Зотов, Евгений Иванович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Зотов.
Евгений Иванович Зотов
Зотов, Евгений Иванович.jpg
Шочмо кече 1925 ий 4 идым(1925-09-04)
Шочмо вер Изи Морко ял, Уржум уезд, Вятке губерний, РСФСР
Колымо кече 2018 ий 6 сӱрем(2018-07-06) (92 ий)
Колымо вер Йошкар-Ола, Марий Эл, Россий
Гражданлык  СССР →  Россий
Паша сомыл партий, озанлык да муниципал пашаеҥ
Награде да премий

Орден Трудового Красного Знамени — 1971 Орден Славы III степени Орден Отечественной войны I степени— 1985 Медаль «За отвагу» (СССР) — 1944 Медаль «За отвагу» (СССР) — 1945 SU Medal For the Capture of Vienna ribbon.svg Медаль «За победу над Германией в Великой Отечественной войне 1941—1945 гг.» Медаль «За трудовое отличие» — 1965 Бронзовая медаль на красной ленте.png Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» «Пожарыште лӱддымылыклан» медаль (СССР) — 1973 Почётная грамота Президиума Верховного Совета РСФСР — 1975
Йошкар-Олан почётан гражданинже (1995)
Марий Эл Республикын Советский районысо почётан гражданинже (2000)

Евгений Иванович Зотов (1925 ий 4 сентябрь Изи Морко ял, Уржум уезд, Виче губерний — 2018 ий 6 июль, Йошкар-Ола, Марий Эл) — совет да российысе партий, озанлык да муниципал пашаеҥ. Пашазе-шамычын Йошкар-Оласе депутат-влак Каҥаш исполком председательже (1968–1981). Йошкар-Олан почётан гражданинже (1995). Марий Эл Республикысе Советский районын почётан гражданинже (2000). Кугу Ачамланде сарын участникше, подполковник (1951).

Илыш корныжо

1925 ий 4 сентябрьыште кызытсе Виче кундемын Уржум велысе Изи Морко ялыште кресаньык ешеш шочын. 1932—1936 ийлаште шочмо верысе Изи Морко школышто тунемын. Уржум вел Поса (Шопкер) селаште тичмаш огыл кыдалаш школым тунем пытарен, Нартас ялозанлык техникумышто тунемын[1].

1943 ий 8 январьыште РККА-ш налыныт. Карел да 3-шо Украин фронтлаште кредалын: 98-шо гвардийысе Йошкартистан Александр Невский орденан юж-десант дивизийыште разведчик лийын, разведчик-влак пӧлкан командирже[1]. Старшина гыч подполковник марте кушкын[2].

Кок гана Моско оласе Йошкар площадьыште Сеҥымаш Парадыште лийын[1].

1951 ий мартыште, демобилизаций деч вара, Марий АССР-ыш пӧртылын. Марий туныктыш институтым да Угарманысе кӱшыл партий школым тунем пытарен[3]. Партий да озанлык органлаште тыршен: МАССР Совминын аппаратыштыже, Марий Турек райисполкомышто председательын алмаштышыжлан, вара Советский район КПСС комитетыште да исполкомышто[1]. Зотов годым Советский посёлко чот вашталтын: тыште Тӱвыра пӧрт, эмлымвер, сай унагудо, чыла шотыштат йӧнан икымше илыме пӧрт-влак нӧлталтыныт, роза пеледышан сквер негызлалтын[4].

1968 ий ноябрь гыч 1981 ий июль марте Е. И. Зотов — Пашазе-шамычын Йошкар-Оласе депутат-влак Каҥаш исполкомын председательже. Йошкар-Ола олан Какшан эҥер серысе ужашыштыже илыме пӧрт-влакымым чоҥаш темлен. Тудын тыршымыжлан кӧра, инженер сеть-влакым уэш чоҥен кумдаҥдыме, эҥер вес велысе кумдыкым йӧнандарен, кушкыл дене ужартарыме, ятыр илыме верым, тӱвыра да йӧнлык, торгайыме верым чоҥымо[1].

Марий АССР Кӱшыл Каҥашын VII—X созывысе депутатшылан сайлалтын (1969—1985)[3].

Ола озанлыкым вияҥдымашке кугу надырым пыштымыжлан 1995 ийыште тудлан «Йошкар-Олан почётан гражданинже» кӱшыл чаплӱмым пуымо. 2000 ийыште Е. И. Зотов «Советский районын почётан гражданинже» лӱмым сулен[1].

2018 ий 6 июльышто Йошкар-Олаште колен[1].

Шарнымаш

Йошкар-Ола олан Чапланыше гражданинже Евгений Иванович Зотовлан мемориал оҥа

2020 ий 29 декабрьыште Йошкар-Ола олаште Чавайн бульварын 43-шо №-ан пӧрт пырдыжыште ола вуйлатыше Е. И. Зотовым шарныме лӱмеш мемориал оҥам вераҥденыт[5].

Чаплӱм да суаптар-влак

Палемдымаш

  1. ↑ 1 2 3 4 5 6 7 8 9 10 11 Скончался Евгений Иванович Зотов, Почетный гражданин города Йошкар-Олы, бывший председатель исполкома Йошкар-Олинского городского Совета депутатов трудящихся. - Официальный сайт администрации городского округа "Город Йошкар-Ола". i-ola.ru. Тергыме кече: 5 теле 2020. Архивлыме 18 шорыкйол 2020 ий.
  2. ↑ 1 2 Зотов Евгений Иванович :: Память народа. pamyat-naroda.ru. Тергыме кече: 5 теле 2020.
  3. ↑ 1 2 Официальный сайт Госсобрания Республики Марий Эл. parlament.mari.ru. Тергыме кече: 5 теле 2020.
  4. ↑ Евгений Зотов: мэр, превративший Йошкар-Олу в столицу. www.marpravda.ru. Тергыме кече: 5 теле 2020. Архивлыме 3 кылме 2020 ий.
  5. ↑ Кирилл КОНСТАНТИНОВ. В Йошкар-Оле установлена мемориальная доска Евгению Ивановичу Зотову (неопр.). Тергыме кече: 30 теле 2020. Архивлыме 29 теле 2020 ий.
  6. ↑ Зотов Евгений Иванович :: Память народа. pamyat-naroda.ru. Тергыме кече: 5 теле 2020.
  7. ↑ Зотов Евгений Иванович :: Память народа. pamyat-naroda.ru. Тергыме кече: 5 теле 2020.
  8. ↑ Зотов Евгений Иванович :: Память народа. pamyat-naroda.ru. Тергыме кече: 5 теле 2020.
  9. ↑ 1 2 Зотов Евгений Иванович :: Память народа. pamyat-naroda.ru. Тергыме кече: 5 теле 2020.
  10. ↑ 1 2 3 4 5 Мочаев, 2017, с. 160.

Литератур

  • Зотов Евгений Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 138. — 2032 экз. — ISBN 5-87898-357-0.
  • Мочаев В. А. Зотов Евгений Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 160. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Зотов,_Евгений_Иванович&oldid=1233040" гыч налме