18 шыжа

←
→
Шыжа
← →Шыжа
	2026 ий

18 шыжа (18 октябрь) — григориан кечышот почеш идалыкын 291-ше (кужемдыме ийлаште — 292-шо) кечыже. Идалык пытыме марте 74 кече кодеш.

Йошкар-Олаште ☀️ Кече 6 шагатат 41 минутлан лектеш, 16 шагатат 55 минутлан шинчеш. Кечын кужытшо 🕒 10 шагатат 14 минут.
🌓 Икымше чырык (6.78 тылзе кече).

Пайрем да шарныктарыше кече-влак

— Кампеткын тӱнямбал кечыже (руш. Всемирный день конфет).
Казак-влак войскан чапшым шарныме кече (руш. День памяти войсковой казачьей славы).
Галстукын тӱнямбал кечыже (руш. Международный день галстука).
Менопаузын тӱнямбал кечыже (руш. Всемирный день менопаузы).
Шоколад кексын кечыже (руш. День шоколадного кекса).
Ӱдырамаш пиалын тӱнямбал кечыже (руш. Всемирный день женского счастья).

Лӱмгече

Алексей, Григорий, Матвей, Филипп.

Эртынчык-влак

Тугак ончо: Категорий:Шыжа тылзын 18 кечысе событий-влак

1867 — Аляскам Америкылан ужалыме.
1947 — Капустин Яр полигонышто икымше баллистический ракетым южыш колтымо.
1978 — Анатолий Карпов да Виктор Корчный коклаште шахмат турнир мучашлалтын. Тудо 3 тылзе шуйнен.

Марий тӱняште

1886 — Курыкмарий кундемысе Юлъял школым почмо.
1781 — Царевококшайск да Козьмодемьянск ола-влакын гербыштым пенгыдемденыт.

Шочыныт

Тугак ончо: Категорий:Шыжа тылзын 18 кечынже шочшо-влак

1890 — Яков Андреевич Эшпай, семлызе, музыковед-фольклорист, Марий Эл сымыктышын сулло пашаенже. Шкеже тудо Провой кундем Какшамарий гыч. Тудын усталыкше дене уло тÿня кугешна, вет Яков Андреевич шуко калык мурым поген, калык семÿзгар, симфоний да духовой оркестр-влаклан ятыр сочиненийым возен. Икманаш, марий профессионал музыклан тудо тÿналтышым пыштен. «Знак почёта» да Йошкар Знамя паша орден-влак дене палемдалтын. Тудын лÿмжым Йошкар-Олаште ик урем, Козьмодемьянск оласе тÿвыра полат нумалыт.
1924 — Зоя Павловна Подузова, Россий Федерацийын сулло туныктыш пашаеҥже. Киров велыште шочын. Санчурск педучилище деч вара шинчымашым Киров кундемысе педагогике институтышто келгемден. Марий кундемыш 1955-ше ийыште толын да Морко кыдалаш школышто руш йылмым туныкташ тӱҥалын: 26 ий ты пашаштак тыршен. Вуйлатышын алмаштышыже сомылымат шуктен. Ятыр методик книга-влакын авторжо.
1935 — Давлет Исламов, марий серызе, почеламутчо, журналист, СССР Серызе-влак ушемын йыжъеҥже (1977).
1939 — Мария Андреевна Айплатова, Марий Элын сулло туныктыш пашаеҥже. Морко кундем Айбакнур ялеш шочын. Паша корныжо Марий кугыжаныш педагогике институт дене кылдалтын. Тӱналтыш класс факультетыште кугурак туныктышылан тыршен.
1962 — Нина Геннадьевна Айварова, туныктыш пашаеҥ, психолог. Оршанка кундем Тошто Крешын ялыште шочын. Шымлыме пашаже «Этносознание» теме дене кылдалтын. Паша корныжо мӱндыр Хант-Мансийысе кугыжаныш университетыште шуйна. 2003-шо ийыште тусо педагогике да психологий кафедрын доцентше лийын. Психологий дене кандидатлык диссертацийым арален.
1974 — Валентина Григорьевна Гаврилова, марий йылмызе, шанчызе, туныктышо, филологий шанче кандидат (2003 ий), доцент (2006 ий).

Коленыт

Тугак ончо: Категорий:Шыжа тылзын 18 кечынже колышо-влак

Калык пале

Лум ок воч гын, теле вашке ок тол.
Харитинан кечыже. Ожно тиде кечын ӱдырамаш-влак вынерым куэныт, а пӧръеҥ-влак портышкемым ышташ тӱҥалыныт.