9 шыжа
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
9 шыжа (9 октябрь) — григориан кечышот почеш идалыкын 282-шо (кужемдыме ийлаште — 283-шо) кечыже. Идалык пытыме марте 83 кече кодеш.
Йошкар-Олаште ☀️ Кече 6 шагатат 20 минутлан лектеш, 17 шагатат 16 минутлан шинчеш. Кечын кужытшо 🕒 10 шагатат 56 минут.
🌘 Шоҥго тылзе (27.31 тылзе кече).
Пайрем да шарныктарыше кече-влак
ООН — Почтын тӱнямбал кечыже (руш. Всемирный день почты).
Кечывалвел Корей — Хангыль кече (руш. День хангыля).
Уганде — Эрыкан лийме кече (руш. День Независимости)[1][2].- Иван Богослов (руш. Иван Богослов).
- Россий МЧС пожар деч аралышын кечыже (руш. День Специальной пожарной охраны МЧС России).
Лӱмгече
- Католик лӱм-влак: Винцент, Дионис, Людвик.
- Православий лӱм-влак: Тихон, Владимир, Иван.
Эртынчык-влак
Тугак ончо: Категорий:Шыжа тылзын 9 кечысе событий-влак
- 1760 ий — Шымияш сар кайыме пагытыште Берлин Чернышевын вуйлатыме армийже ончылно капитуляций нерген увертарен.
- 1829 ий — Арарат курыкышко икымше гана кӱзымаш лийын.
- 1991 ий — Букеровский премийым пеҥгыдемдыме: тудо сылнымут пашаште кугу кӱкшытыш шушо-влаклан пуалтеш.
- 2002 ий — Россий мучко 10-шо калык перепись тӱҥалын.
Шочыныт
Тугак ончо: Категорий:Шыжа тылзын 9 кечынже шочшо-влак
- 1908 ий — Иван Степанович Криворотов, совет озанлык, кугыжаныш да политике пашаеҥ.
- 1940 ий — Александр Дмитриевич Афонин, футболист да тренер. Моско олаште шочын. Физкультур институтышо шинчымашым поген. 1956-шо ийыште «Локомотив» самырык футбол командыште модаш тӱҥалын. Йошкар-Олашке толмек, «Спартак» командыште модын. Тунамак Совет Ушем спорт мастер лӱмым сулен. Умбакыже паша корныжо Озаҥысе, Тольяттисе, Нижнекамск да Алжирысе футбол командылаште шуйнен. Марий футболын историйыштыже тудын лӱмжым шӧртньӧ буква дене возымо.
- 1935 ий — Юрий Иванович Сабанцев, ялозанлык пашаеҥ. Параньга кундем Чеверйӱла ялыште шочын. Шинчымашым кыдалаш школышто, педучилищыште поген. Вара Магадан кундемыште туныктышылан, комсомол райком вуйлатышылан тыршен. Шочмо кундемышке пӧртылмеке, партий да комсомол пашам виктарен шоген. «Куженерский» кайык фабрикын вуйлатышыжлан, Кужэҥер райисполком вуйлатышылан шоген. Суапле пашажлан «Почёт Пале» орден да ятыр чап танык дене палемдалтын.
- 1946 ий — Евгений Александрович Кузнецов, шанче-технолог, Марий Эл Республикысе ялозанлыкын сулло пашаеҥже. Волжск олаште шочын. Шинчымашым Марий политехник институтышто поген, варажым Ленинград оласе академийыште аспирантурышто тунемын. 1968-ше ий гыч Волжск оласе целлюлозно-бумажный йӧндартыште слесарьлан, вара инженерлан ыштен. Вуйлатыше марте шуын. 1996-шо ийыште Юлсер кундем администраций вуйлатыше лийын. Технике шанче кандидат. Суапле пашажлан Почёт орден да ятыр чап танык дене палемдалтын.
- 1967 ий — Лариса Анатольевна Сидоркина. Морко район Шордур ялыште шочын. «Пӧрт воктене», «Гармонь койышет», «Шочмо кече», «Авамланде» муро-влакым йоҥгалтарыме дене кугу чапым налын. Марий Элысе кугыжаныш премийын лауреатше. Паша корныжо Марий тӱвыра рӱдер дене кылдалтын.
- 1978 ий — Наталия Александровна Алексеева, марий шанчызе, технике шанче кандидат.
Коленыт
Тугак ончо: Категорий:Шыжа тылзын 9 кечынже колышо-влак
Калык пале
- Лум йӧре йӱр йӱреш — январьыште лывыртен кертеш.
- Йӱр йӱреш гын, ночко игече эше кум арня шуйна.
- Кас ӱжара нарынче, шӧртнялге але ошалге-йошкарге тӱсан — сай игечылан.
- Иоанн Богословын кечыже. Ожно тиде кечын икымше лумым вученыт. Кече мучко кече шыратен онча гын — вес ийын июнь тылзе ночко да лавыртышан лиеш.
Палемдымаш
- ↑ How It Happened: Uganda Celebrates 52nd Independence Day Anniversary, 2014-10-09, <https://web.archive.org/web/20141010062611/http://chimpreports.com/uganda-celebrates-52nd-independence-day-anniversary/>. Тергыме: 9 шыжа 2014.
- ↑ Independence Day Celebrations (англ.). Uganda Media Centre (9 шыжа 2014). Тергыме кече: 9 шыжа 2014. Архивлыме 13 шыжа 2014 ий.