Павлов, Николай Павлович
| Николай Павлович Павлов | |||
|---|---|---|---|
 | |||
| Шочмо кече | 1924 ий 17 шыжа | ||
| Шочмо вер | Изи Ярамарий ял, Морко район, Марий Эл | ||
| Колымо кече | 1968 ий 8 ага (43 ий) | ||
| Колымо вер | Кесемлак села, Морко район, Марий Эл | ||
| Пурымаш |
 СССР |
||
| Войскан родшо |
пехото, элгӧргӧ войска |
||
| Службо жап | 1942—1947 | ||
| Званий |
 |
||
| Кредалмаш/сар | Кугу Ачамланде сар | ||
| Награде да премий |
|
||
Николай Павлович Павлов (1924—1968) — СССР МВД-н элгӧргӧ войскажын сержантше, Кугу Ачамланде сарын салтакше, Совет Ушемын Талешкыже (1944).
Илыш корныжо
Николай Павлов 1924 ий 17 октябрьыште Изи Ярамарий ялеш (Марий Эл Республикын Морко районжо) шочын. Ныл классым тунем пытарымек, колхозышто пашам ыштен. 1942 ий августышто Павловым Пашазе-кресаньык Йошкар Армийыш службыш налыныт. 1943 ий август гыч — Кугу Ачамланде сарын фронтыштыжо. 1943 ий сентябрьыште сержант Николай Павлов Рӱдӧ фронтысо 61-ше армийын 77-ше гвардий стрелок-влак дивизийын 218-ше гвардий стрелок-влак полкысо 6-шо ротын пулемётчикше лийын. Днепр верч кредалме годым ойыртемалтын[1].
1943 ий 26 гыч 27 сентябрь йӱдым Павлов ик эн ончыч Днепр гоч вончен да касвел серыште керылт пурымо кумдыкым арален кодымо верч пеҥгыдын шоген, икмыняр немыч контратакым чактарен, тудлан кӧра ятыр тушман колен[1].
СССР Кӱшыл Каҥаш Президиумын 1944 ий 15 январьысе «Йошкар Армийын генерал, офицер, сержант да рядовой-влаклан Совет Ушемын Талешкыже лӱмым пуымо нерген» кӱштыкшӧ почеш «Днепр эҥерым вончымо годым командованийын сар кӱштымыжым сайын шуктымыжлан да тыгодым лӱддымылыкым, талылыкым ончыктымыжлан» гвардий сержант Николай Павловлан Совет Ушемын Талешкыже чаплӱмым пуымо да Ленин орден ден 7096-шо номеран «Шӧртньӧ Шӱдыр» медальым кучыктымо[1][2].
Тылеч варасе кредалмаште сусырген. Сар пытымеке, элгӧргӧ войскаште службым умбакыже шуэн. 1947 ийыште Павлов демобилизоватлалтын. Марий АССР-ыште илен да пашам ыштен. 1968 ий 8 майыште вучыдымын колен, Морко районысо Кесемлак селаште тойымо[1].
Тыгак икмыняр медаль дене суапландаралтын[1].
Кесемлак ден Моркышто Павлов лӱмеш бюстым шогалтыме[1].
Палемдымаш
- ↑ 1 2 3 4 5 6 Николай Павлович Павлов (руш.). Сайт «Герои страны».
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 шорыкйол (№ 4 (264)). — С. 1.
Литератур
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Герои Отечества. Москва, 2004.
- Наши Герои. 2-е изд., перераб. и доп. — Йошкар-Ола, 1985.