Соснов, Александр Яковлевич

РУВИКИ — эрыкан энциклопедий гыч материал
Александр Яковлевич Соснов
Соснов, Александр Яковлевич.jpg
Шочмо кече 15 пеледыш 1949(1949-06-15)
Шочмо вер
Колымо кече 15 шорыкйол 2021(2021-01-15) (71 ий)
Колымо вер
Гражданлык  СССР →  Россий
Паша сомыл композитор, педагог
Награде да премий
Марий АССР-ысе тӱвыран сулло пашаеҥже[d] (1986) РСФСР калык просвещенийын отличникше[d] (1989) Россий Федерацийысе тӱвыран сулло пашаеҥже Пашан ветеранже[d] (2002)

Александр Яковлевич Соснов (15 пеледыш 1949, Шопкер (Виловат ял шотан илем), Курыкмарий район, Марий Автоном Совет Социализм Республик, РСФСР[d], СССР — 15 шорыкйол 2021, Чыкма, Марий Эл Республик, Россий) — курыкмарий совет да россий тӱвыра пашаеҥ, композитор, туныктышо. Марий АССР Курыкмарий район Виловат селасе йоча сем школын туныктышыжо, директоржо (1970—1987). Россий Федераций тӱвыран сулло пашаеҥже (2001).

Илыш корныжо

1949 ий 15 пеледышыште кызытсе Марий Эл Курыкмарий район Шопкер ялысе кресаньык ешеш шочын[1][2][3].

1970 ийыште И. С. Палантай лӱмеш Йошкар-Оласе сем училищым, 1979 ийыште — И. Я. Яковлев лӱмеш Чуваш кугыжаныш туныктышо университетым тунем пытарен[1][2].

1970 ий гыч — шочмо районысо Виловат селаште: туныктышо, йоча сем школ директор, верысе Тӱвыра пӧрт пелен калык муро да куштымаш ансамбльын концертмейстерже[1][2][4].

2021 ий 15 роштошто Марий Элын Чыкма олаштыже илыш дене чеверласен[5].

Музык пашаже

1970 ийыште МАССР Курыкмарий район Виловат Тӱвыра пӧртыштӧ «Шäлä» («Салам») мурышо-семӱзгар ансамбльым, «У сем» (1991), «Весела тäнгвлä» («Весела таҥ-влак») (1994) мурышо ансамбль-влакым чумырен[1][2]. Тиде тӱшка-влаклан мурым да семӱзгар пьесе-влакым возен, марий калык сем-влакым келыштарен[4].

Курыкмарий поэт-влак дене пырля (И. Горный, Н. Егоров да молат) кугыеҥ да йоча-влаклан 100 утла мурым возен, икмыняр мурыжо калыкыште кумдан шарлен. Нине муро-влак таче мартеат марий радио да телевидений эфирыште веле огыл, пошкудо «Юл да Урал коклаште» («Между Волгой и Уралом»), Пӱтынь ушемысе радион «Пасу почто» («Полевая почта»), «Рвезылык» («Юность») программылаштышт йоҥгат[4][6].

Тыгак «Самырык юк» йоча муро сборникым (1997) да «Туан сем» («Шочмо сем») калык муро сборникым (2000) чумырышо семын палыме[1][2].

2001 ийыште тӱвыра аланысе суап пашажлан да шуко ий тыршымыжлан «Россий Федераций тӱвыран сулло пашаеҥже» чаплӱмым пуымо[1][2]. Оҥыш пижыктыме тамга да медаль-влак, нунын коклаште «Пашан ветеранже» медаль дене палемдалтын.

Суапшым аклымаш

Палемдымаш

  1. ↑ 1 2 3 4 5 6 7 8 Мочаев, 2017, с. 417.
  2. ↑ 1 2 3 4 5 6 7 8 Энциклопедия Республики Марий Эл, 2009, с. 725.
  3. ↑ Шапкилей | Родная Вятка. rodnaya-vyatka.ru. Тергыме кече: 23 пургыж 2026. Архивлыме 8 вӱдшор 2024 ий.
  4. ↑ 1 2 3 4 5 Горномарийская библиотека (руш.) (15 теле 2020). Тергыме кече: 23 пургыж 2026. Архивлыме 8 вӱдшор 2024 ий.
  5. ↑ ВКонтакте | ВКонтакте. m.vk.com. Тергыме кече: 23 пургыж 2026. Архивлыме 8 вӱдшор 2024 ий.
  6. ↑ Соснов Александр. records.su. Тергыме кече: 23 пургыж 2026. Архивлыме 8 вӱдшор 2024 ий.
  7. ↑ Соснов Александр Яковлевич – Награды России, 2001-10-11. ru.nagrady.by. Тергыме кече: 23 пургыж 2026. Архивлыме 8 вӱдшор 2024 ий.

Литератур

  • Иванов А. Верю в песню // Ленинский путь. 1974. 24 августа.
  • Эшполдина Э. О ВИА «Шӓлӓ» (Привет) // Ленинский путь. 1975. 21 январь.
  • Панфилова А. Виловатовские вечера // Ленинский путь. 1975. 11 марта.
  • Кульшетова Л., Чеснокова В. Шочеш сылне сем (Звучит прекрасная музыка) // Марий коммуна. 1982. 24 январь.
  • Кульшетова Л., Чеснокова В. Самодеятельные композиторы // Министерство культуры МАССР, РНМЦ. — Йошкар-Ола, 1984.
  • Еропов Н. Талант // Ленинский путь. 1986. 28 июня.
  • Еропов Н. Виловат вел шӱшпык (Виловатовский соловей) // Марий коммуна. 1987. 20 июнь.
  • Фадеева В. А. Я. Соснов. Село Виловатово и его окрестности. — Козьмодемьянск. 1994.
  • Соснов А. Мыры шӱмыш вазеш (Песня проникает в сердце) // У сем. — 1995. — № 3.
  • Чеботкина Н. Кырык сир гыч композитор (Горномарийский композитор) // Кугарня. 1996. 9 август.
  • Ачам, авам луктыч мыйым сем корныш (Родители вывели меня на песенную дорогу) // Кугарня. 1999. 16 июня.
  • Газетов В. М. Соснов Александр Яковлевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 343. — 2032 экз. — ISBN 5-87898-357-0.
  • Соснов Александр Яковлевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 725. — 872 с. — 3505 экз. — ISBN 978-5-94950-049-1.
  • Газетов В. М., Мочаев В. А. Соснов Александр Яковлевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 417. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Соснов,_Александр_Яковлевич&oldid=1210929" гыч налме