28 шыжа

← → Шыжа
Шч Кш Вр Из Кг Шм Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

28 шыжа (28 октябрь) — григориан кечышот почеш идалыкын 301-ше (кужемдыме ийлаште — 302-шо) кечыже. Идалык пытыме марте 64 кече кодеш.

Йошкар-Олаште ☀️ Кече 7 шагатат 4 минутлан лектеш, 16 шагатат 32 минутлан шинчеш. Кечын кужытшо 🕒 9 шагатат 28 минут.
🌕 Тичмаш тылзе (16.78 тылзе кече).

Пайрем да шарныктарыше кече-влак

• — Анимацийын тӱнямбал кечыже (руш. Международный день анимации).
• Школ книгагудын тӱнямбал кечыже (руш. Международный день школьных библиотек) — шыжа тылзын 4-ше шочмын палемдалтеш.
• Коча-кован кечыже (руш. День бабушек и дедушек).
• Дзюдон тӱнямбал кечыже (руш. Всемирный день дзюдо).
• Шыже Ефимий (руш. Ефимий Осенний).
• «Киндым шытештарыше» Шочынава юмоҥан пайремже (руш. Праздник иконы Божией Матери Спорительница хлебов).

Лӱмгече

• Ефим, Иван, Симон да Фадей.

Эртынчык-влак

Тугак ончо: Категорий:Шыжа тылзын 28 кечысе событий-влак

• 1922 — итальян фашист-влак Римым руалтен налаш маршыш тарваненыт.

Шочыныт

Тугак ончо: Категорий:Шыжа тылзын 28 кечынже шочшо-влак

• 1913 — Никандр Ильяков, курыкмарий серызе, поэт, драматург, кусарыше, СССР серызе-влак ушемын йыжыҥъеҥже (1940), Кугу Ачамланде сарын участникше.
• 1918 — Дмитрий Александрович Халтурин, партий пашаеҥ. Оршанке кундем Покровск ялыште кресаньык ешеш шочын. Кугу Ачаэл сар корным эртен, лӱддымылыкым ончыктымыжлан, талын кучедалмыжлан герой лӱмым сулен налын. Шинчымашым чодыра озанлын политехник институтыштыжо, Моско оласе экономик инситутышто поген. 1936-шо ий гыч Санчурск да Оршанке школлаште математикым да физика предметым туныктен. Паша корныжо кугу вольтан аппаратура завод дене кылдалтын: тушто тудо вуйлатышыланат тыршен. КПСС-ын 23-шо погынжын делегатше лийын.
• 1927 — Иван Никифорович Журавлёв, Украиныште паша герой, Марий республикын сулло машиначоҥышыжо. Кабардино-Балкарийысе кугыжаныш университетыште шинчымашым поген. Йошкар-Олашке 1973-шо ийыште толын да «Электроавтоматика» заводышто вуйлатышылан тыршаш тӱҥалын, оласе комитетыште, йӧндартыш министерствын пашаеҥже, а вара министр лийын. Кӱшыл погынын депутатше сомылымат шуктен. Тыршен пашам ыштымыжлан Иван Никифорович ятыр чап танык дене палемдалтын.

Коленыт

Тугак ончо: Категорий:Шыжа тылзын 28 кечынже колышо-влак

• 1996 — Лидия Владимировна Мосолова, совет да российысе театр да кино актрисе, театр педагог. СССР-ын калык артисткыже (1980). К. С. Станиславский лӱмеш РСФСР кугыжаныш премийын лауреатше (1975).
• 1997 — Иван Пантелеевич Макаров, совет кугыжаныш да партий пашаеҥ. СССР Кӱшыл Каҥашын V созывысе депутатше (1958—1962). Марий АССР Калык тергымаш комитетын председательже (1967—1974). 1939 ий гыч ВКП(б)-ын йыжыҥъеҥже. Кугу Ачамланде сарын салтакше.
• 2012 — Лидия Петровна Васикова, марий йылмызе, филологий шанче доктор, профессор, Марий АССР-ысе шанчын сулло пашаеҥже, Россий Федерацийысе шанчын сулло пашаеҥже, Эстон Республикын 5-ше степенян «Маарьямаа Ырес» орденын кавалерже.

Калык пале

• Эрдене кече пыл йымач лектеш гын, сай игече ок лий.
• Эр кече валне пыл уло гын, сай игечым вучыман огыл.
• Шыжа йӱр йӱштӧ толшашым шижтара.
• Ефимийын кечыже. Ожно калык тыге манын: «Ефимий пӱртӱсым телылан малаш пышта».

Палемдымаш