26 шыжа

←
→
Шыжа
← →Шыжа
	2026 ий

26 шыжа (26 октябрь) — григориан кечышот почеш идалыкын 299-ше (кужемдыме ийлаште — 300-шӧ) кечыже. Идалык пытыме марте 66 кече кодеш.

Йошкар-Олаште ☀️ Кече 6 шагатат 59 минутлан лектеш, 16 шагатат 37 минутлан шинчеш. Кечын кужытшо 🕒 9 шагатат 37 минут.
🌕 Тичмаш тылзе (14.78 тылзе кече).

Пайрем да шарныктарыше кече-влак

Россий — Автомобилистын кечыже (руш. День автомобилиста) — шыжа тылзын пытартыш рушарнянже.
Гимнастикын кечыже (руш. День гимнастики) — шыжа тылзын пытартыш шуматкечынже.
Вучыдымо тамлын пайремже (руш. Праздник приятных неожиданностей).
Иверийысе Шочынава юмоҥан пайремже (руш. Праздник Иверской иконы Пресвятой Богородицы).
Кавун кече (руш. День тыквы).

Лӱмгече

Вениамин, Иннокентий, Карп, Никита.

Эртынчык-влак

Тугак ончо: Категорий:Шыжа тылзын 26 кечысе событий-влак

1932 — Совет Ушемын кӱшыл руководствыжо писатель Максим Горькийын мöҥгыштыжö погынен, моло писатель-влак дене вашлиймашым эртарен.
1955 — Кечывалвел Вьетнам посна кугыжаныш улмыжо нерген увертарен, рӱдö олалан Сайгон шотлалтын.

Шочыныт

Тугак ончо: Категорий:Шыжа тылзын 26 кечынже шочшо-влак

1909 — Николай Николаевич Чхеидзе, совет ялозанлык пашаеҥ, агроном-шанчызе. Марий ялозанлык опыт станцийысе директорын алмаштышыже (1946—1949), Марий АССР-ысе Ялозанлык кушкыл-влакын сортыштым тергыме шотышто кугыжаныш комиссий инспектурын начальникше (1953—1981). РСФСР-ын сулло агрономжо (1976). Кугу Ачамланде сарын участникше. ВКП(б)-ын йыжыҥъеҥже.
1914 — Илья Самуилович Блюм, совет да российысе йӧнозанлык вуйлатыше, мер-политик пашаеҥ. Йошкар-Оласе полупроводник арвер-влак заводын (ЗПП) директоржо (1966—1976), Йошкар-Оласе директор-влак каҥашын председательже. Марий АССР-ысе шанчын да техникын сулло пашаеҥже (1967). Йошкар-Олан чапланыше гражданинже (1977). Ленин орденын кавалерже (1971).
1931 — Геннадий Николаевич Медведев, сӱретче. Морко кундемысе Тыгыде Морко ял гыч. 1969—1971 ийлаште Морко калык театрыште постановщиклан тыршен. Вара Волгоград велыш каен. Ким Васинын, Валентин Колумбын да моло кумдан палыме марий еҥын портретыштым сӱретлен.
1952 — Алексей Русаевич Изибаев-Бирь, мурызо, композитор, Марий Эл Республикысе Олык Ипай лӱмеш Кугыжаныш самырыктукым премийын лауреатше (1998), Марий Эл Республикын сулло артистше (1998). Пошкырт кундем Мишкан районын шочын. Паша корныжо Москонцерт дене кылдалтын. «Лилия», «Августысо писте», «Пиал корно», «Чевер сай» мурыжо-влак сайын палыме улыт.

Коленыт

Тугак ончо: Категорий:Шыжа тылзын 26 кечынже колышо-влак

1996 — Михаил Якимов, марий серызе, поэт, журналист, кусарыше, СССР серызе-влак ушемын йыжыҥъеҥже (1956).
1997 — Фёдор Васильевич Веселов, марий совет озанлык пашаеҥ, агроном. Машина-трактор станцийым вуйлатыше, Марий АССР-ысе Волжский район Памар селасе «За коммунизм» колхозын председательже (1955–1985). Кугу Ачамланде да совет-япон сар-влакын участникше. 1945 ий гыч ВКП(б)-ын йыжыҥъеҥже.
2007 — Геннадий Иванович Киселёв, совет чодыра озанлык специалист. Марий АССР-ысе Шернур чодыра озанлыкын директоржо (1951—1976). РСФСР-ын сулло чодыразыже (1966). Марий Элысе Шернур посёлкын чапланыше гражданинже (1999). Кугу Ачамланде сарын салтакше.

Калык пале

Кава шемалге-канде, кӱкшын коеш — шокшылан.
Пыл-шамыч кечывалвел могыр гыч кава мучко писын каят гын, лишыл жапыште игече локтылалтеш.
Иверский юмоҥан кечыжым палемдат. Ты юмоҥа ончылно еҥ-влак сурт-оралтым тул деч аралаш, неле-йöсылык годым чоным куштылемдаш йодын кумалыт.