2 шорыкйол

← → Шорыкйол
Шч Кш Вр Из Кг Шм Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

2 шорыкйол (2 январь) — григориан кечышот почеш идалыкын 2-шо кечыже. Идалык пытыме марте 363 (кужемдыме ийлаште — 364) кече кодеш.

Йошкар-Олаште ☀️ Кече 8 шагатат 19 минутлан лектеш, 15 шагатат 16 минутлан шинчеш. Кечын кужытшо 🕒 6 шагатат 57 минут.
🌕 Тичмаш тылзе (13.08 тылзе кече).

Пайрем да шарныктарыше кече-влак

Тугак ончо: Категорий:Шорыкйол тылзын 2 кечысе пайрем-влак

•  — Шанче фантастике кече (руш. День научной фантастики).
•  Россий — Оливье кече (руш. День оливье).
•  Швейцарий — Шнуй Бертольдын кечыже (руш. День святого Бертольда).
•  Гаити — Кугезе-влакын кечышт (руш. День предков).
• Ышташ таратыме да кумылаҥдыме кече (руш. День мотивации и вдохновения).
• Шке кӧргӧ тӱняжлан тӱткылыкым ойырышын тӱнямбал кечыже (руш. Всемирный день интроверта).
• Швейцар сыр кече (руш. День швейцарского сыра).

Лӱмгече

• Католик лӱм-влак: Василий, Григорий, Дефенденс, Екатерина, Макарий.
• Православий лӱм-влак: Антоний, Даниил, Иван, Игнатий, Филогоний.

Эртынчык-влак

Тугак ончо: Категорий:Шорыкйол тылзын 2 кечысе событий-влак

• 1947 — Сахалин областьым ыштыме (Хабаровск край гыч лукмо).

Шочыныт

Тугак ончо: Категорий:Шорыкйол тылзын 2 кечынже шочшо-влак

• 1896 — Анастасия Деомидовна Кедрова, марий совет партий да мер пашаеҥ, туныктыш пашаеҥ. Марий ӱдырамаш-влак кокла гыч ик эн ончыч коммунист лийын, Марий ВКП(б) обкомын йыжъеҥже. 1919 ий гыч РКП(б) йыжъеҥ.
• 1912 — Клавдия Ивановна Шарина, совет тазалыкаралтыш пашаеҥ, шинчам эмлыше, мер-политике пашаеҥ.
• 1916 — Борис Сергеевич Шабалин, 25-ше танк бригадын рото командирже (29-ше танк корпус, 5-ше гвардийысе танк армий, 1-ше Прибалтике фронт). Совет Ушемын Геройжо.
• 1926 — Александр Павлович Лаврентьев, совет целлюлоз-кагаз йӧнозанлык пашаеҥ, производствын ончылъеҥже, рационализатор. Марий целлюлоз-кагаз комбинатыште кагазым ыштыше машинан машинистше (1960—1989). Ленин орденын кавалерже (1971). 1950 ий гыч ВКП(б)-ын йыжыҥъеҥже, КПСС-ын XXII погынжын делегатше (1961).
• 1935 — Арсений Андреевич Венедиктов, Марий Эл Республикын Калык артистше.
• 1951 — Ипполит Лобанов, курыкмарий серызе, почеламутчо, журналист, кусарыше, Россий Серызе-влак ушемын йыжъеҥже (1998), Марий Эл Республикысе тӱвыран сулло пашаеҥже (1999).
• 1952 — Анатолий Тимиркаев, марий серызе, почеламутчо, кусарыше, журналист, СССР Серызе-влак ушемын йыжъеҥже (1985), Олык Ипай лӱмеш Марий комсомол премийын лауреатше (1984), Марий Эл Республикысе тӱвыран сулло пашаеҥже (1997), Марий Эл Республикысе С.Г. Чавайн лӱмеш Кугыжаныш премийын лауреатше (1999), Марий Эл Республикын Калык почеламутчыжо (2012).
• 1981 — Александр Александрович Козлов, россий кугыжаныш пашаеҥ. 2020 ий 10 ноябрь гыч Россий Федерацийын пӱртӱс шапаш да экологий шотышто министрже.

Коленыт

Тугак ончо: Категорий:Шорыкйол тылзын 2 кечынже колышо-влак

• 1945 — Михаил Васильевич Лебедев, Кугу Ачамланде сарын салтакше, Совет Ушемын Талешкыже.
• 1995 — Николай Арбан, марий серызе, драматург, семлызе, сӱретче, балейтместер, Марий АССР-ысе тӱвыран сулло пашаеҥже (1944), СССР Серызе-влак ушемын йыжъеҥже (1958), Марий Эл Республикын Калык серызыже (1994).
• 1999 — Алексей Искандарович Искандаров, совет да россий композитор, РСФСР сымыктышын сулло пашаеҥже (1960).
• 2015 — Вера Михайловна Горинова, Марий ужалыше машинам чоҥышо заводышто 1 №-ан штамповко механике цехын электросварщикше (1944―1975). Йошкар-Олан Чапланыше гражданинже (1969). Ленин орденын кавалерже (1971).
• 2019 — Анатолий Андрианович Артюшов, совет юрист, судья. Марий АССР/Марий Элысе Кӱшыл суд председательын алмаштышыже (1971—1994). Пӱтынь российысе судья-влакын I―II погыныштышт лийын (1991, 1993), Россий Федерацийысе судья-влак каҥашын йыжъеҥже. РСФСР-ын сулло юристше (1991), Марий АССР-ын сулло юристше (1985).

Калык пале

• Кунар йӱштырак лиеш — тунар кеҥеж шокшырак.

Палемдымаш