 шагатат 57 минутлан шинчеш. Кечын кужытшо 🕒 10 шагатат 19 минут.
🌒 Кушшо тылзе (5.78 тылзе кече).
Пайрем да шарныктарыше кече-влак
ООН — Незерлыкым пытарышаш верч кучедалме тӱнямбал кече (руш. Международный день борьбы за ликвидацию нищеты)[1][2].- Озаҥ шнуй-влакын соборышт (руш. Собор Казанских святых).
- Кредит ушемын тӱнямбал кечыже (руш. Международный день кредитных союзов).
- Сортам чӱктен шинчылтме кече (руш. День посиделок при свечах).
- Чытырымашын тӱнямбал кечыже (руш. Международный день встряски).
- Эмганымын тӱнямбал кечыже (руш. Всемирный день травм).
- Пастын кечыже (руш. День пасты).
Лӱмгече
- Владимир, Гурий, Павел, Стефан.
Эртынчык-влак
Тугак ончо: Категорий:Шыжа тылзын 17 кечысе событий-влак
- 1902 — Детройт олаште Кадиллак маркан икымше машинам ыштен лукмо.
- 1938 —
«Лӱддымылыклан» медальым пеҥгыдемдыме. - 1945 — Кёнигсберг олам Совет Ушемын составышкыже пуртымо.
Шочыныт
Тугак ончо: Категорий:Шыжа тылзын 17 кечынже шочшо-влак
- 1909 — Прасковья Алексеевна Смирнова, МАССР-ын калык артисткыже, «Знак Почета» орденын кавалерже.
- 1916 — Александр Васильевич Яровиков, совет озанлык да мер-политик пашаеҥ. Марий АССР-ысе Пектубай район КПСС комитетын председательже (1950—1955), МАССР-ын У Торъял районысо «Октябрьлан 40 ий» колхозын председательже (1955—1980). Ленин орденын кавалерже (1971). РСФСР Кӱшыл Каҥашын VII—IX созывласе депутатше (1967—1980), КПСС-ын XXIII погынжын делегатше (1966). Кугу Ачамланде сарын салтакше.
- 1920 — Павел Васильевич Мальцев, серызе, сарзе вуйлатыше, генерал-лейтенант. Марий Турек кундем Водонер ялыште шочын. Паша корныжо сарзе сомыл дене кылдалтше лийын, туге гынат Павел Васильевич шке вийжым сылнымутыштат терген: 2 книгам савыктен луктын, тышеч «Неизведанный путь» лÿман повестьше шочмо ялжын историйже дене палдара. Сарзе шанче кандидат.
- 1924 — Николай Павлович Павлов, фронтовик, Совет Ушемын Талешкыже.
- 1951 — Валерий Павлович Данилов, Марий Элын сулло туныктыш пашаеҥже. Морко кундемын эргыже кӱшыл шинчымашым Марий политехник институтышто налын. Икмыняр ий комсомол да партий пашаште тыршыме деч вара Марий радиомеханик техникумын вуйлатышыжлан шогалын. Суапле пашажлан Знак Почёта орден да чаптанык дене палемдалтын. 2006-шо ийыште «Российын 100 эн виян кыдалаш тунемме тӧнеж» конкурсышто «Идалыкын вуйлатышыже» лӱмым сулен.
- 1952 — Валерий Дмитриевич Кульшетов, семлызе, Марий Эл да Россий Федерацийысе сымыктышын сулло пашаеҥже, Марий Эл Республикын композитор-влак ушемын вуйлатышыже, Олык Ипай лӱмеш премийын лауреатше. Шочмо верже – Марий Тӱрек. Шинчымашым Йошкар-Оласе сем училищыште, Моско оласе консерваторийыште поген. 1977-ше ий гыч Йошкар-Олаште музык училищыште туныктышылан ышташ тӱҥалын. Марий телевиденийыште сем редакторлан тыршен. Тӱвыра да сымыктыш колледжын эстраде пӧлкан вуйлатышыже.
- 1956 — Владимир Фёдорович Ромашкин, мурызо, Марий Эл Республикын калык артистше. Курыкмарий кундемыште шочын. Шинчымашым Йошкар-Оласе музык училищыште, Озаҥ оласе консерваторийыште поген. Паша корныжо 1983-шо ийыште Йошкар-Оласе музык училищыште тӱҥалын. Вокал дене туныктышо сомылым шуктен шога. «Марий кундем» ансамбльын солистше.
- 1957 — Александр Иванович Новоселов, финанс да кугыжаныш пашаеҥ. Оршанке кундем Лужбеляк ял гыч. Оршанке кыдалаш школым тунем пытарымек, Марий кугыжаныш педагогике институтын физик-математик факультетыштыже шуаралтын. Шкенжым инженер, экономист, вуйлатыше пашате терген. Финанас министерствын федерал казначейство виктемыште пашам ышта. Россий Федерацийын икымше классан советникше.
- 1960 — Виктор Петрович Константинов, артист. Юлсер кундем Нур-Шари ялыште шочын. 1983-шо ий гыч «Марий Эл» кугыжаныш куштышо ансамбыльын балет артистше лийын. Кызытсе паша корныжо «Чодыра сем» ансамбль дене кылдалтын.
- 1980 — Андрей Алексеевич Утятин, марий йылмызе, шанчызе, туныктышо, филологий шанче кандидат (2007), доцент (2013).
Коленыт
Тугак ончо: Категорий:Шыжа тылзын 17 кечынже колышо-влак
Калык пале
- Кайык-влак укшлаште пуныштым овартен шинчат — игече пужла.
- 17 октябрьыште лум возын гын, 40 кече гыч чын теле толеш.
- Ерофейын кечыже. Тиде кечын теле шкеж нерген шижтара маныт. Чодыраш кошташ тыршен огытыл, молан манаш гын чодыра кугыза тыйым йомын коштыктен кертеш.
Палемдымаш
- ↑ Международный день борьбы за ликвидацию нищеты (руш.). Какой Сегодня Праздник.
- ↑ United Nations. International Day for the Eradication of Poverty (англ.). United Nations. Тергыме кече: 15 шыжа 2021. Архивлыме 15 шыжа 2021 ий.