4 идым

← → Идым
Шч Кш Вр Из Кг Шм Рш   1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2026 ий

4 идым (4 сентябрь) — григориан кечышот почеш идалыкын 247-ше (кужемдыме ийлаште — 248-ше) кечыже. Идалык пытыме марте 118 кече кодеш.

Йошкар-Олаште ☀️ Кече 4 шагатат 57 минутлан лектеш, 18 шагатат 39 минутлан шинчеш. Кечын кужытшо 🕒 13 шагатат 41 минут.
🌗 Пытартыш чырык (21.84 тылзе кече).

Пайрем да шарныктарыше кече-влак

• — Тхэквондон тӱнямбал кечыже (руш. Международный день тхэквондо.
•  Россий — Ядер ситарымаш шотышто специалистын кечыже (руш. День специалиста по ядерному обеспечению).
• Идым Агапон (руш. Агафон Огуменник).
• Ир пӱртӱсын кечыже (руш. День дикой природы).
• Чилисе аракан кечыже (руш. День чилийского вина).
• Ласкалык кече (руш. День оттяга).

Лӱмгече

• Католик лӱм-влак: Екатерина, Моисей, Розалия.
• Православий лӱм-влак: Агафоник, Акиндин, Александр, Алексей, Анфуса, Ариадна, Афанасий, Боголеп, Василий, Гавриил, Горазд, Евлалия, Зинон, Зотик, Иван, Иерофей, Иларион, Ириней, Исаакий, Макарий, Михаил, Неофит, Ор, Оропс, Парфений, Севериан, Феликс, Феодор, Феодора, Феопрепий, Харисим.

Эртынчык-влак

Тугак ончо: Категорий:Идым тылзын 4 кечысе событий-влак

• 1833 ий — Озаҥыш толшо руш поэт А. С. Пушкин Козьмодемьянск уездысе южо марий яллашке пурен коштын.
• 1781 ий — Лос-Анджелес олалан негызым пыштыме.
• 1888 ий — Джордж Истман «Кодак» фоткамерлан патентым налын.
• 1975 ий — «Мо? Кушто? Кунам?» телепрограммын икымше эфирже лийын.

Шочыныт

Тугак ончо: Категорий:Идым тылзын 4 кечынже шочшо-влак

• 1895 ий — Иван Кузьмич Конышев, СССР Сарзе-теҥыз флотын сер орол службын генерал-майоржо, Граждан, совет-финн да Кугу Ачамланде сар-влакын участникше.
• 1925 ий — Зотов, Евгений Иванович, совет да российысе партий, озанлык да муниципал пашаеҥ.
• 1940 ий — Владимир Васильевич Тарков, российысе кугыжаныш да администраций пашаеҥ. Марий Элысе Йошкар-Ола администрацийын вуйлатышыже (2000—2004). Российын чапланыше чоҥышыжо, РСФСР-ын сулло чоҥышыжо (1991). КПРФ йыжыҥъеҥ.
• 1948 ий — Вячеслав Александрович Кислицын, кугыжаныш пашаеҥ, Марий Эл Республикын кокымшо Президентше. Марий Турек район Косолоп селаште шочын. Паша корныжо Медведево кундемысе спорткомитетыште тӱҥалын, 7 ий гыч «Победитель» колхоз вуйлатышылан шогалын, а 1992-шо ий гыч администраций пашашке куснен. 1997—2001-ше ийлаште Марий Эл республикын президентше лийын. Экономике шанче кандидат.
• 1949 ий — Валентина Алексеевна Рыбакова, туныктыш пашаеҥ, Марий Эл Республикын калык туныктышыжо. Йошкар-Олаште шочын. Паша корныжо Медведево кундемысе тӱрлӧ школ дене кылдалтын. 1980-ше ий гыч Медведево посёлкысо 1-ше №-ан школ вуйлатышын алмаштышыже сомылым шукташ тӱҥалын, 1994-ше ийыште шкежак вуйлатыше лийын.
• 1947 ий — Анатолий Николаевич Иванов, партий да кугыжаныш пашаеҥ, Марий Эл Республикысе тӱвыран сулло пашаеҥже палемда. Морко кундемысе Изи Корамас ялыште шочын. Паша корныжо Марий машина чоҥышо заводышто тӱҥалын: тыштак партий пашаште шуаралтын. 1998-ше ий гыч кугыжаныш пашаш куснен: Марий Эл президент администрацийын, виктерысе тӱвыра да калык-влак кокласе паша шотышто пӧлкан вуйлатышыже лийын.
• 1961 ий — Василий Васильевич Воробьёв, кино пашаеҥ. Угарман кундемысе Вахтан посёлкышто шочын. Паша корныжо Марий Элысе фильмофонд дене кылдалтын. Василий Васильевич Россий кӱкштыштӧ этнофильм фестивальым эртарашлан кугу надырым пыштен.
• 1966 ий — Валерий Васильевич Душев, спортсмен. Килемар кундем Широкундыш ялыште шочын-кушкын. Бизнес пашаштат кугу кӱкшытыш шуын. Самбо да дзюдо дене спорт мастер.
• 1985 ий — Тамара Геннадьевна Ситникова, эстраде мурызо. Медведево район Комино ял гыч.
• 1975 ий — Игорь Витальевич Актуганов, театр артист, Марий Эл Республикын Калык артистше (2017 ий). Провой кундем Эҥервож ял гыч. Марий самырык театр дене кылдалтын. Олык Ипай лӱмеш кугыжаныш премийын лауреатше.

Коленыт

Тугак ончо: Категорий:Идым тылзын 4 кечынже колышо-влак

Калык пале

• Пӱкш да поҥго шагал гын, теле йӱштӧ да луман лийшаш.
• Агафонын кечыже. Ожно тиде кечын еҥ-влак шке идымыштым, амбарыштым ороленыт. Нунын шонымышт почеш, пасуводыж ӱчым ыштен, тӱрлӧ азапым конден кертеш. Сандене чыланат оролаш лектыныт: но ончыч ӱмбал вургемыштым савырен чиеныт да кидышкышт тулвондым налыныт. Тиде тулвондо дене йырет мландым удыралат гын, пасуводыж тыйым ок тӱкале – манын шоненыт.

Палемдымаш