Горинова, Вера Михайловна

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Горинов.
Вера Михайловна Горинова
Горинова, Вера Михайловна.jpg
Шочмо кече 1925 ий 6 шыжа(1925-10-06)
Шочмо вер Моркэҥер, Параньга район, Марий автоном область, РСФСР, СССР
Колымо кече 2015 ий 2 шорыкйол(2015-01-02) (89 ий)
Колымо вер Йошкар-Ола, Марий Эл, Россий
Гражданлык  СССР →  Россий
Паша сомыл электросварщик
Награде да премий

Вера Михайловна Горинова (1925 ий 6 октябрь, Моркэҥер, Марий Тӱрек кантон, Марий автоном область, РСФСР, СССР — 2015 ий 2 январь, Йошкар-Ола, Россий) — Марий ужалыше машинам чоҥышо заводышто 1 №-ан штамповко механике цехын электросварщикше (1944―1975). Йошкар-Олан Чапланыше гражданинже (1969). Ленин орденын кавалерже (1971).

Илыш корныжо

[тӧрлаташ | вики-текстым тӧрлаташ]

1925 ий 6 октябрьыште кызытсе Марий Элын Параньга районысо Моркэҥер ялысе[1] кресаньык ешеш шочын[2][3].

1944 ийыште Марий АССР Волжск оласе кидпаша (ремесло) училищым тунем пытарен[2][3].

1944—1975 ийлаште — Марий ужалыме машинам чоҥышо заводышто 1 №-ан штамповко механике цехын электросварщикше[2][3]. Кече еда паша нормым 200—250 %-лан шуктен! Комсомол-самырык-влак бригадын бригадирже семын цехын самырык пашазе-влакым стахановысо толкыныш ушен. Ятыр гана заводын ВЛКСМ комитетын йыжъеҥжылан сайлалтын[4].

Кӱкшӧ паша лектышлан да мер илышыште кумылын тыршымылан 1969 ий 21 апрельыште тудлан «Йошкар-Олан Чапланыше гражданинже» чаплӱмым пуымо[5]. Ленин орден, Пашан Йошкар Тистыже орден да медаль-влак дене суапландаралтын[4].

Паша суаптар ден чаплӱм-влак

[тӧрлаташ | вики-текстым тӧрлаташ]

Шарнымаш

[тӧрлаташ | вики-текстым тӧрлаташ]
  • Социалист таҥасымаште сеҥымашыш шумылан 1967 ийыште олан Чап оҥаштышкыже лӱмжым ончыктымо, 1969 ийыште — Йошкар-Оласе Паша Чап книгашкыже пуртымо[5].
  • Йошкар-Ола Чапланыше гражданинже В. М. Горинован шке архивше гыч посна фото, документ-влак Йошкар-Оласе Историй тоштерыште аралалтыт.

Палемдымаш

[тӧрлаташ | вики-текстым тӧрлаташ]
  1. ↑ Информационный ресурс Республики Марий Эл "12rus.ru" :: Параньгинский район. www.12rus.ru. Дата обращения: 21 шорыкйол 2024.
  2. ↑ 1 2 3 4 5 Мочаев, 2017, с. 107.
  3. ↑ 1 2 3 4 5 Энциклопедия Республики Марий Эл, 2009, с. 309.
  4. ↑ 1 2 3 4 5 6 95 лет со дня рождения Почетного гражданина города Йошкар-Олы Гориновой Веры Михайловны - Лента новостей Марий Эл. mariel-news.net (6 шыжа 2020). Дата обращения: 21 шорыкйол 2024.
  5. ↑ 1 2 3 Собрание депутатов городского округа "Город Йошкар-Ола". gor-sobry-ola.ru. Дата обращения: 21 шорыкйол 2024.

Литератур

[тӧрлаташ | вики-текстым тӧрлаташ]
  • Андреев В. П. Страницы истории развития промышленности Марийской АССР (1945―1980 гг.) / В.П. Андреев; Мар. гос. техн. ун-т. ― Йошкар-Ола: Мар. гос. техн. ун-т, 1999. ― 129, [1] с.: ил., карт., портр.; 20 см.; ISBN 5-8158-0051-1.
  • Краснов П. В. Горинова Вера Михайловна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 94. — 2032 экз. — ISBN 5-87898-357-0.
  • Горинова Вера Михайловна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 309. — 872 с. — 3505 экз. — ISBN 978-5-94950-049-1.
  • Краснов П. В., Мочаев В. А. Горинова Вера Михайловна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 107. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Горинова,_Вера_Михайловна&oldid=644395" гыч налме