Лавров, Дмитрий Дмитриевич
| Дмитрий Лавров | |
|---|---|
 | |
| Шочмо кече | 5 пеледыш 1947 |
| Шочмо вер | |
| Колымо кече | 1 теле 2018 (71 ий) |
| Колымо вер | |
| Гражданлык |
 СССР →  Россий |
| Паша сомыл | театр педагог, режиссёр |
| Награде да премий |
|
Дми́трий Дми́триевич Лавро́в (5 пеледыш 1947, Угарман — 1 теле 2018, Йошкар-Ола) — совет да российысе тӱвыра пашаеҥ, режиссёр, театр педагог. Марий АССР-ысе тӱвыра министрын алмаштышыже (1986—1987), Марий Эл Республикысе тӱвыра, печать да калык-влакын пашашт шотышто министрын икымше алмаштышыже (2001—2007). Марий АССР-ысе Калык усталык пӧртын директоржо (1982—1986), И. С. Палантай лӱмеш Марий республикысе тӱвыра да сымыктыш колледжын туныктымо да шанче-методике паша шотышто директорын алмаштышыже (1992—2001). Россий Федерацийысе тӱвыран сулло пашаеҥже (2012), Марий Эл Республикысе тӱвыран сулло пашаеҥже (1997). О. Ипай лӱмеш Марий Эл Республикысе Самырык-влак ушемын премийжын лауреатше (1992) да Й. Кырля лӱмеш Марий Эл Республикысе Калык театр премийын лауреатше.
Илыш корно
1947 ий 5 июньышто Горький олаште тоштер пашаеҥын ешыштыже шочын. 1971 ийыште Москосо тӱвыра институтым, 1997 ийыште — Сценысе усталык пашаеҥ-влакын Кӱшыл школыштым тунем лектын.
1978 ий марте Мордовий АССР-ысе Ардатов оласе культпросветучилищын туныктышыжо лийын. Ардатовысо училищым петырымеке, 1978 ий гыч Йошкар-Олаште илен да Марий культпросветучилищыште (кызыт — И. С. Палантай лӱмеш Марий республикысе тӱвыра да сымыктыш колледж) режиссур ден актёр мастарлык туныктышылан пашам ыштен[1]. 1982—1986 ийлаште Марий АССР-ысе Калык усталык пӧртын директоржо лийын.
1986—1987 ийлаште Марий АССР-ысе тӱвыра министрын алмаштышыжлан, 2001—2007 ийлаште — Марий Эл Республикысе тӱвыра, печать да калык-влакын пашашт шотышто министрын икымше алмаштышыжлан тыршен. 1992—2001 ийлаште И. С. Палантай лӱмеш Марий республикысе тӱвыра да сымыктыш колледжын туныктымо да шанче-методике паша шотышто директоржын алмаштышыже лийын[1].
2018 ий 1 декабрьыште Йошкар-Олаште колен. Угарман оласе Бугровский шӱгарлаште тойымо.
Театр-педагогике паша
Йошкар-Оласе массовый пайрем-влакын режиссёржо семын палыме лийын.
1999 ийыште И. С. Палантай лӱмеш Марий республикысе тӱвыра да сымыктыш колледж пелен студент-влакын «Дебют» тунемме театрыштым ыштен да тудым вуйлатен[2][1].
2001 ий гыч — Юл кундемысе тӱвыра да сымыктыш тунемме тӧнеж-влакын театр пӧлка-шамычын «Театральное студенчество» Калык-влак кокласе фестиваль-лабораторий-влакым эртарымын инициаторжо да художественный вуйлатышыже лийын[3][1][2].
Шарнымаш
2019 ий гыч «Театральное студенчество» фестиваль-лабораторий тудым негызлыше Д. Д. Лавровын лӱмжым нумалеш[2].
Чаплӱм да суаптар-влак
- Россий Федерацийысе тӱвыран сулло пашаеҥже (2012)[4];
- Марий Эл Республик тӱвыран сулло пашаеҥже (1997)[4];
- О. Ипай лӱмеш Марий Эл Республикысе Самырык-влак ушемын премийже (1992)[4];
- Й. Кырля лӱмеш Марий Эл Республикысе Калык театр премий;
- «Паша ветеран» медаль[4].
Палемдымаш
- ↑ 1 2 3 4 Некролог. mrkkii.ru. Тергыме кече: 23 сорла 2025. Архивлыме 24 вӱдшор 2021 ий.
- ↑ 1 2 3 Театральное отделение - Марийский республиканский колледж культуры и искусств. mrkkii.ru. Тергыме кече: 23 сорла 2025. Архивлыме 24 вӱдшор 2021 ий.
- ↑ «Театральное студенчество – 2013». mari-el.gov.ru. Тергыме кече: 23 сорла 2025. Архивлыме 24 вӱдшор 2021 ий.
- ↑ 1 2 3 4 Дмитрий Дмитриевич Лавров (руш.). www.marpravda.ru. Тергыме кече: 23 сорла 2025. Архивлыме 24 вӱдшор 2021 ий.
Литератур
- Лавров Дмитрий Дмитриевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 207. — 2032 экз. — ISBN 5-87898-357-0.
- Соловьёва И. Ю., Мочаев В. А., Клёнов А. М. Лавров Дмитрий Дмитриевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 246. — 606 с. — 1500 экз. — ISBN 978-5-905314-35-3.
Кылвер-влак
- Газета «Марийская правда». 18.07.2022. Оленёва М. «У него случился пожизненный роман с педагогикой»: вспоминая заслуженного работника культуры РФ и Марий Эл Дмитрия Лаврова.
- Марийский республиканский колледж культуры и искусств им. И. С. Палантая. Некролог.
- Газета «Марийская правда». Вечная память. Дмитрий Дмитриевич Лавров.
- Министерство культуры, печати и по делам национальностей Республики Марий Эл. 23.10.2019. «Театральное студенчество»: продолжение следует.