Кислицын, Вячеслав Александрович
| Вячеслав Александрович Кислицын | |
|---|---|
 | |
| Шочмо кече | 4 идым 1948 (77 ий) |
| Шочмо вер | |
| Эл | |
| Паша сомыл | политик, кугыжаныш пашаеҥ |
 РУВИКИ.Медиаште медиафайл-влак | |
Вячесла́в Алекса́ндрович Кисли́цын (шоч. 4 идым 1948, Косолоп, Марий Автоном Совет Социализм Республик) — российысе кугыжаныш пашаеҥ, 1997 ий 14 январь гыч 2001 ий 17 январь марте Марий Эл Республикын Президентше.
Илыш корныжо
1948 ий 4 сентябрьыште Марий АССР-ысе Марий Турек район Косолоп селаште шочын. Калыкле шот дене руш[1][2][3].
Тунеммаш
Томскысо кӱртньӧгорно транспорт техникумым, 1978 ийыште Н. К. Крупская лӱмеш Марий кугыжаныш педагогике институтын историй факультетшым, 1991 ийыште КПСС ЦК пеленысе Кӱшыл партий школым, 1994 ийыште «юрист-консультант» специальность дене Российысе политологий институтым тунем пытарен.
Политике паша
Районысо физкультур да спорт комитетын председательжылан, райсоветын инструкторжылан пашам ыштен.
1972 гыч 1975 ий марте — Семёновский, вара Знаменский ял Совет-влакын исполкомыштын председательже. 1975 гыч 1978 ий марте Медведево мер кочкыш ушемым вуйлатен. 1978 ий ноябрь гыч — «Победитель» колхозын правленийжын председательже.
1989 гыч 1992 ий марте — Медведево район Советын исполкомын председательже. 1989 ийыште СССР-ын калык депутатшылан сайлалтын. 1992 гыч 1996 ий марте — Медведево район администрацийын вуйлатышыже, 1996 ий мартыште администраций вуйлатыше должность гыч кораҥдыме, Медведево райпон Правленийжын председательжылан пашам ыштен, но тудо ийын ноябрьыште Йошкар-Оласе судын пунчалже почеш ончычсо паша верышкыже уэш шогалтыме.
1993 ийыште икымше созыв Федераций Каҥашын депутатшылан сайлалтын.
1996 ий 22 декабрьыште Марий Эл Президент должностьыш кандидатлан баллотироватлалтын, 1997 ий 4 январьыште сайлымашын кокымшо турыштыжо сеҥен. Должность почеш Федераций Каҥашыш пурен, Шанче, тӱвыра да образований йодыш-влак шотышто Комитетын еҥже лийын.
1997 ийыште тудын деч ончычсо президент В. М. Зотин инициативыж дене 1995 ийыште почылтшо Марий Эл Республик Президент пеленсе Кугыжаныш службо да виктарымаш Институтым петыраш пунчалым луктын. Институт республикын кӱлешлыкшылан виктарыше персоналын специалист-влакым очный отделенийыште ямдылен да заочный дене уже пашам ыштыше специалист-влакын переквалификацийыштым шуктен. Институт республикын эн перспективный да пайдале кадр структуржо-влак кокла гыч иктыжлан шотлалтын, институтын туныктышыжо-влак республикын эн сай специалистше-влак лийыныт (республикын чыла ВУЗ-влакын профессоржо да академикше-влак). Очный отделенийын студентше-влакым Марий кугыжаныш техник университетыш кусарыме, тушто нуно тунеммым пытареныт.
Марий Элыште черетан президент сайлымаште кокымшо турышто 2000 ий 17 декабрьыште сайлымашке ушнышо сайлыше-влакын 33,7 % йӱкыштым налын, Леонид Маркеловлан тудын деч шукырак ен йӱклен (57,9 %).
Президент кандидат лиймыж годым, шке илышыш вмешательствым ок приниматле да марий йылмым палымым тергымым мыскылымашлан шотла манын увертарен[4].
Ончыч КПРФ-ын Рӱдӧ комитетын еҥжылан сайлалтын.
Еш
Аваже — Мария Яковлевна. Ача деч посна кушкын. Изаже — Кислицын Андрей.
Ватан, ӱдыржӧ, уныкаже-влак улыт.
Суаптар-влак
- Россий Федераций Виктерын чаптаныкше (1998)[5];
- Россий Федераций Федерал Погын Каҥашын чаптаныкше;
- Марий Эл Республикын чаптаныкше (1993)[6];
- «Патырлык да Ачамландым йӧратымылан» шарнымаш оҥпале.
Палемдымаш
- ↑ Список депутатов Совета Федераций Федерального Собрания Российской Федерации, избранных по двухмандатным избирательным округам. Тергыме кече: 5 кылме 2025. Архивлыме 1 теле 2015 ий.
- ↑ Религиозная политика властей и православие (англ.). web.archive.org. Тергыме кече: 5 кылме 2025.
- ↑ Кислицын Вячеслав Александрович. Тергыме кече: 5 кылме 2025. Архивлыме 4 ӱярня 2016 ий.
- ↑ Республика Марий Эл. Октябрь 1996 года. Тергыме кече: 5 кылме 2025. Архивлыме 14 теле 2012 ий.
- ↑ Кислицын Вячеслав Александрович – Награды России, 06 сентября 1998 (руш.). ru.nagrady.by. Тергыме кече: 5 кылме 2025.
- ↑ Кислицын Вячеслав Александрович | Музей (неопр.). museum.marsu.ru. Тергыме кече: 5 кылме 2025.
Литератур
- Кислицын Вячеслав Александрович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 258. — 2000 экз. — ISBN 5-87898-197-1.
- Кислицын Вячеслав Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 170. — 2032 экз. — ISBN 5-87898-357-0.
- Кислицын Вячеслав Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 428. — 872 с. — 3505 экз. — ISBN 978-5-94950-049-1.