11 шыжа

←
→
Шыжа
← →Шыжа
	2026 ий

11 шыжа (11 октябрь) — григориан кечышот почеш идалыкын 284-ше (кужемдыме ийлаште — 285-ше) кечыже. Идалык пытыме марте 81 кече кодеш.

Йошкар-Олаште ☀️ Кече 6 шагатат 24 минутлан лектеш, 17 шагатат 12 минутлан шинчеш. Кечын кужытшо 🕒 10 шагатат 47 минут.
🌘 Шоҥго тылзе (29.31 тылзе кече).

Пайрем да шарныктарыше кече-влак

ООН — Ӱдыр-влакын тӱнямбал кечышт (руш. Международный день девочек).
Башкортостан — Башкортостан Республикын кечыже (руш. День Республики Башкортостан).
Йӱдвел Македоний — Восстаний кече (руш. День Восстания).
Мунын тӱнямбал кечыже (руш. Всемирный день яйца).
Харитон кече (руш. Харитонов день).
Шыже южым шӱлалтыме кече (руш. День вдыхания осеннего воздуха).

Лӱмгече

Александр, Алексей, Василий, Николай, Иван, Григорий, Сергей, Анна, Илья, Макар, Моисей, Прохор, Валентин, Афанасий, Анатолий.

Эртынчык-влак

Тугак ончо: Категорий:Шыжа тылзын 11 кечысе событий-влак

1702 ий — руш войска-влак швед-влакын Нотебург (Орешек) орым руалтен налыныт.
1862 ий — Австралийыште икымше университетым почмо.
1961 ий — Семипалатинск полигонышто икымше гана мланде йымалне атом бомбым пудештареныт.

Шочыныт

Тугак ончо: Категорий:Шыжа тылзын 11 кечынже шочшо-влак

1930 ий — Эрик Александрович Исаков, марий серызе.
1925 ий — Валерий Алексеевич Патеев, педагог, Россий Федерацийысе школын сулло туныктышыжо. Курыкмарий кундемысе Пызыкнур села гыч. Кугу Ачамланде сарыште лийын. Ончыч Килемар, вара Курыкмарий районласе школлаште туныктышылан пашам ыштен. Педагог-универсаллан шотлалтеш: 18 предметым вӱден. РСФСР-ысе школын сулло туныктышыжо.
1927 ий — Александр Иванович Сурьянинов, кугыжаныш пашаеҥ. Курыкмарий кундем Троицкий Посад селаште шочын. Шинчымашым Архангельск оласе чодыра техник институтышто поген. Паша корныжо Йошкар-Олаште 1959-ше ий гыч тӱҥалын. 15 ий «Марилес» комбинат вуйлатышылан тыршен, чодыра озанлык министрын алмаштышыже лийын. 1981-ше ий гыч ялозанлык министр лийын. Суапле пашажлан «Знак Почёта» орден да ятыр чап танык дене палемдалтын.
1957 ий — Владимир Алексеевич Иванов, марий серызе, поэт.
1959 ий — Сергей Петрович Никитин, марий бизнесъеҥ. Тудо Свердловск велысе Красноуфим кундемыште шочын. Урал марий-влакын чолга мер пашаеҥже семын кугу пагалымашым сулен.
1960 ий — Игорь Иванович Панов, Россий Федерацийысе туныктышын сулло пашаеҥже. Красноярск мландыште шочын-кушкын. 1985-ше ийыште Марий кугыжаныш педагогике институтым тунем лекмек, Медведево посёлкысо 2-шо номеран кыдалаш школышто археологий кружокым вӱдышылан, вара туныктышылан пашам ышташ тӱҥалын. Игорь Иванович Марий Элыште археологий тоштерым чумырышо-влак кокла гыч ик эн уста да талыже.

Коленыт

Тугак ончо: Категорий:Шыжа тылзын 11 кечынже колышо-влак

1990 — Терентий Михайлович Дробан, совет сарзе, партий да администраций пашаеҥ. Кугу Ачамланде сар жапыште — батальон комиссар, Касвел да 3-шо Белорус фронтласе 120-шо посна танк бригадын политпӧлкан начальникше, гвардий подполковник. Марий АССР-ысе КПСС Звенигово райкомын икымше секретарьже (1953—1959), Куштылго да кочкыш йӧнозанлык виктемын (1959—1963) да МАССР-ысе шӧр йӧнозанлык виктемын (1963—1966) начальникше. ВКП(б)-ын йыжыҥъеҥже.

Калык пале

Шопке лышташ комдык кия гын, теле леве лиеш.
Мераҥ-шамыч ошемын огытыл гын, шыже кужун шуйнышаш.
Харитонын кечыже. Тиде кечым мöҥгыштак эртараш тыршеныт. А самырык мужыр мужедше дек ик кöршöк мӱй дене мужедыкташ миен, поснак ончыкылык аван тазалыкшым пеҥгыдемдаш йодын мужедыктеныт.