Конышев, Иван Кузьмич

Иван Кузьмич Конышев
Иван Кузьмич Конышев
Шочмо кече	4 (16) идым 1895
Шочмо вер	Руйко, Вӱрзым уезд, Виче губерний, Россий империй;
Колымо кече	18 шыжа 1979 (84 ий)
Колымо вер	Севастополь, СССР;
Пурымаш	Россий империй,; СССР
Войскан родшо	сарзе-теҥыз флот[d]
Службо жап	1915—1947
Званий
Командоватлен	СССР сарзе-теҥыз флотын Ушымо да Артиллерий школышт;; Лугасе сарзе порт;; Койвисто порт;; Таллинын комендантше;; теҥыз пехотын 15-ше полкшо;; 61-ше теҥыз стрелок бригаде;; Шем теҥыз флотын туныктымо отрядше дене
Кредалмаш/сар	Российысе Граждан сар[d]; Совет-финн сар (1939—1940)[d]; Кугу Ачамланде сар;

Иван Кузьмич Конышев (4 [16] идым 1895, Руйко, Виче губерний — 18 шыжа 1979, Севастополь) — СССР Сарзе-теҥыз флотын сер орол службын генерал-майоржо, Граждан, совет-финн да Кугу Ачамланде сар-влакын участникше.

Илыш корныжо

Иван Кузьмич Конышев 1895 ий 4 сентябрыште Тошто Опарин ялеш шочын^{[К 1]}. 1915 ийыште тудым кугыжан армийыш служитлаш налыныт, Тунемме-мине отрядыште мине машинистлан служитлен, унтер-офицер чаплӱм марте шуын. 1918 ийыште шке кумылын Сарзе-теҥыз флотыш служитлаш каен. Граждан сар кредалмаште лийын, сусырген^[4].

Граждан сар пытымеке, СССР Сарзе-теҥыз флотын частьлаштыже вуйлатыше должностьлаште службым шуктен. 1924 ий гыч сарзе тунемме тӧнежлаште служитлен, Электромине школышто туныктымаш паша шотышто вуйлатыше, СССР сарзе-теҥыз флотын Ушымо да Артиллерий школ-влакын вуйлатышыже лийын. 1939—1940 ийлаште Лугасе сарзе портым вуйлатен, совет-финн сарыште лийын. Вара Койвисто оласе портым вуйлатен, а 1940 ий октябрь гыч Таллиннын комендантше лийын^[4]. 1941 ий 21 майыште сер орол службын генерал-майоржо сарзе чаплӱмым пуымо.

Кугу Ачамланде сар тӱҥалмеке — армийыште. Балтий флотын флот полуэкипажшым, 15-ше теҥыз пехото полкым, 61-ше теҥыз стрелок бригадым вуйлатен. 1942 ий май гыч Шем теҥыз флотын (руш.) (мар. Тунемме отрядшым вуйлатен. 1947 ий апрельыште сер орол службын генерал-майоржо чаплӱм дене шапашыш лукмо. 1979 ий 18 октябрьыште колен, Севастопольысо Коммунар-влакын шӱгарлаштышт тойымо^[4].

Севастопольысо Коммунар-влак шӱгарлаште Конышевын шӱгарже

Суаптар-влак

1-ше степенян Ачамланде сар орден (19.6.1944);
Йошкар Тисте орден (3.11.1944);
Ленин орден (21.2.1945);
медаль-влак, нунын коклаште:
- Пашазе-Кресаньык Йошкар Армийлан XX ий (руш.) (мар.;
- Ленинградым аралымылан (руш.) (мар.;
- Совет Заполярьем аралымылан (15.6.1945).
лӱман саргурал (кок гана)^[4].

Умылтарымаш

↑ Тошто Опарин ял^[1], Уржум уездысе Хлебниково волостьыш, вара Хлебниковысо, 1959 ий 11 март гыч — Марий Турек кундемысе Хлебниково ял шотан илемыш пурен ^[2]; 1965 ий 28 июньышто Тошто Опарин ден Руйко ял-влак «Руйко ял» лӱм дене ик ял шотан илемыш ушалтыныт, кызыт — Марий Эл Республикысе Марий Турек район Хлебниково ял шотан илемыш пура^[3].

Палемдымаш

↑ См. на карте 1985 года
↑ Старое Опарино (руш.). Родная Вятка (31 ӱярня 2018). Тергыме кече: 21 сӱрем 2025. Архивлыме 22 идым 2019 ий.
↑ Rage171. Руйка (руш.). Родная Вятка (1 сорла 2015). Тергыме кече: 21 сӱрем 2025. Архивлыме 22 идым 2010 ий.
↑ ¹ ² ³ ⁴ Лурье В. М. Адмиралы и генералы Военно-морского флота СССР: 1946—1960. — М.: Кучково поле, 2007. — 672 с. — 3000 экз. — ISBN 978-5-9950-0009-9.

Литератур

Деревня Старое Опарино // Мари-Турекский район. — Йошкар-Ола, 2003. — С. 275—276. — 320 с. — (История сёл и деревень Республики Марий Эл). — 1500 экз. — ISBN 5-87898-241-2.
Мочаев В. А. Конышев Иван Кузьмич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 182. — 2032 экз. — ISBN 5-87898-357-0.
Конышев Иван Кузьмич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 448. — 872 с. — 3505 экз. — ISBN 978-5-94950-049-1.
Мочаев В. А. Конышев Иван Кузьмич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 215. — 606 с. — 1500 экз. — ISBN 978-5-905314-35-3.

[4] Тошто Опарин ял^[1], Уржум уездысе Хлебниково волостьыш, вара Хлебниковысо, 1959 ий 11 март гыч — Марий Турек кундемысе Хлебниково ял шотан илемыш пурен ^[2]; 1965 ий 28 июньышто Тошто Опарин ден Руйко ял-влак «Руйко ял» лӱм дене ик ял шотан илемыш ушалтыныт, кызыт — Марий Эл Республикысе Марий Турек район Хлебниково ял шотан илемыш пура^[3].

[1] См. на карте 1985 года

[2] Старое Опарино (руш.). Родная Вятка (31 ӱярня 2018). Тергыме кече: 21 сӱрем 2025. Архивлыме 22 идым 2019 ий.

[3] Rage171. Руйка (руш.). Родная Вятка (1 сорла 2015). Тергыме кече: 21 сӱрем 2025. Архивлыме 22 идым 2010 ий.

[лурье-5] ¹ ² ³ ⁴ Лурье В. М. Адмиралы и генералы Военно-морского флота СССР: 1946—1960. — М.: Кучково поле, 2007. — 672 с. — 3000 экз. — ISBN 978-5-9950-0009-9.

[К 1]

[4]

[1]

[2]

[3]