22 шыжа

←
→
Шыжа
← →Шыжа
	2026 ий

22 шыжа (22 октябрь) — григориан кечышот почеш идалыкын 295-ше (кужемдыме ийлаште — 296-шо) кечыже. Идалык пытыме марте 70 кече кодеш.

Йошкар-Олаште ☀️ Кече 6 шагатат 50 минутлан лектеш, 16 шагатат 46 минутлан шинчеш. Кечын кужытшо 🕒 9 шагатат 55 минут.
🌔 Ешаралт толшо тылзе (10.78 тылзе кече).

Пайрем да шарныктарыше кече-влак

Тутынышо еҥ-влакын тӱнямбал кечышт (руш. Международный день заикающихся людей).
Яков Дровопилец (руш. Яков Дровопилец).
Корсунысо Шочынава юмоҥан пайремже (руш. Праздник Корсунской иконы Божией Матери).
Ош турнян пайремже (руш. Праздник Белых журавлей).

Лӱмгече

Абрам, Афанасия, Максим, Петр, Яков.

Событий-влак

Тугак ончо: Категорий:Шыжа тылзын 22 кечысе событий-влак

1938 — изобретатель Честер Карлсон историйыште икымше гана ксерокопийым ыштен.
1962 — Карибский кризис тӱҥалын. США-н президентше Джон Кеннеди Куба дене экономический кылым кӱрлын.
1990 — Горький олалан тудын ончычсо лӱмжымак пӧртылтымӧ.

Марий тӱняште

1990 — Марий Эл Республикын суверенный улмыжым увертарыме.

Шочыныт

Тугак ончо: Категорий:Шыжа тылзын 22 кечынже шочшо-влак

1896 — Яков Николаевич Тюлькин, Совет Ушемын Талешкыже. Марий Турек район Руш Купто ялыште шочын-кушкын. Граждан сар корным эртен. Кугу Ачамланде сарыште кредалын. Пулемёт расчётын командирже лийын. Днепр эҥерым форсироватлыме годым тушманым чактарен кертын да шкенан-влаклан вончаш полшен. Сар деч вара Ставропольышто илен.
1915 — Александр Ягельдин, марий серызе, туныктышо, Кугу Ачамланде сарын участникше.
1953 — Евгений Юрьевич Марков, Марий Элысе образованийын сулло пашаеҥже, Россий федерацийысе физкультурын отличникше. Советский район Шудасола ялыште шочын-кушкын. Илыш корныжым тудо спорт да физкультур дене кылден. 1988-ше ий гыч Кельмаксола кыдалаш школышто туныктышылан тыршаш тӱҥалын. Ялысе школышто таза кап-кылым шуарыме методик книган авторжо. Евгений Юрьевич кажне ийын тазалык да спорт фестивальым эртарымыже дене кугу пагалымашым сулен. Спорт да туризмын ветеранже.
1954 — Александр Львович Маклыгин, семлызе, Россий Федераций сымыктышын сулло пашаеҥже. Киров вел Куммер ял гыч. Йошкар-Оласе музык училищыште, Озаҥ, Моско оласе консерваторийлаште тунемын. Паша корныжо Озаҥ оласе консеваторий дене кылдалтын. Искусствоведений доктор. Марий Элысе шанчын сулло пашаеҥже.
1966 — Татьяна Викторовна Батракова, сӱретче, Марий Элысе кугыжаныш премийын лауреатше. Киров вел Ӱлыл Пузинер ялеш шочын. Паша корныжо 1988-ше ийыште тӱҥалын: курчак театрыште бутафор, оформитель лийын. Вара Республикысе курчак театрыште художник-постановщиклан тыршаш тӱҥалын. «После дождичка» спектакльлан кугыжаныш премийымат налын.

Коленыт

Тугак ончо: Категорий:Шыжа тылзын 22 кечынже колышо-влак

2014 — Юрий Сергеевич Белков, совет да россий сӱретче, 1961 ий гыч СССР сӱретче-влак ушемын йыжыҥъеҥже. Россий Федерацийын сулло сӱретчыже (2005). Кугу Ачамланде сарын участникше.
2014 — Ринат Ибрагимович Сафин, совет биатлонист, олимпий чемпион (1972), ныл гана тӱнямбал чемпион, СССР-ын сулло спорт мастерже (1969).

Калык пале

Лыстанвӱнчӧ (лиственнице) гыч име-шамыч але велын огыт пыте гын, телым лум шагал лиеш да вашке шулен пыта.
Эрдене йӱршӧ йӱр каслан лум лийшашым шижтара.
Яковын кечыже. Тиде кечын ожно телылан пум ямдыленыт: пӱчкыныт, нӱжыныт, руэныт, шелыштыныт…