Шеин, Пётр Васильевич

РУВИКИ — эрыкан энциклопедий гыч материал
Пётр Васильевич Шеин
Шеин, Пётр Васильевич.jpg
Шочмо кече 5 пеледыш 1907(1907-06-05)
Шочмо вер
Колымо кече 27 кылме 1982(1982-11-27) (75 ий)
Колымо вер
Гражданлык  Россий империй →  СССР
Паша сомыл партий пашаеҥ, депутат, озанлык пашаеҥ
Награде да премий

Орден Трудового Красного Знамени — 1942 Орден «Знак Почёта»  — 1951 SU Medal For Valiant Labour in the Great Patriotic War 1941-1945 ribbon.svg Медаль «За трудовое отличие» — 1955 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Пётр Васи́льевич Шéин (5 пеледыш 1907, Чыкма, Озаҥ губерний, Россий империй — 27 кылме 1982, Йошкар-Ола, Марий Автоном Совет Социализм Республик, РСФСР[d], СССР) — совет администраций-озанлык да партий пашаеҥ. Марий АССР Кӱшыл Каҥашын I созывысе Президиум вуйлатышын алмаштышыже (1938—1947). «Маритранслес» трестын вуйлатышыже, директоржо (1944—1956). ВКП(б)-ын йыжыҥъеҥже.

Илыш корныжо

1907 ий 5 июньышто кызытсе Марий Элын Чыкма олаштыже шочын[1].

1926—1929 ийлаште Чыкмасе шолым волтышо конторышто апшатлан тыршен. Вара партий пашаш куснен: Роҥго райисполком вуйлатыше, 1937—1938 ийлаште — Марий АССР мланде паша наркомын алмаштышыже[1].

1939 ий гыч ВКП(б) Марий обкомышто  (руш.) (мар.: кадр секторым вуйлатыше, 1940 ий гыч — чодыра пӧлкам вуйлатыше, 1941 ий гыч — чодыра йӧнозанлык шотышто секретарь[1]. Кугу Ачамланде сар жапыште Марий АССР-ын Волжский да Звенигово районлаштыже Юл эҥерын эрвел серыштыже пеҥгыдемдыме чоҥыш-лондем-влакым чоҥымаште вуйлатыше семын палыме (1943 ий марте)[2][3].

1944—1956 ийлаште «Маритранслес» трестым вуйлатен. Вара 116-шо №-ан Чоҥышо трест комбинатын директоржо, Йошкар-Оласе йӧнозанлык комбинатын, 1966—1968 ийлаште — Йошкар-Оласе чодыра йӧнозанлыкын директоржо лийын[1].

1938—1959 ийлаште Марий АССР Кӱшыл Каҥашын  (руш.) (мар. I—IV созывысе депутатшылан сайлалтын, тыгодымак 1938—1947 ийлаште МАССР Кӱшыл Каҥаш Президиум Вуйлатышын алмаштышыже лийын[4][2][5].

Тудын шуко ияш вуйлатыме-озанлык да депутат пашаже Паша Йошкар Тисте, «Почёт пале» орден-влак, медаль-влак, нунын коклаште «1941-1945 ийласе Кугу Ачамланде сарыште чолга пашалан», «Пашаште ойыртемалтмылан» медаль-влак, тыгак Марий АССР Кӱшыл Каҥаш Президиумын 4 Чаптаныкше дене суапландаралтын[1][2].

1982 ий 27 ноябрьыште Йошкар-Олаште илыш дене чеверласен[1].

Суаптар-влак

Палемдымаш

  1. ↑ 1 2 3 4 5 6 7 8 9 Мочаев, 2007, с. 403.
  2. ↑ 1 2 3 4 5 Листая страницы истории К 100-летию Республики Марий Эл Верховный Совет в годы Великой Отечественной войны. yoshkarola.bezformata.com. Тергыме кече: 25 пургыж 2026.
  3. ↑ Республика марий эл они защищали родину вспомним их поименно - Документ. textarchive.ru. Тергыме кече: 25 пургыж 2026.
  4. ↑ Официальный сайт Госсобрания Республики Марий Эл. old.gsmari.ru. Тергыме кече: 25 пургыж 2026.
  5. ↑ Доклад "Законодательная власть Марийской АССР – Республики Марий Эл. История в 70 лет" (стр. 5 ) | Контент-платформа Pandia.ru. pandia.ru. Тергыме кече: 25 пургыж 2026.

Литератур

  • Андреев В. П. Страницы истории развития промышленности Марийской АССР (1945―1980 гг.) / В. П. Андреев; Мар. гос. техн. ун-т. ― Йошкар-Ола: Мар. гос. техн. ун-т, 1999. ― 129, [1] с.: ил., карт., портр.; 20 см; ISBN 5-8158-0051-1.
  • Шеин Пётр Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 403. — 2032 экз. — ISBN 5-87898-357-0.
  • Тресцов Б. И., Мочаев В. А. Шеин Пётр Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 498. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Шеин,_Пётр_Васильевич&oldid=1210879" гыч налме